KAITOSYEK 23:21 - BUKUIT NE TILIIL Sireet ne Dutero Kanon

²¹ Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

Bukuit Ne Tilil

²¹ Tomo kogeerchi Jakobo tengekto, ama keerchi Israel kiy ne imaasat. Mi kobooto ineendet Kamuktaindet ne Toroor Kamuktaindennyi, ak mi cheetap laitoryat kwenunnywa.

BUKUIT NE TILIL

²¹ Tomo kogeerji Jakobo tengekto, Ama keerji Israel kiy ne imaasat. Mi koboto inendet Jehovah Kamuktaindennyi, Ak mi cheetab laitoriat kwenunywa.

KAITOSYEK 23:21 Referencias Cruzadas

2 ATEPTAP PEETUUSYEK 13:12

Ogeero, mi Kamuktaindet kobootech, kondoiywech, ak tisiikyik che tinyei iryagook che po waagaat si koguutwak ne po waagaat. Ee piigap Israel, amat obargei ak Kamuktaindet ne Toroor, Kamuktaindetap kwanisyekwok; amu mo poore.”

TIENWOGIKAL 103:12

Ko uu ye loochin kong'asiis ak cherongo, ko uu nooto kigoistoenech chalwogikyok kolooegitu.

TIENWOGIKAL 118:15

Miitei emaisyegap che po iman kutitap poiboiyet ak yetunet: “Yaei eutap tai ne po Kamuktaindet ne Toroor tuguuk che kiimeen.

TIENWOGIKAL 135:21

Iberuurot Kamuktaindet ne Toroor eng' Zion, ineendet ne menyei Jerusalem. Olasu Kamuktaindet ne Toroor!

TIENWOGIKAL 23:4

Ee, agot ngabune atebweet ne po urwetap meet, koma ywei yaityo; amu imi kobooto; igaigaa kiroktong'ung' ak siaring'ung'.

TIENWOGIKAL 32:2

Paibai miising' chii ne ma iityin Kamuktaindet ne Toroor tengekto, ama komi ng'aalseet muguleldanyi.

TIENWOGIKAL 32:5

Ki amwaun chalwoktanyu, ak ma aung'enen tengektonyu; ki ale, “Ang'aang'jini Kamuktaindet ne Toroor pistaosyekyuk;” ak ki inyoiywa kaat chalwoktap tengektonyu.

TIENWOGIKAL 46:11

Mi Kamuktaindet ne Toroor ne po lugoosyek kobootech; Kamuktaindetap Jakobo ko ole kimwechini.

TIENWOGIKAL 46:7

Mi kobootech Kamuktaindet ne Toroor ne po lugoosyek; Kamuktaindetap Jakobo ole kemwechini.

TIENWOGIKAL 97:1

Laitorani Kamuktaindet ne Toroor; ingobaibait ng'wony; ingogaskei emotinwek che chaang' che mi ngeguusyek.

TIENWOGIKAL 99:2

Oo Kamuktaindet ne Toroor eng' Zion; Ak toroor ineendet kosiir piik tugul.

KOMONG'U 13:21

Ki indoe icheek `Kamuktaindet ne Toroor eng' toloitap pooldet peet, ak kondochi icheek kemoi eng' toloitap maat, kokweng'ji; si kobiit komuuch koba peet ak kemoi.

KOMONG'U 3:12

Ak ki le Kamuktaindet ne Toroor, “Ami kobooten iman ak egu ni kaboorunet ne inae ile kayookten: ye kaimoong'u piik eng' Misiri, oboisyechi Kamuktaindet eng' tulwooni.”

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

ISAIAH 1:18

“Obwa anyun, keng'alaal,” mwaei Kamuktaindet ne Toroor. “Agot ngo piriireen tengekwogikwok, koleelagitu ko uu pooldet ne leel; agot ngo piriireen miising', koigeitu koroorigap keechiirek.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 33:21

Ago tuun tebyei Kamuktaindet ne Toroor kobootech eng' olooto eng' etunatennyi, ye mi ainoosyek che paroen ak kereruusyek, ole ma punei moingetap peek ne kekwerye eng' mugangok che kiwase peek, ama punei yooto meeliit ne karaaran.

ISAIAH 33:22

Amu Kamuktaindet ne Toroor ko kirwoogindennyo, ne koonech ng'atuutik, Kamuktaindet ne Toroor ko laitoryandennyo; ineendet ne sarwech.

ISAIAH 38:17

Keero, ki anyooru ng'wanindo ne oo agobo kalyennyu; ago ki isaru saboondanyu komang'une keriingetap ng'emisyet, amu ki iwiirte tengekwogikyuk koba let.

ISAIAH 41:10

ameiyweisye, amu ami kobooten; amearagen, amu aa Kamuktaindeng'ung': agimiitin; ee, atoretiin; ee, anamin eng' eunnyu ne po tai ne po imandanyu.

ISAIAH 8:10

Orwooch tugul, ago egu puch; omwa ng'olyoot, ama tononi, amu mi Kamuktaindet kobootech.

JEREMIA 50:20

Ki cheeng'ei tengektap Israel eng' peetuusyechooto ak eng' kenyisyechooto, mwaei Kamuktaindet ne Toroor, ama kinyooru; ak ki cheeng'ei tengekwogigap Judah, ama kinyooru: amu anyochini kaat icheek che abagaaktoi kong'et.

EZEKIEL 48:35

Egu tegat eliphuusyek taman ak sisiit komoswek tugul: ak keguure kainetap nganasanooto kobooch peetuunooto, Mi Kamuktaindet ne Toroor olooto.

JOEL 2:27

Ak onai ole ami kwenutap Israel, ak onai ole aa Kamuktaindet ne Toroor Kamuktaindeng'wong', ama mi age: ak ma kolilaandos piikyuk kogeny.

ATEPTAP LAWIK 9:24

Ak ki mong' maat kobunu taitap Kamuktaindet ne Toroor, ak kobeel kagoochinet ne kibeelei ak mwanik eng' kaptisisyet. Ye kingo keer piik tugul, kowokyo eng' poiboiyet, ak kobutyo kot kotiiny togoochikwak ng'wony.

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

KAITOSYEK 14:19

Asaain ale nyochi kaat anyun pichu tengektonywa ko uu ooindap rireeneng'ung' ak ko uu ye ki inyochigaat pichu kobooch Misiri agoi kora.”

KAITOSYEK 16:3

Ki iyumgei icheegei si kobiit kotil let Musa ak Aron, ak koleenji icheek, “Otoroorigei kot kotyanit! Tuiyoni komugul ko tiliil, ak chii age tugul ko tiliil, ak mi Kamuktaindet ne Toroor kwenunnywa. Amu nee anyun si otoroorgei osiir tuiyetap Kamuktaindet ne Toroor?”

KAITOSYEK 9:22

Kingo tebee pooldet paragutap koot, ngo peetuusyek aeng' anan arawa anan kenyiit, komiitei koyooto, kotebi anyun piigap Israel komeng'iis, ama pendi ui; ago ye ki ngetogostae, koba anyun.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

ROMANIK 6:14

Amu ma tinyei tengek pounateet eng' okweek: amu ma omi eng' Ng'atuutik, ago eng' myeeindo.

ROMANIK 8:1

Nooto anyun ma komi kirwooget eng' icheek che miitei eng' Kristo Jeso.

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 5:19

keele ki mi Kamuktaindet eng' Kristo kotuitos ng'wony ak ineendet, koma iityin icheek yaitwogikwak, ko kagogoonech ng'olyootap katuiyet.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

NG'ATUTIK 31:23

Ki igoochi anyun Joshua weeriitap Nun ng'atuutyet ak koleenji, “Kimitu, nyiganitu. Amu imuti piigap Israel koba emet ne ki ayosyechi ak ami kobooten.”

NG'ATUTIK 32:5

King'emgei eng' taitap Kamuktaindet ne Toroor; kalilano eng' icheek amu ma ko lagokyik icheeget; icheek ko pororyet ne ngelelyo ago mastaat.

NG'ATUTIK 33:5

Ki ek Kamuktaindet ne Toroor laitoryat eng' Jesurun, Ye kingo yumjigei pounigap piik, ak ye kingo yumjigei ortinwek tugul che po Israel.”

NG'ATUTIK 9:24

Ki ongelelji Kamuktaindet ne Toroor kobooch peetuut ne ki anaak.

KIRUOGIK 6:13

Ak ki leenji `Gideon ineendet, “Ee, Kiptaiyandennyu, ngot komi Kamuktaindet ne Toroor kobootech, ko amu nee si kobwanjech tuguuchu tugul? Mi ano poisyonikyik tugul che po kwong'eet che kimwaiwech kwanisyekyok, koleenjech, ‘Tos ki ma imutwech Kamuktaindet ne Toroor ketogosu eng' Misiri?’ Ago ki kobagaktech Kamuktaindet ne Toroor ak kondaech eunegap Midianik.”

1 SAMUEL 25:28

Asaain ale nyochi kaat cheptong'ung' ne otwogindet lelutyennyi, amu igimiti Kamuktaindet ne Toroor iman kootap kiptaiyandennyu, amu yaei kiptaiyandennyu lugosyegap Kamuktaindet ne Toroor, ama kinyoorchinin yaityet eng' peetuusyeguk tugul.