NG'ATUTIK 4:4 - BUKUIT NE TILIIL Sireet ne Dutero Kanon

Ago okweek che ki onamgei ak Kamuktaindet ne Toroor Kamuktaindeng'wong' kosabei ra age tugul eng' okweek.

Bukuit Ne Tilil

Ago okweek che ki onamgei ak Kamuktaindet ne Toroor Kamuktaindeng'wong' kosabei ra age tugul eng' okweek.

BUKUIT NE TILIL

Ago okwek che kionamgei ak Jehovah Kamuktaindeng’wong’ kosobei ra age tugul eng’ okwek.

NG'ATUTIK 4:4 Referencias Cruzadas

TIENWOGIKAL 63:8

Isubotin saboondanyu miising'; nama eung'ung' ne po tai.

ISAIAH 26:20

Obwa, piikyuk, mong'ji kooriguk oriit, ak ogerchigei ko. Ounyge ne matya, agoi kosiirto nereegek.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 13:4

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

NG'ATUTIK 30:20

Cham Kamuktaindet ne Toroor Kamuktaindeng'ung', kas iit kutinnyi ak onamgei ak ineendet. Amu ineendet saboondang'ung' ak kooindap peetuusyeguk, si kobiit imeny emet ne ki iyasyechi `Kamuktaindet ne Toroor kwanisyeguk Abraham, Isak, ak Jakobo kogoochi.”

NG'ATUTIK 4:3

Ki kogeer konyekwok tuguuk che ki yai Kamuktaindet ne Toroor agobo Baal-peor. Amu ki kobar Kamuktaindet ne Toroor Kamuktaindeng'ung' eng' kwenung'ung' piik tugul che ki isup Baal-peor.

NG'ATUTIK 4:5

Ki aneetak ng'atuutik ak kirwoogutik ko uu ye king'ata Kamuktaindet ne Toroor Kamuktaindennyu, si kobiit oyai chooto eng' emet ne obendi oname.

JOSHUA 22:5

Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

JOSHUA 23:8

Ago onamge ak Kamuktaindet ne Toroor Kamuktaindeng'wong' ko uu ye ki oyai agoi ra.

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.