2 ATEPTAP PEETUUSYEK 13:7 - BUKUIT NE TILIIL Sireet ne Dutero Kanon

⁷ Ki iyumjigei ineendet piik che yaach weeriigap Belial che ki igimitkei kobargei ak Rehoboam weeriitap Solomon, ye kita ko ming'in Rehoboam ak kotinyei riirge, ak ma imuuch kogirinda icheek.

Bukuit Ne Tilil

⁷ Ki iyumjigei ineendet piik che yaach weeriigap Belial che ki igimitkei kobargei ak Rehoboam weeriitap Solomon, ye kita ko ming'in Rehoboam ak kotinyei riirge, ak ma imuuch kogirinda icheek.

BUKUIT NE TILIL

⁷ Ak kiiyumjigei inendet bik che yaach, werikab Belial, che kiigimitgei kobargei ak Reoboam weritab Solomon, ye kita ko ming’in Reoboam ak kotinyei rirge, ak ma imuch kogirinda ichek.

2 ATEPTAP PEETUUSYEK 13:7 Referencias Cruzadas

2 SAMUEL 3:39

Aa nyalulat rani, agot nganda aa laitoryat ne ki kiil, ak temena pichu, weeriigap Zeruiah. Ingoyaakyi Kamuktaindet ne Toroor yaindetap yaityet ko uu yaityennyi.”

1 LAITORINIK 21:10

Onde piik aeng' tainnyi, weeriigap Belial, ak ongobaoryan kotaam ineendet, kole, ‘Kechup inyee Kamuktaindet ak laitoryat.’ Yeityo omut ineendet kwo saang', ak olach eng' koik, kome.”

1 LAITORINIK 21:13

Ki pwa ko piik aeng'u, weeriigap Belial, ak kotebi ng'wony eng' tainnyi. Kibaoryan kotaam ineendet, pichooto po Belial, kogen agobo Nabot eng' taitap piik, kole, “Kachup Nabot Kamuktaindet ak laitoryat.” Komut anyun ineendet komaanda eng' nganaseet ak kolach ineendet eng' koik, kome.

2 ATEPTAP PEETUUSYEK 10:16

Kingo keer Israel tugul kole mata kogasyi laitoryat icheek, kowolji piik laitoryat, koleenji, “Nee kebeberta ne ketinye eng' Daudi? Ama ki tinyei poroteet eng' weeriitap Jesse. Ingwo chii tugul emainnyi, ee Israel! Riip koong'ung' anyun, Daudi.” Ki pa Israel tugul anyun emaisyekwak.

2 ATEPTAP PEETUUSYEK 12:13

Ki igimitkei anyun Laitoryat Rehoboam eng' Jerusalem ak kolaitoran. Ki po kenyiisyek artam ak agenge Rehoboam ye ki tau kolaitorani, ak ki laitoran kenyiisyek taman ak tisap eng' Jerusalem, nganasanooto kiga kolewen Kamuktaindet ne Toroor eng' ortinwek tugul che po Israel, konde kainennyi olooto. Ki kiguure kamet Naamah Jebamonindet.

Kitabuutap JOB 30:8

Icheeget ko lagogap piik che abusotiin, ee lagogap piik che iteweerotin. Ki kibiroot koba eng' emet.

TIENWOGIKAL 26:4

Tomo ketebi ak piik che iberberisyei; ama kinamegei ak ng'aalik.

KALEWANAIK 12:11

Nyooru amitwogik che chaang' chiito ne ibati korennyi, ago ineendet ne isubi tangoita koma tinyei naet.

KALEWANAIK 28:19

Nyooru amitwogik che chaang' chiito ne ibati korennyi; ago nyooru pananda ne oo ineendet ne isubi tangoita.

AMDOINDET 10:16

Pwo eng' inyee, ee emet, ye ta ko ming'in laitoryandeng'ung' ak ye amisyei pouniguk kota ko karon!

ISAIAH 3:4

Agoochini lagok koek pounikwak, ak koboi icheek `manyurunik.

POISYONIGAP CHE KIYOKTOI 17:5

Ago ki am ng'etkonda Yahudik, ak ki namgei ak piik che yaacheen che ma tilei kiy ak koiyum tuiyet kole kong'eetyi chemargeet nganaseet. Ye ki cheeng'ei `icheek Paulo ak Silas komachei kole si komut icheek saang' koba ole mi piik, kobookyi kootap Jason.

1 KORINTOEK 14:20

Che kitupche, amoegu lagok eng' ng'omnateet: ago oegu lagok che nyerootiin eng' yaityo, ago oegu che kaoeegitu eng' ng'omnateet.

NG'ATUTIK 13:13

Kamang'une kwenung'ung' piik alak che yaach, ak koba komaas piik che menyei nganasennywa koleenji, ‘Ongebe keoot kamuktaik che mongen,’

TITO 1:10

Amu mi piik che chaang' che ma kase iit, ng'alaaligap ng'aleek che po puch ak keniik, miising' ko icheek che po kamuratanet,

HEBRANIK 5:12

Amu eng' ye kita nyolu oegu kaneetik, konyaaljinok kogeny koneetak chii kaneetisyosyek che po tai che po ng'aleegap Kamuktaindet; ak ki oegu che machei cheego, ama amitwogik che uueen.

KIRUOGIK 11:3

Komwei anyun Jephta eng' ole mi tupchosyekyik, ak kwo komeny emetap Tob. Eng' peetuusyek che matya ko ki iyumjigei Jephta piik che njaamik, ak ki isubot kobendat kobooto ineendet.

KIRUOGIK 9:4

Ki igoochi `pichooto ineendet fedhaisyek tamanwogik tisap eng' kootap Baal-berit, che ki igaigae `Abimelek piik che yaach, che njaamik, che ki isup ineendet.

1 SAMUEL 22:2

Ki iyumjigei ineendet chii age tugul ne kinyalili, age tugul ne ki tinyei pesen ak age tugul ne ki tinyei ng'wanindo eng' muguleldanyi, ak ki ek ineendet kiptaiyannywa. Ki mi ak ineendet murenik olo po pogol ang'wan.