JOSHUA 11:3 - Bukuit Ne Tilil

³ Ki iyookyi ng'olyoo kora Kanaanik eng' kong'asiis, ak eng' cherongo kobooto Amorik, Hitik, Perisik, Jebusik eng' emetap tuloonook ak Hibik eng' Hermon keel eng' emetap Mispa.

BUKUIT NE TILIIL Sireet ne Dutero Kanon

³ Ki iyookyi ng'olyoo kora Kanaanik eng' kong'asiis, ak eng' cherongo kobooto Amorik, Hitik, Perisik, Jebusik eng' emetap tuloonook ak Hibik eng' Hermon keel eng' emetap Mispa.

BUKUIT NE TILIL

³ agoi oldab Kananik eng’ kong’asis, ak eng’ cherongo, koboto Amorik, ak Hitik, ak Perisik, ak Jebusik eng’ emetab tulonok, ak Hibik eng’ Hermon kel eng’ emetab Mispa.

JOSHUA 11:3 Referencias Cruzadas

TAUNET 31:49

ak ki kiguure kogeny Mispa, amu ki le, “Ingoek Kamuktaindet ne Toroor riibindet eng' kwenunnyoo, inyee ak anee, ye ma kigeeregei.

2 SAMUEL 24:16

Ye kingo tokyi malaikaiyat eunnyi Jerusalem kole kobar, kowal Kamuktaindet ne Toroor kabwaatutikyik agobo yaityonooto ak koleenji malaikaiyandonooto kibarei piik, “Kagoyam, ingosiis eung'ung'.” Ki mi malaikaiyatap Kamuktaindet ne Toroor ole neegitee rwanyut ne kiboorsee ne po Arauna Jebusindet.

2 SAMUEL 24:7

Yeityo kobwa irimeetap Tyro agoi nganasook tugul che po Hibik ak che po Kanaanik. Ki manda koba murot tai ne po Judah eng' Beer-sheba.

1 LAITORINIK 15:22

Komwaita anyun Laitoryat Asa eng' Judah tugul, ma kituuch chii ak ki ip koigap Ramah, ak keetiik che ki mi yooto, che kiga koteekse Baasha. Kiteege Laitoryat Asa Geba ne po Benjamin, ak Mispa.

1 LAITORINIK 9:20

Ak eng' piik tugul che kiga ng'et che po Amorik, Hitik, Perisik, Hibik ak Jebusik, che ki ma ko po Israel;

TIENWOGIKAL 133:3

Uu rewootap Hermon, che choorchingei tuloonoogap Zion. Amu olooto ole king'ate Kamuktaindet ne Toroor kaberuret, agot saboondap koigeny.

TIENWOGIKAL 89:12

Ki itau iyai murot kaataam ak murot tai: Tyendos eng' poiboiyet Tabor ak Hermon eng' kaineng'ung'.

TYENDO NE SIIREI TUGUL 4:8

Murerennyu, nyoo keebe tuwai eng' Lebanon, keebe tuwai kemande eng' Lebanon. Chorugei eng' tulweet parak ne po Amana, eng' tulweet parak ne po Senir ak Hermon, eng' kebenonigap ng'etuunyik, eng' tuloonoogap cheplangok.

JEREMIA 40:10

Ago amenye anee Mispa, si kobiit atonone taitap Kaldeik, che pwonjinech: ago oyum okweek divaik, logoegap kemei, ak mwanik, ak onde tereenikwok, omeny nganasookwok che koonam.

JEREMIA 40:6

Ki wo anyun Jeremiah kap Gedalia weeriitap Aikam eng' Mispa, ak komeng'iis kobooto ineendet eng' kwenutap piik che kiga ng'et eng' emet.

JEREMIA 41:14

Kiwelelgei anyun piik tugul che kiga komut Ishmael eng' Mispa koek luulenik, koweek koba ole mi Johanan weeriitap Karea.

JEREMIA 41:3

Ki par Ishmael kogeny Yahudik tugul che ki mi kobooto Gedalia eng' Mispa, kobooto Kaldeik che ki kinyoorchi olooto, chooto ko piigap lugeet.

KAITOSYEK 13:29

Menyei Amelegik komostap murot tai; komenyei tuloonook Hitik, Jebusik ak Amorik, ak komenyei Kanaanik ngeguutyet ne po araraitap Mediterenian ak atebweetap Jordan.”

NG'ATUTIK 4:48

kobooch Aroer, ne mi tabandap atebweetap Arnon, agoi tulweet ne po Siyon (kainet age ne po tulweetap Hermon)

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

JOSHUA 11:17

Ki nam kora kobooch tulweetap Halak ne tokyingei Seir agoi Baal-gad eng' atebweetap Lebanon eng' Hermon keel. Ki nam laitorinikwak tugul, ak kokweerot kobar.

JOSHUA 11:8

Ak ki inde `Kamuktaindet ne Toroor icheek eunegap Israel, si kobar ak koon kot koit Sidon ne oo ak Misrepot-maim agoi atebweetap Mispe ole tokyingei kong'asiis. Ki par icheek kowong' kot koma ng'et agot agenge.

JOSHUA 13:11

Gilead ak kiwotetap Gesurik ak Maakatik ak tulweet tugul ne po Hermon ak Bashan tugul agoi Saleka,

JOSHUA 13:5

ak emetap Gebalik, Lebanon tugul, ne tokyingei ole charunee asiista, kobooch Baal-gad eng' tulweetap Hermon keel kot koit ole kimandoe kebendi Lebo-hamath.

JOSHUA 15:38

Dilan, Mispe ak Jokteel,

JOSHUA 15:63

Ki ma imuuch piigap Judah koon Jebusik che ki menyei Jerusalem; ara ki meny Jebusik ak piigap Judah eng' Jerusalem agoi ra.

JOSHUA 18:26

Mispe, Kepira ak Motsa,

JOSHUA 3:10

Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

KIRUOGIK 20:1

Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

KIRUOGIK 21:5

Ki le piigap Israel, “Mi ng'oo eng' ortinwek tugul che po Israel ne ma nyo kotogos tuiyet ole mi Kamuktaindet ne Toroor?” Amu kiga yai kayasyoet ne oo agobo ineendet ne ma nyo kotogos ole mi Kamuktaindet ne Toroor eng' Mispa, kole, “Kibarei ineendet iman.”

KIRUOGIK 21:8

Ak ki le icheek, “Ng'oo ne po ortinwek eng' Israel ne ma nyo kotogos ole mi Kamuktaindet ne Toroor eng' Mispa?” Ak ogeero, Ki ma nyo chii agot agenge nganaseet ne ki punu Jabes-gilead konyo tuiyet.

KIRUOGIK 3:3

icheek ko ki kiptainik muut che po Philistiik, Kanaanik tugul, Sidonik ak Hibik che ki menyei tulweetap Lebanon, kobooch tulweetap Baal-hermon agoi Lebo-Hamath.

KIRUOGIK 3:5

Ara ki meny piigap Israel kwenutap Kanaanik, Hitik, Amorik, Perisik, Hibik ak Jebusik.

1 SAMUEL 10:17

Ki kuur `Samuel piik koyumgei eng' taitap Kamuktaindet ne Toroor eng' Mispa,