Nthi 21:16 - ÎVUKU RÎA ÛVORO MWARO

¹⁶ Mûndû ûrîa ûtiganaga na mîtugo îrîa mîaro, arîkagîrîria kwa arîa akuû.

Nthi 21:16 Referencias Cruzadas

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Thaburi 49:14

Mekaraga na magakua ta ng'ondu, gîkuû gîgaatuîka mûrîthi wao. Manyûrûrûkaga mbîrîrarî, kûu nîkuo mîîrî yao îkoorera, kwa arîa akuû gûgaatuîka mîciî yao.

Nthi 11:19

Mûndû wa wonthe wendete gûtûûra ekaga maûndû ma ûthingu nîagaatûûra, nwatî mûndû wa wonthe wendete gwîka maûndû marîa macûku nîagaakua.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Nthi 19:16

Mûndû ûrîa ûvingagia maathani nîatûûraga mwoyo, na mûndû ûrîa ûnyararaga watho nîagaakua.

Nthi 2:13

Andû acio nî mareganaga na mîthiîre mîkinyanîru na makarûmîrîra njîra cia nduma,

Nthi 5:23

Akucaga nîûndû ndarî mîtugo mîaro, ûrimû wake mwîngî nîguo ûtûmaga aûre.

Nthi 9:18

Nwatî andû arîa mathiîcaga gwake nyomba matimenyaga atî mathiîcaga kwa arîa akuû, arîa onthe matonyete gwake nyomba marî kwa arîa akuû.

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Aefeso 2:1

Mue mwarî akuû kîîroho nîûndû wa ûremi na mevia menyu.

Ahib 10:38

Mûndû wa wonthe mûthingu nîagaatûûra mwoyo nîûndû wa gwîtîkia, nwatî ethîrwa nwa acoke na vuva ndingîkenua nîke.”

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.