JOSHUA 22:5 - BUKUIT NE TILIIL Sireet ne Dutero Kanon

⁵ Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

Bukuit Ne Tilil

⁵ Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

BUKUIT NE TILIL

⁵ Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.

JOSHUA 22:5 Referencias Cruzadas

TIENWOGIKAL 106:3

Poiboen icheek che riibei kirwooget, ak ineendet ne yaei imanda peetuusyek tugul.

TIENWOGIKAL 78:7

Si konde kamang'unennywa eng' Kamuktaindet, Si ma utye poisyonigap Kamuktaindet, Ago si koriip ng'atuutikyik:

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 20:6

Ago ariiree eliphuusyek eng' icheek che chama ak kosubi ng'atuutikyuk.

KOMONG'U 23:13

Riip tuguuk tugul che kaamwaun. Amat imwa kainaigap kamuktaik, amat kegasyi kutinng'ung'.

KOMONG'U 23:25

Oboisyeiwo anee Kamuktaindet ne Toroor Kamuktaindeng'wong', si koberuur amitwogiguk ak peeguk, ak aiste myanwogik eng' kwenung'ung'.

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

ISAIAH 55:2

Amu nee si oboisyee fedha eng' tuguuk che ma amitwogik? Ak poisyeng'wong' agobo tuguuk che mobiyonyi? Oepcha iit miising', si oam che myach, ak ingoboiboitu saboonwekwok eng' che akwaen.

JEREMIA 12:16

Ak ngot koneetkei ko ki iljigei ooreetap piikyuk, ak koyasyo eng' kainennyu kole, “Ko uu ye sabei Kamuktaindet ne Toroor ak ko uu ye ki ineet piikyuk koyasyo eng' Baal, keteechei anyun icheek eng' kwenutap piikyuk.

MATAYO 22:37

Ak ki wolji koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, eng' saboondang'ung' komugul ak eng' ng'omnateng'ung' komugul.

MATAYO 4:10

Ki leenji Jeso anyun, “Istegei, Setani; amu siraat kole, ‘Ilasu Kiptaiyat Kamuktaindeng'ung', ak iboisyechi ineendet ineegei.’ ”

MATAYO 6:24

Ma mi chii ne imuuchi koot kiptainik aeng'; amu imuuch kowech age ak kocham age, anan konamgei ak age ak kosas age. Momuuchi oot Kamuktaindet ak mogornatosyek.

LUKA 1:74

si kobiit kogoonech, ko kagosarwech eng' eunegap puunikyok, keboisyechi ineendet ama eng' kaiyweisyet,

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 14:15

Ngot ochama, oriibe ng'atuutikyuk.

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 27:23

Amu kotonon malaikaiyatap Kamuktaindet eng' ye neegiteena kemouni, ne aa nenyi, ak ne aoote,

ROMANIK 1:9

Amu Kamuktaindet paoryandennyu, ne aoote eng' saboondanyu eng' logoiywek che myach che po Weeriinnyi, ale masise amwa agobo okweek kotugul eng' saautikyuk,

ROMANIK 12:9

Ingoek chamyet ne ma tinyei ng'aalseet. Wech miising' nooto ya; onamge ak ne myee.

ROMANIK 8:28

Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.

NG'ATUTIK 10:20

Iywei anyun Kamuktaindet ne Toroor Kamuktaindeng'ung' ak iboisyechi ineendet. Onamgei ak ineendet ak iyasye eng' kainennyi.

NG'ATUTIK 11:1

Cham anyun Kamuktaindet ne Toroor Kamuktaindeng'ung' ak iriip kotigonennyi, kaneetisyosyekyik, kirwoogutikyik ak ng'atuutikyik kotugul.

NG'ATUTIK 11:13

Ngot ogas iit eng' kagiiletapkei ng'atuutikyuk che kang'atak rani ak ngo cham Kamuktaindet ne Toroor Kamuktaindeng'wong' oboisyechi ineendet eng' mugulelwekwok tugul ak eng' saboonwekwok tugul,

NG'ATUTIK 11:22

“Amu ngo riip eng' kagiiletapkei ng'atuutyoni komugul kaang'atak rani, oyai, ocham Kamuktaindet ne Toroor Kamuktaindeng'wong', obendate ortinwekyik tugul ak onamge ak ineendet,

NG'ATUTIK 13:4

Obendate osup Kamuktaindet ne Toroor Kamuktaindeng'wong', oiywei ineendet ak oriip ng'atuutikyik ogas iit kutinnyi ak oboisyechi ak onamge ak ineendet.

NG'ATUTIK 4:29

Ago ngo cheeng' eng' olooto Kamuktaindet ne Toroor Kamuktaindeng'ung', onyooru ineendet ngo cheeng' eng' muguleldang'wong' tugul ak eng' saboondang'wong' tugul.

NG'ATUTIK 4:4

Ago okweek che ki onamgei ak Kamuktaindet ne Toroor Kamuktaindeng'wong' kosabei ra age tugul eng' okweek.

NG'ATUTIK 4:6

Oriip anyun ak oyai, amu ng'omnateng'wong' niito ak naeng'wong' eng' taitap pororyosyek che tuun kasei ng'atuutichu tugul ak kole, “Tinyei utaatyet iman pororyoni oo ak kotinyei naet ne nin!”

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 5:10

Ago ariiree eliphuusyek eng' icheek che chama che isubi ng'atuutikyuk.

NG'ATUTIK 6:17

Oriip eng' kagiiletapkei ng'atuutik, paornatosyek, ak kaneetisyosyegap Kamuktaindet ne Toroor Kamuktaindeng'wong' che king'atin.

HEBRANIK 12:15

ogeer si ma rartae chii myeeindap Kamuktaindet; si ma piit tigityotap ng'wanindo ak konyalilis, ak komurwon che chaang';

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 2:5

Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?

JOSHUA 23:8

Ago onamge ak Kamuktaindet ne Toroor Kamuktaindeng'wong' ko uu ye ki oyai agoi ra.

NG'ANG'UTYET 15:3

Ak kotyeni icheek tyendap Musa otwogindetap Kamuktaindet, ak tyendap Aarwet, koleen, “Eechen poisyoniguk ak ko po kwong'eet, ee Kiptaiyat Kamuktaindet, Ne po Kamuktaet. Po imanda ak ko po iman ortinweguk, inyee Laitoryatap pororyosyek.

1 SAMUEL 12:20

Kowolji `Samuel piik koleenji, “Amoiywei, ki oyai iman yaityoni tugul, ago amomaste obagaach Kamuktaindet ne Toroor. Ago oot Kamuktaindet ne Toroor eng' mugulelwekwok tugul.

1 SAMUEL 12:24

Ne siirei tugul, ko oiywei Kamuktaindet ne Toroor kityo ak oot ineendet eng' imanit, eng' mugulelwekwok tugul, ak obwaat olete tuguuk che eecheen che ki koyaiywok.

1 SAMUEL 7:3

Ki leenji `Samuel koot tugul ne po Israel, “Ngot oweekyinigei Kamuktaindet ne Toroor eng' mugulelwekwok tugul, ko nyolu oiste kamuktaik che pororyosyek alak ak Astarot eng' kwenung'wong' ak otokyi mugulelwekwok Kamuktaindet ne Toroor ak oot ineendet ineegei, si kosarwok eng' eunegap Philistiik.”