ISAIAH 55:6 - BUKUIT NE TILIIL Sireet ne Dutero Kanon

⁶ Ocheeng' Kamuktaindet ne Toroor kota kimuuchi kenyoor, oguur kota ko neegit:

Bukuit Ne Tilil

⁶ Ocheeng' Kamuktaindet ne Toroor kota kimuuchi kenyoor, oguur kota ko neegit:

BUKUIT NE TILIL

⁶ Ocheng’ Jehovah kota kimuchi kenyor, oguur kota ko negit:

ISAIAH 55:6 Referencias Cruzadas

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

2 ATEPTAP PEETUUSYEK 19:3

Nganda uu nooto ko ki kigeerchin tuguuk che myachen, amu ki iste Aserot eng' emet ak ki igiil muguleldang'ung' icheeng' Kamuktaindet.”

EZRAH 10:2

Ak ki wolji Shekaneiah weeriitap Jehiel, weeriitap Elam, Ezrah koleenji, “Ki kichililji Kamuktaindennyo ak ki kitun tiibiik che salu saang' che po piigap emoni, ago mi nguno kamang'unet agobo Israel agobo ng'olyoondoniito.

Kitabuutap JOB 8:5

Ngot icheeng' Kamuktaindet eng' kagiiletapkei, ak isoom Ineendet Ne po Kamuktaet,

TIENWOGIKAL 14:2

Keerei Kamuktaindet ne Toroor eng' kipsengwet weeriigap piik, kole kogeer ngo mi ne utaat, ne cheeng'ei Kamuktaindet.

TIENWOGIKAL 145:18

Neegitee Kamuktaindet ne Toroor icheeget tugul che kuurei ineendet, tugul che kuurei ineendet eng' iman.

TIENWOGIKAL 148:14

Ak ki kotoroor kuinetap piikyik, kalasunetap piikyik tugul che tiliileen; agot lagogap Israel, piik che neegitee ineendet. Olasu Kamuktaindet ne Toroor!

TIENWOGIKAL 27:8

Ye ki le muguleldanyu, “Ocheeng' togeennyu!” Acheeng'e togeng'ung', ee Kamuktaindet ne Toroor.

TIENWOGIKAL 32:6

Ara anyun, ingosain chii age tugul ne tiliil ye ta komuuchi konyoorun. Iman ye kagong'irtagei peek che po kirwooget, koma itei ole mi ineendet.

TIENWOGIKAL 34:19

Chaang' nyalilwogigap ne po imanda; ago saru `Kamuktaindet ne Toroor ineendet eng' chooto tugul.

TIENWOGIKAL 75:1

Kiweegun kongoi, ee Kamuktaindet; kiweegun kongoi, amu neegit kaineng'ung': mwaitoi piik kwang'utiguk.

TIENWOGIKAL 95:7

Amu ineendet Kamuktaindennyo, Ak ki piik che po akweennyi, keechiiregap eunnyi, Ee, kata myee ngo kas okweek kutinnyi rani!

KALEWANAIK 8:17

Achame che chama; ak nyoorwo che cheeng'a eng' kagiiletapkei.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 26:9

Amachin eng' saboondanyu kemoi; acheeng'in eng' saboondanyu kotom koeech. Amu ye mi ng'wony kirwoogutiguk, koneetegei che menyei ng'wony imanda.

ISAIAH 45:19

Tom ang'alaal eng' ung'oot, eng' komostap emet ne po mesundeito; ma aleenji iyoteetap Jakobo, Ocheeng'a puch; amwae anee Kamuktaindet ne Toroor imanda, amwae tuguuk che litit.

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 46:13

Aibu imandanyu koriik, malooitu, ama igaegei yetunennyu: ak ande Zion yetunet agobo Israel ne toroornatennyu.

ISAIAH 49:8

Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;

ISAIAH 58:9

Yeityo anyun iguurse, ak kowolun Kamuktaindet ne Toroor; iguure, ak kole, Ami yu. Ngot iiste chogit eng' kwenung'ung', kang'wererisyet, ak ng'alaalet ne ya;

ISAIAH 65:10

Ak koek Saron piutap akwotisyegap keechiirek, ak koek atebweetap Akor ole ruiye akwotisyek, amu piikyuk che ki kocheeng'a.

ISAIAH 65:24

Ak ye tomo koguurso, awolu; ak ye ta kong'alaali, agas.

JEREMIA 25:5

komwaei kole, ingoweek age tugul eng' okweek, kometo ooreennyi ne ya, ak eng' yaityetap poisyonikwok, ak omeny emet ne ki koonok Kamuktaindet ne Toroor kobooto kwanisyekwok, kobooch keny agoi koigeny;

JEREMIA 33:3

Kuura, si awolun, ak aboorun tuguuk che eecheen, ak ko uueen, che mengen.

EZEKIEL 14:6

Mwachi anyun kootap Israel ileenji, mwaei Kiptaiyat Kamuktaindet ne Toroor ko uu ni kole: Oweege, ak owalage omete kanamonikwok; ak otuktoochi patai tuguukwok tugul che kiwechei.

EZEKIEL 33:11

Mwachi icheek ileenji, ko uu ye asabe, mwaei Kiptaiyat Kamuktaindet ne Toroor, koma paibaitune meetap kiptengekyot; ago abaibai ngo week kiptengekyot kometo ooreennyi, ak kosap: oweege, oweege, omete ortinwekwok che yaach; amu nee si obegu, ee kootap Israel?

EZEKIEL 8:6

Ak ki leenjo ineendet, Ee weeriitap chii, igeere kiit ne yaei icheek? Chooto ko tuguuk che eecheen che kiwechei che yaei kootap Israel eng' yu, si awo alooit eng' oldanyu ne tiliil? Ago ta igeere kogeny tuguuk alak che eecheen che kiwechei.

HOSEA 10:12

Ogooljigei eng' imanda, oges eng' rireenet; obalu mbareeng'wong': amu kait peetuusyek che ki cheeng'ei Kamuktaindet ne Toroor, kot konyo ak korobonjok imanda.

AMOS 5:6

Ocheeng' Kamuktaindet ne Toroor si osapche, si ma lal ko uu maat eng' kootap Joseph, ak kobeel Bethel kogees, ama piitu chii ne imisi.

JONAH 3:8

Ago ingetuge icheek tugul kuniok, chii ak tyony, ak ingoriirchi Kamuktaindet eng' kimnateet. Ee, ingoweek chii tugul kometo ooreennyi ne ya, ak kometo koroomnateet ne mi eunekwak.

MATAYO 5:25

Ochamyegei ak punyondeng'ung' kota imi ooreet ak ineendet; si ma imutyin `punyondeng'ung' kirwoogindet, ak komutyin `kirwoogindet riibindet, eng' let ketoorchin korgoreet.

LUKA 13:25

Ak ye tuun kang'eet chiitap ko po koot, ak koger kurgeet, ak otau anyun otononse eng' saang', ak ogonygony kurgeet, ole, “Kiptaiyat, yaatwech.” Ak kowolwok ineendet kole, “Mangenok, ak ole obunu.”

JOHANA 8:21

Ki mwachi anyun icheeget kogeny, koleenji, “Awendi, ak tuun ocheeng'a, ak obegu eng' tengektong'wong': ole awendi, ko momuuchi obwa.”

EPESOEK 3:13

Eng' nooto anyun asoomok ale amat komeak mugulel amu nyalilwogikyuk agobo okweek, chooto ko toroornateng'wong'.

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 4:7

Amu ngoro pororyet ne oo ne tinyei kamuktain ne neegitee icheek ko uu Kamuktaindet ne Toroor, Kamuktaindennyo, ne neegiteenech ui tugul ye kiguure ineendet?

HEBRANIK 2:3

kechilildoi ano anyun, ngemete yetunet ne oo ne tee ni? Ne kiga kisip kemwa eng' Kiptaiyat, ak ki igimitwech icheek che ki kas;

HEBRANIK 3:13

ago oteechigei peetuut age tugul, eng' ye ta kemwaei keele rani; si ma kiuit chii age tugul eng' okweek amu kenisyetap tengekto: