JOSHUA 3:10 - BUKUIT NE TILIL

¹⁰ Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik.

Bukuit Ne Tilil

¹⁰ Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

BUKUIT NE TILIIL Sireet ne Dutero Kanon

¹⁰ Ki testai Joshua kole, “Onae eng' ni ole mi kwenung'wong' Kamuktaindet ne sabei, ak oonei ineendet eng' taing'wong' ne matiny Kanaanik, Hitik, Hibik, Perisik, Girgasik, Amorik ak Jebusik.

JOSHUA 3:10 Referencias Cruzadas

TAUNET 15:21

ak Amorik, ak Kananik, ak Girgasik, ak Jebusik.

1 LAITORINIK 22:28

Ak kile Mikaia, Ngot iweeige iman eng’ kalyet, ko kaga ma ng’alalena Jehovah. Ak kile, Ogas okwek bik tugul.

2 LAITORINIK 19:4

Abere imuchi kogas Jehovah Kamuktaindeng’ung’ ng’alek tugul che bo Rabsake, ne kagoyok laitoriatab Asuria kiptaiyandennyi, konyo kochot Kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

1 ATEPTAP PEETUUSYEK 1:14

koboto Jebusindet, Amorindet, ak Girgasindet;

TIENWOGIKAL 42:2

Amei sobondanyu melelda amu machei Kamuktaindet, Kamuktaindet ne sobei: Auiyo ye anyone atoogu eng’ taitab Kamuktaindet?

TIENWOGIKAL 9:16

Kigoborgei Jehovah, kigoruoch: Kigonam kiptengekyot boisietab eunekyik. Higaion.

KOMONG'U 17:7

Ak kiguure yoto Masa, ak Meriba, amu bolatetab lagokab Israel, amu kitiem Jehovah kolen, Tos mi Jehovah kobotech anan mami?

KOMONG'U 3:8

kachoruge anyun si kobiit asor ichek eng’ eunekab Misrik, ak amutu ichek kotogos komong’ eng’ emonoto koba emet ne mie ne baraa, emet ne nyiitat chego ak kumik; oldab Kananik, Hitik, Amorik, Perisik, Hibik, ak Jebusik.

KOMONG'U 33:2

Ak ayokte malaikaiyat kondoun; ak aon komanda Kananik, Amorik, Hitik, Perisik, Hibik, ak Jebusik,

ISAIAH 7:14

Konok anyun Kiptaiyat inendet kaborunet; ogeero, manachi bergeiyat, ak kosich werit, ak koguure kainennyi Imanuel.

JEREMIA 10:10

Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

HOSEA 1:10

Ago tenitu lagokab Israel ng’aniek che bo nyanjet, che magimuchi kirogendoe kiy anan kiit; ak eng’ ole kigimwachine icheget kele, Ma o bikyuk, ko tun kilenjin, O werikab Kamuktaindet ne sobei.

KAITOSYEK 13:29

Menyei Amalegik komostab Murot ne bo Tai; ak komenyei tulonok Hitik, ak Jebusik, ak Amorik; ak komenyei Kananik ngegutab araraita, ak ngegutab Jordan.

MATAYO 16:16

Ak kiwol Simon Petero kole, I Kristo, Weritab Jehovah ne sobei.

JOHANA 6:69

Ak kigiyan ak kingen kele i Ne Tilil ne bo Jehovah.

NG'ATUTIK 31:17

Kolal anyun nereknatennyu eng’ betunoto agobo ichek, yeityo abagakte, ak auny togennyu, ak kiwong’ ichek, ak kobwanji yaitwogik ak nyalilwogik che chang’; ak kole eng’ betunoto, Tos mabwanjech yaitwogtichu amu mami Kamuktaindennyo kobotech?

NG'ATUTIK 5:26

Chi ng’o eng’ bik tugul, ne kigas kutitab Kamuktaindet ne sobei, kong’alali eng’ mat, ko u ye kigigas, ak kosob?

NG'ATUTIK 7:1

Ye kagoitin Jehovah Kamuktaindeng’ung’ emet ne iwendi iname kobunjin, ak koon bororiosiek che chang’ eng’ taing’ung’, Hitik, Girgasik, Amorik, Kananik, Perisik, Hibik, ak Jebusik, bororiosiek tisab che eechen ak ko kimen kosiirin;

NG'ATUTIK 7:21

Amongomuok: amu mi Jehovah Kamuktaindeng’ung’ kwenung’ung’, Kamuktaindet ne o ne bo kamuiset.

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

HEBRANIK 10:31

Kit ne bichii kot kibutyi eunekab Jehovah ne sobei.

JOSHUA 11:3

agoi oldab Kananik eng’ kong’asis, ak eng’ cherongo, koboto Amorik, ak Hitik, ak Perisik, ak Jebusik eng’ emetab tulonok, ak Hibik eng’ Hermon kel eng’ emetab Mispa.

JOSHUA 12:8

eng’ emetab tulonok, ak eng’ warenget, ak eng’ Araba, ak eng’ chepkeigeusiek, ak eng’ ong’atet, ak eng’ Murot ne bo Tai; Hitik, ak Amorik, ak Kananik, ak Perisik, ak Hibik, ak Jebusik:

JOSHUA 21:45

Ma bet ng’olyo agot agenge ne mie ne kiga komwachi Jehovah gotab Israel; kiisulda tugul.

JOSHUA 22:31

Ak kilenji Pineas weritab Eleasar tisiindet lagokab Reuben ak lagokab Gad, ak lagokab Manase, Kaginai rani kele mi Jehovah kwenunnyo, amu mata ochalwogenji Jehovah eng’ kiito: kaosoru anyun lagokab Israel eng’ eutab Jehovah.

JOSHUA 24:11

Ak kiolong’une Jordan, obwa Jeriko: ak kiyai luget ak okwek bikab Jeriko, Amorik, Perisik, Kananik, Hitik, Girgasik, Hibik, ak Jebusik; ak kiande ichek eunekwok.

JOSHUA 3:9

Yeityo kolenji Josua lagokab Israel, Obwa yu, ogas ng’alekab Jehovah Kamuktaindeng’wong’.

JOSHUA 9:1

Ak ye kingogas laitorinik tugul che kimi Jordan bitonin, emetab tulonok, ak warenget, ak ngegut tugul ne bo araraita ne o ne mi tai eng’ Lebanon, Hitik, Amorik, Kananik, Perisik, Hibik, koboto Jebusik;

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 26:6

Kiwol anyun Daudi ak kolenji Aimelek Hitindet, ak Abisai weritab Seruia, ng’etab kametab Joab, Ng’o ne nyonei kechortage tuwai ole mi Saul eng’ nganaset? Kole Abisai, Kichortoige tuwai.