JOSHUA 3:10 - Bukuit Ne Tilil Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik. BUKUIT NE TILIIL Sireet ne Dutero Kanon Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik. BUKUIT NE TILIL Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik. |
Ki leenji Mikaia, “Ngot iweigei iman eng' kaalyeet, ko kaagaa ma ng'alaalena Kamuktaindet ne Toroor.” Ak kites kole, “Ogas okweek piik tugul.”
Abeere imuuchi kogas Kamuktaindet ne Toroor Kamuktaindeng'ung' ng'aleek tugul che po Rabsake, ne kagoyok `laitoryatap Assyria kiptaiyandennyi, konyo kochot Kamuktaindet ne sabei, ak koger kong' ng'aleek che kagas Kamuktaindet ne Toroor Kamuktaindeng'ung'. Ara anyun saa agobo piik che ng'etunotiin.”
Amei saboondanyu melelda agobo Kamuktaindet, Kamuktaindet ne sabei. Auiyo ye anyoone tainnyi si ageer togeetap Kamuktaindet?
Kigoboorgei Kamuktaindet ne Toroor, ki korwooch inee; ki konam kiptengekyot poisyetap eunekyik. [Higgaion. Selah]
Ak ki kuure yooto Masa ak Meriba, amu polatetap `piigap Israel che ki tyem Kamuktaindet ne Toroor koleen, “Tos iman mi Kamuktaindet ne Toroor kobootech?”
Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.
Ayooktoi malaikaiyat kondoenak, ak aoon komanda Kanaanik, Amorik, Hitik, Perisik, Hibik ak Jebusik.
Koonok anyun Kiptaiyat ineendet kaboorunet; ogeero, manachi pergeiyat, ak kosich weeriit, ak koguuree kainennyi Immanuel.
Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.
Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”
Menyei Amelegik komostap murot tai; komenyei tuloonook Hitik, Jebusik ak Amorik, ak komenyei Kanaanik ngeguutyet ne po araraitap Mediterenian ak atebweetap Jordan.”
Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’
Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?
Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,
Among' komuok, amu Kamuktaindet ne Toroor Kamuktaindeng'wong' ne mi kobootok, ko Kamuktaindet ne oo ak ko po kwong'eet.
Amu icheeget che iboortoi agobo acheek ole ki kibwanunde oldang'wong'; ak ko uu ye ki oweekyigei Kamuktaindet olakte kanamonik, si kobiit oot Kamuktaindet ne sabei ak ko ne po iman,
Ki iyookyi ng'olyoo kora Kanaanik eng' kong'asiis, ak eng' cherongo kobooto Amorik, Hitik, Perisik, Jebusik eng' emetap tuloonook ak Hibik eng' Hermon keel eng' emetap Mispa.
emetap tuloonook, warenget, Arabah, chepkeigeusyek, surkwen, murot tai, Hitik, Amorik, Kanaanik, Perisik, Hibik ak Jebusik):
Ki isulda ng'aleek tugul che myach che kiga komwachi `Kamuktaindet ne Toroor kootap Israel, ma pet ng'olyoo agot agenge ne myee.
Ki wolji Phineas weeriitap Eleazar tisiindet lagogap Reuben, lagogap Gad ak lagogap Manasseh, Kaginai rani keele mi Kamuktaindet ne Toroor kwenunnyo, amu mata ochalwogenji Kamuktaindet ne Toroor eng' kiito. Kaosaru anyun piigap Israel eng' eutap Kamuktaindet ne Toroor.
Ki olong'une `Jordan obwa Jeriko ak ki yai lugeet ak okweek piigap Jeriko, Amorik, Perisik, Kanaanik, Hitik, Girgasik, Hibik ak Jebusik, ak ki ande icheek eunekwok.
Koleenji anyun `Joshua piigap Israel, “Obwa yu si ogas ng'aleegap Kamuktaindet ne Toroor Kamuktaindeng'wong'.”
Ye kingo kas laitorinik tugul (laitorinigap Hitik, Amorik, Kanaanik, Perisik, Hibik, kobooto Jebusik) che ki mi Jordan pitoniin, emetap tuloonook, ak warenget, ak ngeguut tugul ne po araraitap Mediterenian ne mi tai eng' Lebanon,
Ki ng'alaalji `Daudi piik che kitonondos eng' ye mi ineendet koleenji, “Kiyachin nee chiito ne parei Philistindoni ak koisto teweernatani eng' Israel? Amu ng'oo Philistindoni ma kimuratan kot koreeny lugosyegap Kamuktaindet ne sabei?”
ki teebee anyun `Daudi Ahimelek Hitindet ak Abisai weeriitap Zeruiah, ng'etap kametap Joab koleenji, “Ng'oo ne nyoonei si kechoortegei tuwai ole mi Saulo?” Kole Abisai, “Kichoortoigei tuwai.”