JOSHUA 22:5 - BUKUIT NE TILIL

⁵ Ago oripge mising’ oyai kayomisutiet ak ng’atutiet, che king’atak Musa otwogindetab Jehovah, ocham Jehovah Kamuktaindeng’wong’, ak obendate ortinwekyik tugul ak orib ng’atutikyik, ak onamge ak inendet ak oot inendet eng’ mugulelwekwok tugul ak sobonwekwok tugul.

Bukuit Ne Tilil

⁵ Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

BUKUIT NE TILIIL Sireet ne Dutero Kanon

⁵ Ago oriipkei miising' oyai kayomisutyet ak ng'atuutyet che king'ataak Musa otwogindetap Kamuktaindet ne Toroor, ocham Kamuktaindet ne Toroor Kamuktaindeng'wong' ak obendate ortinwekyik tugul ak oriip ng'atuutikyik onamge ak ineendet ak oot eng' mugulelwekwok tugul ak saboonwekwok tugul.”

JOSHUA 22:5 Referencias Cruzadas

TIENWOGIKAL 106:3

Boiboen ichek che ribei kiruoget, Ak inendet ne yaei imanda betusiek tugul.

TIENWOGIKAL 78:7

Si konde kamang’unenywa eng’ Kamuktaindet, Si mautie boisionikab Kamuktaindet, Ago si korib ng’atutikyik:

KOMONG'U 15:26

ak kile, Ngot igas iman kutitab Jehovah Kamuktaindeng’ung’, ak iyai ne bo iman eng’ tainnyi, ak iepchji it ng’atutikyik, ak isub kotigonutikyik tugul, ko magonin mian age tugul, ne kiagochi Misrik: amu ane ko a Jehovah ne asoobin.

KOMONG'U 20:6

ak arire elfusiek eng’ ichek che chama che isubi ng’atutikyuk.

KOMONG'U 23:13

Ak orib tuguk tugul che kaamwawok: amat omwa kainaikab cheptalelisiek, amat kegasyi kuting’ung’.

KOMONG'U 23:25

Ak oboisiechi Jehovah Kamuktaindeng’wong’, ak koberur amitwogiguk ak beeguk; ak aiste mianwek eng’ kweng’ung’.

KALEWANAIK 4:23

Rib muguleldang’ung’ eng’ kagiiletab ge tugul; Amu bunu kong’ikab beekab sobon yoto.

ISAIAH 55:2

Amu nee si oboisie feda eng’ tuguk che ma amitwogik? Ak boisieng’wong’ agobo tuguk che mobiyonyi? Oepcha it mising’, si oam che miach, ak ingoboiboitu sobonwekwok eng’ che akwaen.

JEREMIA 12:16

Ak ngot konetgei kogiiljigei oretab bikyuk, ak koyosio eng’ kainennyu kole, Ko u ye sobei Jehovah; ko u ye kiinet bikyuk koyosio eng’ Baal; koteech anyun ichek eng’ kwenutab bikyuk.

MATAYO 22:37

Ak kilenji, Cham Kiptaiyat Jehovah neng’ung’ eng’ muguleldang’ung’ komugul, ak eng’ sobondang’ung’ komugul, ak eng’ ng’omnateng’ung’ komugul.

MATAYO 4:10

Kilenji Jesu anyun, Ui eng’ oli, Setani: amu sirat kole, Ilosu Kiptaiyat Jehovah neng’ung’, ak iboisiechi inendet inegei.

MATAYO 6:24

Mami chi ne imuchi koot kiptainik aeng’; amu wechei age, ak kocham age: anan konamgei ak age, ak kosas age. Momuchi oot Jehovah ak magornatosiek.

LUKA 1:74

Si kobiit kogonech, ko kagosoruech eng’ eunekab bunikyok, Keboisiechi inendet ama eng’ kaiyweisiet,

JOHANA 12:26

Ngo boisiewa chi age tugul, ko nyolu kosubota; ak si ole ami, komi oloto agine kiboitiondennyu: ngo boisiewa chi, koteechei inendet Kwanda.

JOHANA 14:15

Ngot ochama, oribe ng’atutikyuk.

POISYONIGAP CHE KIYOKTOI 11:23

ak kingoit inendet, ak kogeer mieindab Jehovah, kobaibait; ak kogiil ichek tugul konamgei ak Kiptaiyat eng’ mugulelwek che bekyinotin:

POISYONIGAP CHE KIYOKTOI 27:23

Amu kotonon malaikaiyatab Jehovah eng’ ye negitena kemouni, ne a nenyi, ak ne aote,

ROMANIK 1:9

Amu Jehovah baoriandennyu, ne aote eng’ tamirmiriennyu eng’ logoiywek che miach che bo Werinnyi, ale masise amwa agobo okwek kotugul eng’ sautikyuk,

ROMANIK 12:9

Ingoek chamnyet ne matinyei ng’alset. Wech mising’ noto ya; onamge ak ne mie.

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

NG'ATUTIK 10:20

Iywei anyun Jehovah Kamuktaindeng’ung’; boisiechi inendet; onamgei ak inendet, ak iyosie eng’ kainennyi.

NG'ATUTIK 11:1

Cham anyun Jehovah Kamuktaindeng’ung’, ak irib kotigonennyi, ak konetisiosiekyik, ak kiruogutikyik, ak ng’atutikyik kotugul.

NG'ATUTIK 11:13

Egu anyun, ngot ogas it eng’ kagiiletab ge ng’atutikyuk che kang’atak rani, ngocham Jehovah Kamuktaindeng’wong’, oboisiechi inendet eng’ mugulelwekwok tugul ak eng’ sobonwekwok tugul,

NG'ATUTIK 11:22

Amu ngorib eng’ kagiiletab ge ng’atutioni komugul kaang’atak rani, oyai; ocham Jehovah Kamuktaindeng’wong’, obendate ortinwekyik tugul, ak onamge ak inendet;

NG'ATUTIK 13:4

Obendate osub Jehovah Kamuktaindeng’wong’, oiywei inendet, ak orib ng’atutikyik, ak ogas it kutinnyi, oboisiechi ak onamge ak inendet.

NG'ATUTIK 4:29

Ago ngocheng’ eng’ oloto Jehovah Kamuktaindeng’ung’, inyoru inendet ngicheng’ eng’ muguleldang’ung’ tugul ak eng’ sobondang’ung’ tugul.

NG'ATUTIK 4:4

Ago okwek che kionamgei ak Jehovah Kamuktaindeng’wong’ kosobei ra age tugul eng’ okwek.

NG'ATUTIK 4:6

Orib anyun ak oyai; amu ng’omnateng’wong’ nito ak naeng’wong’ eng’ taitab bororiosiek, che tun kasei ng’atutichu tugul, ak kole, Ng’om iman bororioni o ak kotinyei naet.

NG'ATUTIK 4:9

Ripgei anyun, ak irib sobondang’ung’ eng’ kagiiletab ge, si meutie tuguk che kigeer konyeguk, ak si mamanda eng’ muguleldang’ung’ eng’ betusieguk tugul che bo sobeng’ung’; agoi inet lagoguk tuguchuto ak mochogoroniguk;

NG'ATUTIK 5:10

ak arire elfusiek eng’ ichek che chama, che isubi ng’atutikyuk.

NG'ATUTIK 6:17

Orib ng’atutikab Jehovah Kamuktaindeng’wong’ eng’ kagiiletab ge, ak baornatosiekyik, ak konetisiosiekyik, che king’atin.

HEBRANIK 12:15

ogeer si marartae chi mieindab Jehovah; si mabiit tigitiotab ng’wanindo ak konyalilis, ak komuruon che chang’;

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

JOSHUA 23:8

ago onamge ak Jehovah Kamuktaindeng’wong’, ko u ye kioyai agoi ra.

NG'ANG'UTYET 15:3

Ak kotieni ichek tiendab Musa otwogindetab Jehovah, ak tiendab Aruet, kolen, Eechen boisioniguk ak ko bo kwong’et, ee, Kiptaiyat Jehovah, Kamuktaindet; bo imanda ak ko bo iman ortinweguk, inye Laitoriatab bororiosiek.

1 SAMUEL 12:20

Ak kilenji Samuel bik, Amoiywei: kioyai iman yaitioni tugul: ago amomaste obagach osub Jehovah, ago oot Jehovah eng’ mugulelwekwok tugul;

1 SAMUEL 12:24

Oiywei Jehovah kityo, ak oot inendet eng’ imanit eng’ mugulelwekwok tugul: ak obwat ole te tuguk che eechen che kigoyaiywok.

1 SAMUEL 7:3

Ak king’alalji Samuel got tugul ne bo Israel, kolenji, Ngot oweekyinige Jehovah eng’ mugulelwekwok tugul, oiste anyun kanamonik che too ak Astarot eng’ kwenung’wong’ ak otokyi mugulelwekwok Jehovah ak oot inendet inegei: si kosoruok eng’ eunekab Pilistik.