Nthi 19:16 - ÎVUKU RÎA ÛVORO MWARO

Mûndû ûrîa ûvingagia maathani nîatûûraga mwoyo, na mûndû ûrîa ûnyararaga watho nîagaakua.

Nthi 19:16 Referencias Cruzadas

Ayubu 5:2

Marakara maûragaga kîrimû, naguo wîru ûragaga mûndû mûritu.

Thaburi 103:18

cia andû arîa mathîkagîra kîrîkanîro gîake, na maririkanaga kûvingia maathani make.

Nthi 13:13

Mûndû ûrîa wîraga mataaro ecaragîria thîna ke mwene, nwatî mûndû ûrîa ûtîîaga maathani ma Ngai nîavecagwa kîveo.

Nthi 15:32

Mûndû ûrîa ûregaga gûtaarwa enyararaga ke mwene, nwatî mûndû ûrîa wîtîkagîra kûrutwa mavîtia nîagîcaga na ûmenyo.

Nthi 16:17

Andû arîa marî mîthiîre mîrûngîrîru nîmaûragîra maûndû marîa macûku; mûndû ûrîa ûmenyagîrîra mîthiîre yake nîagitagîra mwoyo wake.

Nthi 21:16

Mûndû ûrîa ûtiganaga na mîtugo îrîa mîaro, arîkagîrîria kwa arîa akuû.

Nthi 21:23

Mûndû ûrîa ûmenyagîrîra ûrîa akwaria, nîaûragîra thîna.

Nthi 22:5

Njîra ya arîa aremi îrî mîgua na mîtego, mûndû ûrîa wîmenyagîrîra nîamîîthemaga.

Nthi 29:18

Andû matarûmagîrîra ûrîa Ngai endaga matirî mîtugo mîaro, kûrathimwa nî mûndû ûrîa wathîkagîra watho wa Ngai.

Nthi 3:1

Mwana wakwa, ndûkariganîrwe nî kîrîra gîakwa, igaga maathani makwa ngororî yaku.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Mûvunjia 8:5

Mûndû ûrîa ûvingagia ûrîa mûthamaki athanîte ndangîona ûndû mûcûku, na mûndû mûûgî nîamenyaga kavinda karîa kagîrîru ga gwîka guo.

Jeremia 7:23

Nwatî namaveere watho ngîmeera, ‘Athîkagîrani mûgambo wakwa, nîngûtuîka Ngai wenyu na mûtuîke andû akwa, na mûrûmagîrîre maûndû marîa ngûmwatha, nîguo maûndû menyu mavue.’

Ezek 33:5

Nîweguire mûgambo wa karumbeta na nîwaregire kwîmenyerera, kwoguo nîagaacokererwa nî gîkuû gîake. Nwatî kethîrwa nîwemenyerere, nîangîavonokirie mwoyo wake.

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Luka 10:28

Nake Jesû nîwamwîrire atîrî, “We nîwacokia waro. Îkaga ûguo na nîûgûtûûra mwoyo.”

Luka 11:28

Nwatî Jesû nîwamûcokerie atîrî, “Kûrathimwa makîria nî andû onthe arîa megucaga kiugo Kîam Ngai na magakîathîkîra!”

Johana 14:15

“Ethîrwa nîmûmendete, mûkaathîkagîra maathani makwa.

1Akor 7:19

Kûrua kana kûrega kûrua, ûcio tî ûndû ûrî na vata. Ûndû ûrîa ûrî na vata nî kwathîkîra mawatho ma Ngai.

1Joh 3:22

Ngai nîatûvecaga kîndû wa kîonthe kîrîa twamwîtia nîûndû nîtûrûmagîrîra maathani make na nîtwîkaga maûndû marîa mamûkenagia.

1Joh 5:3

Nîûndû wendo wetû kûrî Ngai nî atî twathîkîre Maathani make na maathani make tî mûrigo kûrî tue.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.