Nthi 19:17 - ÎVUKU RÎA ÛVORO MWARO

¹⁷ Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 19:17 Referencias Cruzadas

2Sam 12:6

Na nwanginya arîve kamwatî kau maita mana nîûndû wa gwîka gîîko ta kîu na nîûndû ndaarî na ntha.”

Thaburi 41:2

Ngai-Mûnene nîamagitagîra na akamamenyerera ûtûûrorî wao; nîmagaatûûra marî akenu marî vûrûrirî; ke ndakaamatiganîria kûrî nthû ciao.

Thaburi 72:13

Nîegucagîra ntha avatari na arîa matarî na vinya, nîavonokagia mîoyo ya arîa marî na thîna.

Nthi 12:14

Mûndû avecagwa kîveo kûringana na ûrîa aragia; na mûndû anyitaga kîrîa kîmwagîrîrîte kuumana na wîra wa njara ciake.

Nthi 14:21

Mûndû ûrîa ûnyararaga mûndû ûrîa mariganîtie nake nî mwîvia, nwatî mûndû ûrîa wîgucagîra mûthîni ntha nîarathimagwa.

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Nthi 28:27

Mûndû ûrîa ûvecaga arîa athîni ndagaaturaga kîndû, nwatî ûrîa ûregaga gûtethia athîni nîakaarumwa nî andû eengî.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Mûvunjia 11:1

Iga mbeca ciaku wîrarî wa kûgûra na kwendia, nîûndû vuva wa mîthenya mîîngî nîikaagîa na maciaro.

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Luka 6:38

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Gûco 24:19

“Rîrîa mwaketha irio na mwatigaria imwe kûu mûgûndarî mûtigaicokere. Icio ikethagîrwa irî cia ageni, ciana cia ndigwa, na aka a ndigwa; nake Ngai-Mûnene Ngai wenyu akaarathimaga mawîra menyu monthe.

Afil 4:17

Nie ndirenda iveo kuuma kûrî mue, nwatî nîrenda mûgîe na maciaro marîa maumanaga na ûvecani.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.