NG'ATUTIK 4:7 - BUKUIT NE TILIIL Sireet ne Dutero Kanon

Amu ngoro pororyet ne oo ne tinyei kamuktain ne neegitee icheek ko uu Kamuktaindet ne Toroor, Kamuktaindennyo, ne neegiteenech ui tugul ye kiguure ineendet?

Bukuit Ne Tilil

Amu ngoro pororyet ne oo ne tinyei kamuktain ne neegitee icheek ko uu Kamuktaindet ne Toroor, Kamuktaindennyo, ne neegiteenech ui tugul ye kiguure ineendet?

BUKUIT NE TILIL

Amu ngoro bororiet ne o, ne negite Jehovah ichek, ko u Jehovah Kamuktaindennyo ne negit eng’ ui tugul ye kiguure inendet?

NG'ATUTIK 4:7 Referencias Cruzadas

2 SAMUEL 7:23

Ngoro pororyet ne kergei ak piiguk Israel ne ki wo Kamuktaindet kotyakyigei koek piikyik ak koyachigei kainet? Ngoro pororyet ne ki yachi tuguuk che eecheen agobo okweek ak tuguuk che po kamuiset agobo emeng'ung' eng' taitap piiguk? Icheek che ki ityaach eng' Misiri koek cheguuk, ak eng' pororyosyek ak kamuktaikwak?

TIENWOGIKAL 145:18

Neegitee Kamuktaindet ne Toroor icheeget tugul che kuurei ineendet, tugul che kuurei ineendet eng' iman.

TIENWOGIKAL 147:20

Ma yachin pororyet age tugul ko uu nooto; ama nai icheek kirwoogutikyik. Olasu Kamuktaindet ne Toroor!

TIENWOGIKAL 148:14

Ak ki kotoroor kuinetap piikyik, kalasunetap piikyik tugul che tiliileen; agot lagogap Israel, piik che neegitee ineendet. Olasu Kamuktaindet ne Toroor!

TIENWOGIKAL 34:17

Ye ki riiryo che po iman, ko ki kas Kamuktaindet ne Toroor, ak ki sar icheek eng' nyalilwogikwak tugul.

TIENWOGIKAL 34:18

Neegitee Kamuktaindet ne Toroor icheeget che ilyotiin mugulelwekwak, ak kosaru icheek che ki konyeratitu mugulelwekwak.

TIENWOGIKAL 46:1

Kamuktaindet ole kemwechini ak kimnateennyo, toretindet ne neegit ye mi nyalilda.

TIENWOGIKAL 73:28

Ago myee eng' anee ariikyi Kamuktaindet: Ki acham koek Kiptaiyat Kamuktaindet ne Toroor ole amwechini, Si kobiit amwaita poisyoniguk tugul.

TIENWOGIKAL 85:9

Iman neegitee yetunennyi icheek che iywei ineendet; Si komeny telunateet emennyo.

ISAIAH 43:4

Amu koiegu eng' anee ne achame miising', ak ne kigonyiti, ak ki achamin; agoitoi anyun piik agobo inyee, ak agoite piik agobo sabeeng'ung'.

ISAIAH 55:6

Ocheeng' Kamuktaindet ne Toroor kota kimuuchi kenyoor, oguur kota ko neegit:

KAITOSYEK 23:21

Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

KAITOSYEK 23:9

Amu ageere Israel ami rwandosyek parak, Ak ageere ineendet ami tuloonook. Pichu ko piik che meng'iisyei icheegei, ak ma ki ititoi pororyosyek alak.

POISYONIGAP CHE KIYOKTOI 17:27

si kobiit kocheeng' Kamuktaindet, komang'u kole tamangap kotamdamat, ak konyoor ineendet, nganda ma loo eng' age tugul eng' acheek.

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 33:29

Ee Israel, igasigei: Ogergei ak ng'oo, pororyet ne ki sar Kamuktaindet ne Toroor? Ineendet ne long'eet ne toretin, ak ko rotweng'ung' po chok, ne po telunateng'ung'! Yaigei puuniguk koigei che kase iit, si ityech oldinwekwak che sutotin.”

NG'ATUTIK 4:32

Teep anyun nguno agobo peetuusyek che ki kosiirto che kisip kondounenen kobooch ngap kotoi Kamuktaindet koyai chii eng' ng'wony, kobooch tabanda age ne po kipsengwet agoi tabanda age, teep ngo ki kobiit kiit age ne oo ne uu ni anan ngo kigegasei?

NG'ATUTIK 5:26

Chii ng'oo eng' piik tugul ne ki kas kutitap Kamuktaindet ne sabei kong'alaali eng' maat ko uu ye ki kigas ak kosap?

JAKOBO 4:8

Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.