KIRUOGIK 9:4 - BUKUIT NE TILIIL Sireet ne Dutero Kanon Ki igoochi `pichooto ineendet fedhaisyek tamanwogik tisap eng' kootap Baal-berit, che ki igaigae `Abimelek piik che yaach, che njaamik, che ki isup ineendet. Bukuit Ne Tilil Ki igoochi `pichooto ineendet fedhaisyek tamanwogik tisap eng' kootap Baal-berit, che ki igaigae `Abimelek piik che yaach, che njaamik, che ki isup ineendet. BUKUIT NE TILIL Ak kiigochi bichoto inendet fedaisiek tamanwogik tisab eng’ gotab Baal-berit, che kiigaigae Abimelek bik che yaach, che njaamik, che kiisub inendet. |
Ye kingo week Daudi koberuur piigap koonnyi, konyo saang' Mikal cheptap Saulo kotorook Daudi ak koleenji, “Ka itoroorot ne tya laitoryatap Israel rani, ne kang'aanygei eng' taitap otwogikyik che tiibiik, ko uu kiptangoiya ne ng'aanyegei ama ililani!”
Ki iyumjigei ineendet piik che yaach weeriigap Belial che ki igimitkei kobargei ak Rehoboam weeriitap Solomon, ye kita ko ming'in Rehoboam ak kotinyei riirge, ak ma imuuch kogirinda icheek.
Icheeget ko lagogap piik che abusotiin, ee lagogap piik che iteweerotin. Ki kibiroot koba eng' emet.
Nyooru amitwogik che chaang' chiito ne ibati korennyi, ago ineendet ne isubi tangoita koma tinyei naet.
Piik che tangusen ak koberberisyei maotikyik: ki komurwon tisiikyik ole-tiliil, Ki kong'em ng'atuutik.
Ago ki am ng'etkonda Yahudik, ak ki namgei ak piik che yaacheen che ma tilei kiy ak koiyum tuiyet kole kong'eetyi chemargeet nganaseet. Ye ki cheeng'ei `icheek Paulo ak Silas komachei kole si komut icheek saang' koba ole mi piik, kobookyi kootap Jason.
Komwei anyun Jephta eng' ole mi tupchosyekyik, ak kwo komeny emetap Tob. Eng' peetuusyek che matya ko ki iyumjigei Jephta piik che njaamik, ak ki isubot kobendat kobooto ineendet.
Ak ye kingo pata meetap Gideon, koweek kogeny piigap Israel, koibotkei ak Baalik, ak koyai Baal-berit koek kamuktaindennywa.
Ki pa mbareennywa kobut sabibuk ak kotui, ak koyai igoorto. Yeityo koba kootap kamuktaindennywa, koamis ak koeisei ak kochup Abimelek.
Ki iyumjigei ineendet chii age tugul ne kinyalili, age tugul ne ki tinyei pesen ak age tugul ne ki tinyei ng'wanindo eng' muguleldanyi, ak ki ek ineendet kiptaiyannywa. Ki mi ak ineendet murenik olo po pogol ang'wan.