NG'ANG'UTYET 14:4 - BUKUIT NE TILIIL Sireet ne Dutero Kanon

⁴ Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

Bukuit Ne Tilil

⁴ Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

BUKUIT NE TILIL

⁴ Chuto ko icheget che ma imuruongei eng’ kobogorisiek; amu bergeinik icheget. Chuto ko icheget che isubi Aruet eng’ oldo tugul ole wendi. Kigial chuto eng’ kwenutab bik, koek tongoanik eng’ Jehovah ak eng’ Aruet.

NG'ANG'UTYET 14:4 Referencias Cruzadas

TIENWOGIKAL 45:14

Kimutyin laitoryat kolaachi ngoroik che ki kinde lelesta, kimutu pergeinik che choronokyik che isubu ineendet, kimutu kobwa oldang'ung'.

TIENWOGIKAL 74:2

Ibwaat tuiyeng'ung' ne ki ial keny, Ne ki ityaach koek pororyetap poroteng'ung'; Tulweetap Zion ole ki imeny.

TYENDO NE SIIREI TUGUL 1:3

Tinyei nyamdutyet ne myee mwaniguk, uu kaineng'ung' mwaita ne kirong'u, chamin anyun pergeinik amu nooto.

TYENDO NE SIIREI TUGUL 6:8

Miitei osotik tamanwogik lo che po laitoryat, ak chebaigeinik tamanwogik sisiit, kobooto pergeinik che ma iitoksei.

JEREMIA 2:3

Ki itabanat Israel agobo Kamuktaindet ne Toroor, tongoanigap ruratennyi. Tugul che amei ineendet kiityin ng'oogisto, nyoonjin yaityet icheek,” mwaei Kamuktaindet ne Toroor.

AMOS 6:1

Pwo eng' icheek che mi kaalyeet eng' Zion, ak eng' icheek che kasei kole riibootin eng' tulweetap Samaria, piik che taagunotiin che po che eecheen eng' pororyosyek, che pwaanjin kootap Israel!

MATAYO 19:12

Amu miitei sirorinik che ki kisich ko uu nooto kobooch mootinwegap kametwagikwak; miitei piik che ki kimooch; ak miitei piik che ki imoigei agobo pounatetap kipsengwet. Ineendet ne imuuchi kotaach ni, kotaach.”

MATAYO 25:1

“Ki yanie anyun pounatetap kipsengwet pergeinik taman che ki ip taisyekwak ak koba kotorookta sandetap katunisyet.

MATAYO 8:19

Ak ki nyo siriindet age, ak koleenji, “Kaneetindoni, asubin eng' ui tugul ole iwendi.”

JOHANA 10:27

Kasei kutinnyu keechiirekyuk, ak angen icheek, ak kosuba.

JOHANA 12:26

Ngo poisyeiwo chii age tugul, ko nyolu kosubota; ak si ole ami, komi olooto agine kiboityondennyu: ngo poisyeiwo chii, koteechei ineendet Kwanda.

JOHANA 13:37

Koleenji Petero, Kiptaiyat, kalya si ma muuchi asubun agot nguno? Agoitoi saboondanyu agobo inyee.

JOHANA 8:12

Ki mwachi Jeso anyun icheek kogeny, koleenji, “Aa lapkeiyet ne po ng'wony: ineendet ne isuba ko ma wendoti eng' mesundeito, ago nyooru lapkeiyetap saboondo.”

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

1 KORINTOEK 16:15

Asoomok anyun miising', che kitupche (ongen che po kootap Stephana, ole icheeget tongoanik che po Akaia, ak kichuljigei koboisyechi che tiliileen),

1 KORINTOEK 6:20

amu ki kialenak kamanuutyet: otoroor Kamuktaindet anyun eng' poorwekwok.

1 KORINTOEK 7:28

Ago ngot itunisye, koma iyai leeluut; ak ngitun pergeiya, koma yai ineendet leeluut. Ago nyooru che uu chooto nyalilda eng' poorwek: ak amache ale si moiimge.

2 KORINTOEK 11:2

Amu ama ng'etkong' agobo okweek, eng' ng'etkonda ne po Kamuktaindet: amu ki achamwok obunji manong'otyot agenge, si kobiit amutyok Kristo ko uu pergeiyat ne tiliil.

EPESOEK 1:14

ne tongoaniatap porotennyo, agoi katyagetap porotennyi, eng' kalasunetap toroornatennyi.

EPESOEK 5:27

si kobiit komutyigei kaniset, nooto ne po toroornatet, ne ma tinyei kunenden anan siring'ut anan kiy age tugul ne uu nooto; ago koek ne tiliil ne ma tinyei tisya.

1 TIMOTEO 4:3

che etei kitunis, ak koistoegei amitwogik alak, che ki yai Kamuktaindet kole kotaach eng' kongoi icheek che iyani ak kongen imanit.

HEBRANIK 12:23

ak tuiyetap piik tugul ak kaniset ne po che po tai eng' sigeet che kigesir eng' kipsengwet, ak Kamuktaindet kirwoogindetap tugul, ak saboonwek che po piigap imanda che ki kiyai koek che ititaatiin,

JAKOBO 1:18

Ki isichech eng' magennyi eng' ng'olyootap imanit, si kobiit keegu che tongoanigap yautikyik.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

NG'ANG'UTYET 17:14

Paregei chuuto ak Aarwet ak koterteer Aarwet icheek, amu ineendet ko Kiptaiyatap kiptainik, ak ko Laitoryatap laitorinik; ak icheeget che mi kobooto ineendet, che ki kiguur ak che ki kilewen ak che kiyani.”

NG'ANG'UTYET 21:22

Ama ageer hekaluut eng' nganaseet; amu Kiptaiyat Kamuktaindet Ne po Kamuktaet ak Aarwet ko hekalunnyi.

NG'ANG'UTYET 21:23

Ak ma machei nganaseet asiista, anan arawet, koluuchi: amu iluuchin liilindap Kamuktaindet, ak tainnyi ko Aarwet.

NG'ANG'UTYET 3:4

Ago itinye kainaik che ng'ering' eng' Sardis che ma imurwon ngoroikwak. Tuun pendoti icheek kobooto kolaagoti ngoroik che leelach; amu nyolu icheek.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.