JEREMIA 17:3 - BUKUIT NE TILIIL Sireet ne Dutero Kanon ak eng' tulweennyu ne mi kewanin. Achandoi keip tuguuguk che po kamanuut ak konoraiguk tugul, ak komosweguk che torooreen, amu tengekto eng' kiwotosyeguk tugul. Bukuit Ne Tilil ak eng' tulweennyu ne mi kewanin. Achandoi keip tuguuguk che po kamanuut ak konoraiguk tugul, ak komosweguk che torooreen, amu tengekto eng' kiwotosyeguk tugul. BUKUIT NE TILIL Ee tulwennyu ne mi kewanin, agoitoi keluul tuguguk ak konoraiguk tugul, ak komosweguk che tororen, amu tengekto, eng’ kiwotosieguk tugul. |
Ak ki ip eng' yooto konoraik tugul che ki mi kootap Kamuktaindet ne Toroor ak che ki mi kootap laitoryat. Kituatui tereenik tugul che po thahabu komengegitu che kiga yai Solomon laitoryatap Israel eng' Hekaluutap Kamuktaindet ne Toroor, ko uu ye ki kamwa Kamuktaindet ne Toroor.
Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.
Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.
Katogosta piik che luulsei koba tuloonook tugul che churyotin eng' surkwen. Amu parisyei rotwetap chok ne po Kamuktaindet ne Toroor kobooch tabanda age ne po emet, agoi tabanda age. Ara ma mi chii ne tinyei kaalyeet.
Agoitoi tuguuguk ak konoraiguk keluul koma eng' alyet, amu tengekwogiguk tugul eng' kiwotosyeguk tugul.
Ak agoite kogeny mogornatosyek tugul che po nganasani, ak kelunaikyik tugul, ak tuguukyik tugul che po kamanuutyet, ee konoraik tugul che po laitorinigap Judah, koba eunegap puunikwak, che luulei tuguuchooto, ak konam, ak koip koba Babilon.
Keero, aboryenen, ee inyee ne imenye atebweet, ak ne menyei rwandet ne po warenget, mwaei Kamuktaindet ne Toroor; okweek che omwae ole, Ng'oo ne choorugei kebarge? Anan ng'oo ne nyoonei ole ki menye?
Ki maoten Mikaia meng'iindetap Moresheth eng' peetuusyegap Hezekiah laitoryatap Judah; ak ki ng'alaalji piik tugul che po Judah koleenji, kamwa Kamuktaindet ne Toroor ne po lugoosyek kole: Kibati Zion ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.
Kogoitoochi puunyoot eunnyi tuguukyik tugul che koboiboitune. Amu kagogeer kole kogochut pororyosyek oldanyi ne tiliil, che ki ing'at ile amat kochut icheek tuiyeng'ung'.
Ak andein eunekwak, ak kobut oldang'ung' ne tagunoot, ak kobut oldinweguk che kitororitu; ak koreegunenen ngoroiguk, ak koip sonoeguk che korooron: ak kobagachin imi puch aach ngor.
Amu mwaei Kiptaiyat Kamuktaindet ne Toroor kole: Amutyini icheek tuiyet, ak agoite icheek kewiirchi komosi ak komosi ak keluul.
ileenji, ogas okweek tuloonoogap Israel, ng'olyootap Kiptaiyat Kamuktaindet ne Toroor: mwachin Kiptaiyat Kamuktaindet ne Toroor tuloonook che eecheen ak che mengeechen, kereruusyek ak atebwosyek: Ogeero, aibwok agane rotwetap chok, ak ang'em komoswekwok che torooreen.
Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.
Kibati anyun Zion agobo okweek ko uu ye kibati mbareet, ak koek Jerusalem karurugutik, ak koigei tulweetap koot komoswek che torooreen che po timiin.
Ak keluul mogornatennywa, ak koguber kooriikwak: ee, teechei kooriik, ago ma menyei; ak komiin mbareenigap sabibuk, ago ma eei divaikwak.