JOSHUA 3:11 - BUKUIT NE TILIL

¹¹ Ogeero, chorjingei Jordan moingetab arorutietab Kiptaiyat ne bo ng’ony komugul, kondoenak kolandoi.

Bukuit Ne Tilil

¹¹ Ogeero, choorchingei Jordan moingetap arorutyetap Kiptaiyat ne po ng'wony komugul kondoenak kolandoi.

BUKUIT NE TILIIL Sireet ne Dutero Kanon

¹¹ Ogeero, choorchingei Jordan moingetap arorutyetap Kiptaiyat ne po ng'wony komugul kondoenak kolandoi.

JOSHUA 3:11 Referencias Cruzadas

1 ATEPTAP PEETUUSYEK 29:11

Cheguk, ee Jehovah, oindo, ak kamuktaet, ak torornatet, ak katerteret, ak etunatet; amu cheguk tuguk tugul che mi kipsengwet ak che mi ng’ony; neng’ung’ bounatet, ee Jehovah, ak i tororot, i metitab tugul.

Kitabuutap JOB 41:11

Ng’o ne kisib kogona, si aweekyi? Chechuk tuguk tugul che mi kereretab kipsengwet.

TIENWOGIKAL 24:1

Bo Jehovah ng’ony, ak che nyiitat ng’ony; Ng’ony, ak che menyei oloto.

TIENWOGIKAL 97:5

Kichootyo tulonok eng’ taitab Jehovah ko u temeniet, Eng’ taitab Kamuktaindet ne bo ng’ony komugul.

ISAIAH 3:12

Usei lagok bikyuk, ak koboi kwonyik ichek. Ee bikyuk, konin ichiliil bik che indoun, ak kong’em bandab ortinweguk.

ISAIAH 54:5

Amu Yaindeng’ung’ ko manong’otiondeng’ung’; Jehovah ne bo lugosiek kainennyi: ak Inendet ne Tilil ne bo Israel ko katiagindeng’ung’; kiguure inendet Kamuktaindetab ng’ony komugul.

JEREMIA 10:7

Ng’o ne maiywein, ee Laitoriatab bororiosiek? Amu nyoljinin nito: amu mami ne u inye eng’ bik tugul che ng’omen che bo bororiosiek, ak eng’ bounatosiekwak tugul.

MIKAH 4:13

Ng’eet ak ibor, ee cheptab Sion: amu ayae kuineng’ung’ koek karnet, ak ayae sioguk koek sugunwet: ak itonaton bororiosiek che chang’: ak itabanji Jehovah kelunoikwak, ak itabanji tugukwak Kiptaiyat ne bo ng’ony komugul.

SEPANIA 2:11

Egu Jehovah kamuiset eng’ ichek: amu itenyi cheptalelisiek tugul che bo ng’ony; ak kolos bik tugul inendet, ilosu chi age tugul eng’ oldanyi, koboto ngegusiek tugul che bo bororiosiek.

SEKARIA 14:9

Ak koek Jehovah laitoriatab ng’ony komugul: egu agenge Jehovah eng’ betunoto, ak koek agenge kainennyi.

SEKARIA 4:14

Kolenja anyun, Chuto ko werik aeng’ che bo mwanik, che tonone ole negite Kiptaiyat ne bo ng’ony komugul.

SEKARIA 6:5

Ak kiwol malaikaiyat kolenja, Chuto ko usonaik ang’wan che bo kipsengwet che bendi eng’ ole katonone eng’ taitab Kiptaiyat ne bo ng’ony komugul.

NG'ATUTIK 9:3

Nai anyun rani ile, Jehovah Kamuktaindeng’ung’ ne landoi kondoenen ko u mat ne iwong’u; ng’emei bichoto, ak kogochi konyeratitu eng’ taing’ung’: ione anyun ko u noto, ing’em ichokyi ko u ye kimwaun Jehovah.

JOSHUA 3:13

Ak ye tononie kelyekab tisiik che ibei moingetab Jehovah, Kiptaiatab ng’ony komugul, beekab Jordan, kopcheigei anyun beekab Jordan, ak kotononso beek che bunu meto kototen.