LUKA 11:2 - BUKUIT NE TILIIL Sireet ne Dutero Kanon Ak ki leenji icheek, “Ye osaae, omwa ole, ‘Kwandanyo, ingoloosunok kaineng'ung'. Ingonyo laitornateng'ung'. Bukuit Ne Tilil Ak ki leenji icheek, “Ye osaae, omwa ole, ‘Kwandanyo, ingoloosunok kaineng'ung'. Ingonyo laitornateng'ung'. BUKUIT NE TILIL Ak kilenji ichek, Ye osae, omwa ole, Kwandanyo, ingotililit kaineng’ung’. Ingonyo bounateng’ung’. [Ingoyaak mageng’ung’ ko u eng’ kipsengwet, ko u noto eng’ ng’ony.] |
igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.
Ara anyun, ee Kamuktaindet ne Toroor, Kamuktaindennyo, asaain ale sarwech eng' eunnyi, si konai laitornatosyek tugul che po ng'wony kole ii Kamuktaindet ne po Toroornatet, inyee inyegei.”
ak ki le, “Ee Kamuktaindet ne Toroor, Kamuktaindetap kwanisyekyok, tos ma ii Kamuktaindet eng' kipsengwet? Tos ma ii pounindet ne pou laitornatosyek tugul che po pororyosyek? Mi eung'ung' kimnateet ak kamuktaet, ne ma mi ne imuuchi kogirinden.
Olasu Kamuktaindet ne Toroor, okweek malaikaisyekyik; okweek che oo kiimeen eng' kamuktaet, che osuldoi ng'olyoondennyi, che oepchini iit tuugeetap ng'olyoondennyi.
Tororitu, ee Kamuktaindet, isiir kipsengwet: ak ingotororit toroornateng'ung' kosiir ng'wony komugul.
Miitei Kamuktaindet ne Toroor hekalunnyi ne tiliil, miitei kipsengwet ng'echereetap laitornatet ne po Kamuktaindet ne Toroor. Toobeni konyekyik, keerei konyekyik weeriigap piik.
Tororitu, ee Kamuktaindet, isiir kipsengwet. Ingoeet teegistang'ung' eng' ng'wony komugul.
Amat kosartae kuting'ung' ak amat kosartae muguleldang'ung' komwa kiy age tugul eng' taitap Kamuktaindet, amu mi Kamuktaindet ne Toroor kipsengwet ak imi ng'wony. Ingong'ering'itu anyun ng'aleeguk.
Amu ii kwandanyo, agot ngo ma ingenech Abraham, ama naech Israel; ee, Kamuktaindet ne Toroor, inyee ko ii kwandanyo; kaineng'ung' ko katyagindennyo kobooch keny.
Ak atabaan kainennyu ne oo ne ki kimurwon eng' kwenunnywa; si konai pororyosyek kole aa Kamuktaindet ne Toroor, mwaei Kiptaiyat Kamuktaindet ne Toroor, ye aegu ne kitabaanat eng' okweek eng' tainnywa.
Ip ng'aleek, ak iweekyigei Kamuktaindet ne Toroor: ileenji ineendet: Iste tengekwogik tugul, ak itaach che myach: kigoitoi anyun kagoochinetap kutusweekyok ne kata kigoitoi kiruugik.
Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.
Imuuchi igoite koek kagoochinetap chamyet kirgit anan aarwetap keechiir ne tinyei tuguuk che uu kunduenik, anan kebeberta ne ma mi eng' poortanyi; ago ma kitaachei ngo po kiit ne ki kiaror.
Amu nyiei ng'wony naetap toroornatetap Kamuktaindet ne Toroor, ko uu ye nyiei peek nyanjet.
“Nooto anyun age tugul ne ibortoa eng' taitap piik, aboortoi agine eng' taitap Abba ne mi kipsengwet.
Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.
Ak ye kita kosaaei eng' oldo age, ak kingo kes, koleenji age eng' kasubikyik, Kiptaiyat, ineetech kesaa, ko uu ye ki ineeti Johana kasubikyik.
eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.
Amu ki ma otaach kogeny muguleldap otwoknot ne koonok oiyweisye; ago ki otaach Kabuuset ne Tiliil ne ki kiyaenak oegu lagogap Kamuktaindet. Eng' nooto anyun ye kiriire keele, Abba, Kwanda
Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.
Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.
ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:
Ingotep myeeindo kobootok ak kaalyeet che punu Kamuktaindet Kwandanyo ak Kiptaiyat Jeso Kristo.
Ingotep myeeindo kobootok ak kaalyeet che punu Kamuktaindet Kwandanyo ak Kiptaiyat Jeso Kristo.
Nguno anyun ingobunji Kamuktaindet nenyo, ineendet Kwandanyo, toroornatet koigeny ak koigeny. Amen.
kisirchini che tiliileen che kitupche che iyanotin eng' Kristo, che mi Kolosae: Ingotebi kobootok myeeindo ak kaalyeet che punu Kamuktaindet Kwandanyo.
Paulo, Silvano ak Timoteo, kisirchini kanisetap Thessalonikek eng' Kamuktaindet Kwanda ak Kiptaiyat Jeso Kristo. Ingotep kobootok myeeindo ak kaalyeet.
kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.
Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,
Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”
Ng'oo ne ma iywei ak kotoroori kaineng'ung', ee Kiptaiyat? Amu ii tiliil inyegei. Pwoonei pororyosyek tugul ak kogutung'so eng' taing'ung', amu kagong'ang'ak poisyoniguk che po imanda.”
Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.
Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.