Nthi 15:32 - ÎVUKU RÎA ÛVORO MWARO

³² Mûndû ûrîa ûregaga gûtaarwa enyararaga ke mwene, nwatî mûndû ûrîa wîtîkagîra kûrutwa mavîtia nîagîcaga na ûmenyo.

Nthi 15:32 Referencias Cruzadas

Thaburi 50:17

Nîûregaga ngûtaare; ndwendaga kûrûmîrîra mawatho makwa.

Nthi 1:7

Gwîtigîra Ngai-Mûnene nîkîo Kîammbîrîria gîa kûgîa na ûmenyo. Andû arîa aritu nîmanyararaga ûûgî na kîrîra.

Nthi 10:17

Mûndû ûrîa wîtîkagîra ûtaaro nîatûûraga waro, nwatî mûndû ûrîa ûreganaga na ûtaaro ethagîrwa arî njîrarî ya kûûra.

Nthi 13:18

Ûthîni na gîconoko inyitaga mûndû ûrîa ûregaga kîrîra. Mûndû ûrîa ûthikagîrîria akîrutwa mavîtia nî atîîagwa.

Nthi 15:14

Andû arîa aûgî nîmacaragia ûmenyo, nwatî andû arîa irimû meganagîra na ûrimû wao.

Nthi 15:21

Mûndû kîrimû nîakenagua nî ûrimû wake, nwatî mûndû mûûgî ekaga maûndû marîa magîrîru.

Nthi 15:31

Mûndû ûrîa ûthikagîrîria rîrîa akûrutwa mavîtia nîekaranagia na andû arîa aûgî.

Nthi 15:33

Gwîtigîra Ngai-Mûnene nî kûgîa na ûûgî, na kwînyivia nîkuo gûtûmaga mûndû agîe na ngumo mbaro.

Nthi 15:5

Mûndû kîrimû nîareganaga na kîrîra Kîam îthe; nwatî mûndû ûrîa wîtîkagîra rîrîa akûrutwa mavîtia nî ethagîrwa arî mûûgî.

Nthi 17:16

Gûtirî vata wa gûtûmîra mbia kûthomithia kîrimû, nîûndû ndarî vata wa kûgîa naguo.

Nthi 18:15

Mûndû mûûgî nîeriragîria kûmenya maûndû, na matû ma mûndû mûûgî nîmegucaga ûmenyo.

Nthi 19:20

Thikagîrîria ûgîtaarwa na ûrûmagîrîre ûrîa ûkûthomithua, nîguo vuvarî ûkaagîa na ûûgî.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Mûvunjia 7:5

Kava kûthikîrîria ûgîkanua nî mûndû mûûgî, gûkîra kûthikîrîria irimû ikiina nyîmbo.

Isaia 1:5

Mûrathiî na mbere kûregana na Ngai nîkî, nî mûkwenda mûverithue makîria? Wî mûtivie kîongo na ngoro yaku nî nthiru vinya.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Gûco 21:18

“Ethîrwa mûndû arî na mwana mûmû kîongo na mûremi na ûtathîkagîra îthe kana ng'ina wana mamûverithia,

Gûco 21:20

Aciari acio nîmakeera atongoria a îtûûra atî: ‘Mwana wetû nî mûmû kîongo na nî mûremi. Ndatwathîkagîra, nî mûkoroku na nî mûrîu.’

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Jakuvu 1:22

Tigani kwîveenia na njîra ya kûthikîrîria kiugo gîake tu, vandû va ûguo îkagani ûrîa kiugîte.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.