JAKOBO 4:8 - BUKUIT NE TILIIL Sireet ne Dutero Kanon

⁸ Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

Bukuit Ne Tilil

⁸ Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

BUKUIT NE TILIL

⁸ Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.

JAKOBO 4:8 Referencias Cruzadas

TAUNET 18:23

Kiriikyi anyun `Abraham Kamuktaindet ne Toroor, ak koteebe koleenji, “Tos iwong'u piik che po iman kobooto che yaacheen?

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 15:2

ak ki wo kotorookta Asa, koleenji, “Ogasa okweek, inyee Asa ak Judah tugul ak Benjamin! Mi Kamuktaindet ne Toroor kobootok koteen otebye ak ineendet. Ye ocheeng' ineendet, onyooru, ago ngot omete ineendet, kometook.

Kitabuutap JOB 16:17

Agot ngo ma mi koroomnateet eunekyuk, ak ko tiliil saaennyu.

Kitabuutap JOB 17:9

Agot ngo uu nooto kowendi ne po iman eng' ooreennyi, ak ineendet ne tinyei eunek che tiliileen kotesaksei kogimitu kosiir.

Kitabuutap JOB 9:30

Agot ngaunegei peegap teluji, ak atiliil eunekyuk miising',

TIENWOGIKAL 119:113

Aweche icheek che po kabwaatutik aeng'; ago achame ng'atuutyeng'ung'.

TIENWOGIKAL 145:18

Neegitee Kamuktaindet ne Toroor icheeget tugul che kuurei ineendet, tugul che kuurei ineendet eng' iman.

TIENWOGIKAL 18:20

Ki koono Kamuktaindet ne Toroor ko uu imandanyu; ki koono ko uu tiliilindap eunekyuk.

TIENWOGIKAL 24:4

Ineendet ne tiliileen eunek ak ko tiliil muguleldanyi, ne ma lasyingei saboondanyi tuguugap yaityo, ama iyastos eng' ng'aalseet.

TIENWOGIKAL 26:6

Auni eunekyuk amu ma tiinya lelutyo, si amuut kaptisisyeng'ung', ee Kamuktaindet ne Toroor,

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

TIENWOGIKAL 73:13

Iman ki atiliil muguleldanyu puch, Ak ki aune eunekyuk libwobindo puch;

TIENWOGIKAL 73:28

Ago myee eng' anee ariikyi Kamuktaindet: Ki acham koek Kiptaiyat Kamuktaindet ne Toroor ole amwechini, Si kobiit amwaita poisyoniguk tugul.

ISAIAH 13:15

Kitoorei age tugul ne kinyooru, ak kibare rotwetap chok age tugul ne kinamei.

ISAIAH 29:13

Ki le Kiptaiyat: Amu riikyino pichu kong'alaalwo, ak kogonyita eng' kutusweekwak, ago kigoisto mugulelwekwak kolooegitu eng' anee, ak kaiyweisyet ne iywea ko ng'atuutyet ne ki ineeti piik icheek;

ISAIAH 58:2

Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.

JEREMIA 4:11

Tuun kimwachin pichu ak Jerusalem eng' peetuunooto keleenjin, usyin piikyuk usoonet ne po maat ne punu tuloonook che churyotin che po surkwen, ma ne sesisyei anan ko ne itiliilisyei,

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

RIREKAB JEREMIA 3:57

Ki iriigu eng' peetuut ne ki aguurin: ki imwa ile, “Meiywei!”

EZEKIEL 18:31

Omete pistaosyekwok tugul che ki kogoonok obistoe; ak ochopchigei muguleldo ne leel ak sabeet ne leel: amu nee si obegu, ee kootap Israel?

SEKARIA 1:3

Mwachi anyun icheek ileenji, mwaei Kamuktaindet ne Toroor ne po lugoosyek kole: Oweekyagei, mwaei Kamuktaindet ne Toroor ne po lugoosyek, asi aweekyogei, mwaei Kamuktaindet ne Toroor ne po lugoosyek.

MALAKI 3:7

Ki omaste kobooch peetuusyegap kwanisyekwok, omete kayomisutikyuk ama oriip. Oweekyage anyun, si aweekyogei, mwaei Kamuktaindet ne Toroor ne po lugoosyek. Ago oteebe ole, “Kiweegundoige ano?”

MATAYO 12:33

“Oyai keetit komyeeit, ak myagitu logoekyik, anan oyai keetit koyait, ak yagitu logoekyik, amu kinae keetit logoekyik.

MATAYO 15:2

“Amu nee si kobistoe kasubiguk pitonwegap poisyek? Amisyei icheek kotom koun eunekwak.”

MATAYO 27:24

Ye kingo keer Pilato kole mata komuuch koyai kiy ago ki neegit kotoigei chemargeet, konam peek ak koun eunekyik eng' taitap tuiyet koleen, “Ma tinyei leluut agobo korotiigap chiichi po iman. Orarati okweegei.”

POISYONIGAP CHE KIYOKTOI 15:9

ak ki ma ibesyech ak icheeget, ye ki itiliili mugulelwekwak eng' kayaneet.

2 KORINTOEK 7:1

Amu ki tinyei arorutichu anyun, chamanichu, ongitiliilgei, keiste simdo tugul ne po poorto ak ne po saboondo si keityi tiliilindo eng' kaiyweisyetap Kamuktaindet.

1 TIMOTEO 2:8

Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 7:19

(amu ma yai Ng'atuutyet kiy koek ne ititaat), ak komiitei ibunetap kamang'unet ne kaigai, ne kiriikyine Kamuktaindet.

JAKOBO 1:8

chiitap kabwaatutik aeng', ne ma tononot eng' ortinwekyik tugul.

JAKOBO 3:17

Ago utaatyet ne punu parak ko ne tai ko tiliil, yeityo ko po kaalyeet, ak komuitoi, ak kasei kiy ne kimwachin, ak ko nyiitaat rireenet ak logoek che myach, ama walaksei, ama tinyei chombilet.

1 PETERO 1:22

Amu ki otiliil saboonwekwok eng' kasetap iit ne ogase iit imanit kot koit chamyetap tupchosyek ne ma tinyei keniisyet, ochamye, okweegei eng' mugulelwekwok eng' kagiiletapkei:

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

1 JOHANA 3:3

Ak chii age tugul ne tinyei kamang'unoni agobo ineendet kotiliilegei, ko uu ye tiliil ineendet.

1 SAMUEL 14:35

Kiteekyi anyun `Saulo Kamuktaindet ne Toroor kaptisisyet; nooto ko ki kaptisisyet ne po tai ne kiteekyi Kamuktaindet ne Toroor.