NG'ANG'UTYET 19:6 - BUKUIT NE TILIIL Sireet ne Dutero Kanon

⁶ Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

Bukuit Ne Tilil

⁶ Ak ki agas kiit ne uu kutitap tuiyet ne oo, ak ko uu cheetap peek che chaang', ak ko uu cheetap tuloosyek che kiimeen, kole, “Haleluya! Amu laitorani Kiptaiyat Kamuktaindennyo Ne po Kamuktaet.

BUKUIT NE TILIL

⁶ Ak kiagas kit ne u kutitab tuiyet ne o, ak ko u cheetab beek che chang’, ak ko u cheetab tulosiek che kimen, kole, Haleluya: amu laitorani Kiptaiyat Jehovah nenyo, Kamuktaindet.

NG'ANG'UTYET 19:6 Referencias Cruzadas

Kitabuutap JOB 40:9

Anan itinye euut ne uu ne po Kamuktaindet? Ak imuuchi itul eng' tuugeet ko uu ineendet?

TIENWOGIKAL 47:2

Amu po kwong'et Kamuktaindet ne Toroor, Inee Ne Toroor Miising'; Ineendet ko Laitoryat ne oo ne pou ng'wony komugul.

TIENWOGIKAL 47:7

Otyenjin Kamuktaindet kalasunoik eng' tyendo ne ki kisir amu ineendet ko laitoryatap ng'wony komugul.

TIENWOGIKAL 77:18

Ki mi tuugeetap tuleeng'ung' kipchurchuryet; ki ikweny ng'wony `kalyelosyek: ki potan ng'wony ak kotumdumgei.

TIENWOGIKAL 93:1

Laitorani Kamuktaindet ne Toroor; ilaagat eng' telunateet; Ilaagat Kamuktaindet ne Toroor, kigermenegei kimnateet: Ki kigimit ng'wony, si ma ng'eigei.

TIENWOGIKAL 97:1

Laitorani Kamuktaindet ne Toroor; ingobaibait ng'wony; ingogaskei emotinwek che chaang' che mi ngeguusyek.

TIENWOGIKAL 97:12

Ogaaskei eng' Kamuktaindet ne Toroor okweek che oo po iman; Oweekyi kongoi kainennyi ne tiliil.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

ISAIAH 52:7

Korooron ne tya eng' tuloonook, keelyegap ineendet ne ibu logoiywek che myach, ne mwaitoi kaalyeet, ne ibu logoiywek che myach che po myeeindo, ne mwaitoi yetunet; ne mwachin Zion koleenjin, Laitorani Kamuktaindeng'ung'!

JEREMIA 51:48

Yeityo kotyen eng' poiboiyet kipsengwet ak ng'wony, ak tugul che mi olooto, agobo Babilon; amu pwoonei piik che luulei ineendet kobunu murot kaataam, mwaei Kamuktaindet ne Toroor.

EZEKIEL 1:24

Ak kingo pendi, agas kirgirenetap kebebaikwak ko uu cheetap peek che chaang', ko uu tweguunetap Ineendet Ne po Kamuktaet, ko uu cheet ne imuuti, ne kergei ak cheetap lugeet: kingo tononso kochoor kebebaikwak kobwa ng'wony.

EZEKIEL 43:2

ogeero, ki mang'une ooreetap kong'asiis liilindap Kiptaiyat Kamuktaindetap Israel: ak ki uu tweguunennyi cheetap peek che chaang': ak ki iluu ng'wony eng' liilindanyi.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

NG'ANG'UTYET 1:15

ak ki uu keelyekyik sugunwet ne sitaat miising', ko uu ne ki kitiliil eng' maat, ak ki uu tuugeennyi cheetap peek che chaang'.

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

NG'ANG'UTYET 12:10

Ak ki agas kutit ne oo eng' kipsengwet, kole, “Kagonyo nguno yetunet, ak kamuktaet, ak laitornatetap Kamuktaindet nenyo, ak kimnateetap Kristo nenyi; amu kagetururto kataamindetap che kitupche kwo ng'wony, ne itaami icheek eng' taitap Kamuktaindet nenyo peet ak kemoi.

NG'ANG'UTYET 14:2

Ak ki agas kutit kobun kipsengwet, ne uu cheetap peek che chaang', ak ko uu cheetap tuleet ne oo: ak cheonooto kigagas ko ki uu ne po putiik che putei ketubosyekwak:

NG'ANG'UTYET 19:1

Kingo pata tuguuchu, agas kiit ne uu kutit ne oo ne po tuiyet ne oo eng' kipsengwet, kole, “Haleluya! Po Kamuktaindet nenyo yetunet, toroornatet, ak kamuktaet;

NG'ANG'UTYET 19:4

Ak ki ibutyi ng'wony poisyek tiptemu ak ang'wan che saptos ak kolas Kamuktaindet ne tebee ng'echereetap laitornatet, komwaei koleen, “Amen! Haleluya!”

NG'ANG'UTYET 21:22

Ama ageer hekaluut eng' nganaseet; amu Kiptaiyat Kamuktaindet Ne po Kamuktaet ak Aarwet ko hekalunnyi.

NG'ANG'UTYET 4:5

Ak mang'une ng'echeranooto kalyeleet ak kutusweek ak tuloosyek. Ak kilaldos taisyek tisabu che po mastinwek eng' taitap ng'echeranooto po laitornatet, chooto ko saboonwek tisap che po Kamuktaindet.

NG'ANG'UTYET 6:1

Ki ageer anyun Aarwet ye kiyaate agenge eng' ng'ooksosyechooto tisap. Ki agas age eng' tyong'ichooto ang'wan saptos komwaei eng' cheet ne uu tuleet, kole, “Nyoo!”

NG'ANG'UTYET 8:5

Ak ki ip malaikaiyat teronooto ak konde maatap kapkoros konyi, ak kowiirchi ng'wony; ak ki piit tuloosyek, ak kutusweek ak kalyelosyek, ak potaneetap ng'wony.