GALATYEK 1:4 - BUKUIT NE TILIIL Sireet ne Dutero Kanon

⁴ ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

Bukuit Ne Tilil

⁴ ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

BUKUIT NE TILIL

⁴ ne kiigoitogei agobo tengekwogikyok, si kobiit kosoruech eng’ betusiechu yaachen, ko u magetab Jehovah nenyo ak ko Kwandanyo:

GALATYEK 1:4 Referencias Cruzadas

TIENWOGIKAL 40:8

Abaibai ayai mageng'ung', ee Kamuktaindennyu, miitei ng'atuutyeng'ung' muguleldanyu.”

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

MATAYO 13:22

Nooto ne ki kilechi ole mi katook, ko ineendet ne kasei ng'olyoot ak kogiich kererwegap met che po ng'wony, ak kaberberisyet ne po mogornateet, si mai.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

MATAYO 26:28

amu chu ko korotiikyuk che po arorutyet, che kitumdoi agobo che chaang' ak agobo nyoetap kaat ne po tengekwogik.

MATAYO 26:42

Ki wo kogeny ne po aeng' ak ki sa kole, “Ee Abba, ngo ma chamdaat kosiirtoena kigombani ama aee, ingoyaak anyun mageng'ung'.”

MATAYO 6:9

Nooto anyun osaa ko uu ni: “Kwandanyo ne mi kipsengwet; Ingoloosunok kaineng'ung'.

MARIKO 10:45

Amu ki ma nyo agot Weeriitap chii si keboisyechi, ago si kobois ineendet ak kogoito saboondanyi koek kiit ne kityage che chaang'.”

LUKA 22:19

Ak ki nam magatyat, ak kingo kagomwa kongoi, kobuutul, ak kogoochi icheek, ak kole, “Ni ko poortanyu ne kigoitoi agobo okweek; oyae ko uu ni si obwaatena.”

LUKA 22:42

kole, “Abba, ngot igeer ak icham, iistoena kigombani: ma ko uu magennyu ago ingoyaak ko uu mageng'ung'.”

JOHANA 10:11

Aa mestowot ne myee: igoitoi mestowot ne myee saboondanyi agobo keechiirek.

JOHANA 12:31

Kabiit nguno kirwoogetap ng'wonyuni: ak kagitoorta anyun nguno ne oo ne po ng'wony komanda.

JOHANA 5:30

Ma muuchi ayai kiy aneege: arwoochi ko uu ye agase, ak po iman kirwoogennyu; amu ma cheeng'e ayai magennyu, ago mageetap ineendet ne ki iyookwo.

JOHANA 6:38

Amu ki achooruge eng' kipsengwet, ma si ayai magennyu, ago mageetap ineendet ne ki iyookwo.

ROMANIK 1:7

eng' okweek tugul che omite Rome, chamanigap Kamuktaindet, che ki kiguur koek che tiliileen: Ingotep kobootok myeeindo ak kaalyeet ne punu Kamuktaindet Kwandanyo ak Kiptaiyat Jeso Kristo.

ROMANIK 12:2

Amoyaniegei ateptap peetuusyechu: ago ingewalak eng' kaleelitetap kabwaatutikwok, si kobiit onai komyee mageet ne myee ne po Kamuktaindet, ne tachaksei ak kogesunotkei.

ROMANIK 4:25

ne ki kigoito amu pistautikyok, ak ki king'eet si kobiit kiityech imanda.

ROMANIK 8:27

ak ineendet ne isyachi mugulelwek kongen kiit ne ibwaati Kabuuset ne Tiliil, amu saaei agobo piik che tiliileen ko uu mageetap Kamuktaindet.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

1 KORINTOEK 15:3

Amu ki agoonok eng' tai nooto ki ataach agane, ale kime Kristo agobo tengekwogikyok, ko uu ye mwaei siruutik,

2 KORINTOEK 4:4

eng' icheek che katuch kamuktaindetap ng'wonyuni kabwaatutigap che ma iyani, si ma iluuchi icheek lapkeiyetap logoiywek che myach che po toroornatetap Kristo, ne ineendet ko itoondap Kamuktaindet.

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

GALATYEK 6:14

Ago ingolooit eng' anee aloskei, kobatee eng' kimurtoiyot ne po Kiptaiyandennyo Jeso Kristo, ne eng' nooto ko ki kigartaat ng'wony agobo anee, ak anee agobo ng'wony.

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

EPESOEK 2:2

che ki obendote ye kinye ko uu piteetap ng'wonyuni, osubi ne oo ne po kimnateet ne po soet, ne po kimnateet ne poisyei nguno eng' weeriitap ngelelnateet;

EPESOEK 5:16

oboisyee saisyek komyee, amu yaacheen peetuusyek.

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

EPESOEK 6:12

Amu ma po kabelennyo pogei poorto ak korotiik, ago po laitornatosyek, ak kimnatosyek, eng' pounigap ng'wonyuni che po mesundeito, eng' lugosyegap tamirmirik che po yaityet eng' komoswegap kipsengwet.

PILIPIK 4:20

Nguno anyun ingobunji Kamuktaindet nenyo, ineendet Kwandanyo, toroornatet koigeny ak koigeny. Amen.

1 THESSALONIKEK 1:3

kibwaati ne ma kisise, poisyeng'wong' ne po kayaneet ak poisyet ne uui ne po chamyet ak muitaetap kamang'unet eng' Kiptaiyandennyo Jeso Kristo, eng' taitap Kamuktaindet nenyo ak ko Kwanda.

1 THESSALONIKEK 3:11

Ingondochi anyun pandanyo kebwa oldang'wong', Kamuktaindet nenyo ak ko Kwanda ineendet ak Kiptaiyandennyo Jeso;

1 THESSALONIKEK 3:13

si kobiit kogimit mugulelwekwok ko motinye kiy ne kimuuchi kirwoogunenok eng' tiliilindo eng' taitap Kamuktaindet nenyo ak ko Kwandanyo, eng' nyonunetap Kiptaiyandennyo Jeso kobooto chechiik che tiliileen tugul.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

1 TIMOTEO 2:6

ne ki igoitogei koek ne kityage tugul; ne tuun kibaoryanjin eng' peetuusyekyik;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 2:5

Amu ma igoochi malaikaisyek koboi ng'wonyut ne nyoonei, nooto kimwae.

HEBRANIK 6:5

ak kochamcham ng'olyoot ne myee ne po Kamuktaindet, ak kimnatosyegap kenyiisyek che pwoonei,

HEBRANIK 9:14

kotiliili anyun ne tya korotiigap Kristo, ne ki igoochigei Kamuktaindet eng' Kabuuset ne po koigeny, koma tinyei peruut, kotiliil kabwaateng'wong' eng' poisyosyek che meiyotiin si oboisyechi Kamuktaindet ne sabei!

JAKOBO 4:4

Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

1 JOHANA 3:16

Kingen eng' niito chamyet, amu ki igoito saboondanyi agobo acheek: ak kanyool kigoite saboonwekyok agobo che kitupche.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.

NG'ANG'UTYET 7:9

Kingo pata tuguuchu, ageer tuiyet ne oo ne ki ma komuuchi chii koiit, che punu pororyet age tugul, ooreet age tugul, piik ak kutusweek, kotonondos eng' taitap ng'echereetap laitornatet ak eng' taitap Aarwet. Ki ilaachi ngoroik che leelach ak kotinyei mooriigap sosik eng' eunekwak.