KIRUOGIK 9:5 - BUKUIT NE TILIIL Sireet ne Dutero Kanon

⁵ Ki wo anyun kootap kwandanyi eng' Ophrah, ak kibarchi koita agenge tupchosyekyik, weeriigap Jerubaal, chooto tamanwogik tisap. Ago kichilil Jotham weeriit ne ming'in ne po Jerubaal, amu kiunygei.

Bukuit Ne Tilil

⁵ Ki wo anyun kootap kwandanyi eng' Ophrah, ak kibarchi koita agenge tupchosyekyik, weeriigap Jerubaal, chooto tamanwogik tisap. Ago kichilil Jotham weeriit ne ming'in ne po Jerubaal, amu kiunygei.

BUKUIT NE TILIL

⁵ Ak kiwa gotab kwandanyi eng’ Opra, ak kibarji koita agenge tupchosiekyik werikab Jerubaal, che ki bik tamanwogik tisab: ago king’et Jotam werit ne ming’in ne bo Jerubaal; amu kiunygei.

KIRUOGIK 9:5 Referencias Cruzadas

1 LAITORINIK 1:12

Nyoo anyun, asoomin ale aneetiin kiy, si kobiit isaru saboondang'ung' ak saboondap weeriing'ung' Solomon.

1 LAITORINIK 1:21

Anan ngot koma uu nooto, ko ye kagoru kiptaiyandennyu laitoryat kobooto kwanisyekyik, kiitech anee ak weeriinnyu Solomon keegu ngelelik.”

2 LAITORINIK 10:17

Kingo it Samaria, kobar piik tugul che kiga ng'etyi Ahab eng' Samaria, agoi kogees ineendet ko uu ng'olyootap Kamuktaindet ne Toroor, ne ki mwachi Elijah.

2 LAITORINIK 10:7

Kingo it parweet oldanywa, konam weeriigap laitoryat ak kobar, piik tamanwogik tisap ak konde metowekwak kitongok, ak koyooktoochi ineendet eng' Jezreel.

2 LAITORINIK 11:3

Ki tebi ak ineendet, kounyegei eng' kootap Kamuktaindet ne Toroor kenyiisyek lo. Ak ki laitoran Athaliah koboi emet.

2 ATEPTAP PEETUUSYEK 21:4

Kingo kagonam Jehoram pounatetap kwandanyi ak kogimitkei, kobar tupchosyekyik tugul eng' rotwetap chok ak alak che po pounigap Israel.

MATAYO 2:16

Kingo keer Herod kole king'al `ng'oomotik ineendet, konereech miising' ak koyookto kebar lagok tugul che weeriik che po kenyiisyek aeng' ak korek eng' Bethlehem ak eng' tabanwekyik tugul kosuupkei ak peetuut ne kiginee piik che ng'oomen.

MATAYO 2:20

koleenji, “Ng'eet, imut lakweet ak kamet, ak obe emetap Israel amu kogobek che ki cheeng'ei kobar lakweet.”

KIRUOGIK 6:11

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

KIRUOGIK 6:24

Koteekyi Gideon anyun Kamuktaindet ne Toroor kaptisisyet eng' yooto, ak koguure “Kamuktaindet ne Toroor ko kaalyeet.” Miitei agoi kora eng' Ophrah ne po Abiesrik.

KIRUOGIK 8:30

Ki tinyei Gideon weeriik tamanwogik tisap che kisichei, amu ki tinyei osotik che chaang'.

KIRUOGIK 9:18

ago kong'eetyi kootap abba ra ak obar weeriikyik, piik tamanwogik tisap eng' koita agenge, yeityo oyai Abimelek, weeriitap otwogindennyi ne chepto koek laitoryat eng' piigap Shekem, amu ineendet ko ne otupche

KIRUOGIK 9:2

“Kaigai omwachi piik tugul che po Shekem kogas: Nee ne myee eng' okweek: koboiywok weeriik tugul che po Jerubaal chooto tamanwogik tisabu anan poiywok chiito agenge? Obwaat kogeny ole aa kawekwok ak ko aa panyeekwok.”

KIRUOGIK 9:6

Ki iyumgei anyun piik tugul che po Shekem ak che po kootap Milo ak koba koyai Abimelek koek laitoryat, eng' ole neegitee keetit ne oo ne po toloita ne ki mi Shekem.