JEREMIA 17:2 - BUKUIT NE TILIIL Sireet ne Dutero Kanon

² kota kobwaati lagokwak, kapkorosusyekwak, ak Aserik che mi ole mi keetiik che tuonen eng' tuloonook parak,

Bukuit Ne Tilil

² kota kobwaati lagokwak, kapkorosusyekwak, ak Aserik che mi ole mi keetiik che tuonen eng' tuloonook parak,

BUKUIT NE TILIL

² ko ta kobwati lagokwak kapkorosusiekwak ak Aserik che mi ole mi ketik che tuonen eng’ tulonok barak.

JEREMIA 17:2 Referencias Cruzadas

2 ATEPTAP PEETUUSYEK 24:18

Kometo anyun kootap Kamuktaindet ne Toroor, Kamuktaindetap kwanisyekwak, ak koot Aserik ak kanamonik. Ki nyoonji anyun nereegek Judah ak Jerusalem agobo ng'oogiswechuchwak.

2 ATEPTAP PEETUUSYEK 33:19

Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai.

2 ATEPTAP PEETUUSYEK 33:3

Ki teech komoswek che torooreen che kiga kobut kwandanyi Hezekiah, kiteekyi Baalik kapkorosusyek ak koyai Aserot. Kigutung'ji tuguuk tugul che po kipsengwet ak koot chooto.

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

KOMONG'U 34:13

Ago obut kapkorosusyekwak. Otuatui kanamonikwak kotonogis ak oluul Aserikwak,

ISAIAH 1:29

Amu ililandos icheek amu keetiik che ki omache, ak kiteweerak agobo mbareenik che ki olewen.

ISAIAH 17:8

Ama koiti kapkorosusyek kole kiy, poisyonigap eunekyik, anan koiit kole kiy kiit ne ki yai eng' moriikyik, anan keetiik che po ole kisaae, anan kanamonigap asiista.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 3:23

Iman, kigeni puch toreteet ne punu tuloonook, nooto wasetapkei ne mi tuloonook. Iman eng' Kamuktaindet ne Toroor Kamuktaindennyo komi yetunetap Israel.

JEREMIA 3:6

Kimwaiwo anyun Kamuktaindet ne Toroor eng' peetuusyegap Josiah laitoryat koleenjo: “Tos ki igeer nooto ki yai Israel, ole kigogetyigei let, ole kitogosta tulweet age tugul ne kooi ak kwo kelutap keetit age tugul ne tuon, ak koyai kugoinatet eng' olooto?”

JEREMIA 7:18

Iyumi lagok kweenik, ilali maat kwanisyek, kokwonykwonyi magatiinik kwonyiik, si kobeelji osotyotap laitoryat ne po kipsengwet ak koroong'ji kagoochinoik che kieei, kamuktaik, si kobiit kotacha anereech.

EZEKIEL 20:28

Amu ye kinga muutu icheek kobwa emet, ne ki aitoochi eunnyu agoochi, kogeer tulweet age tugul ne kooi, ak keetit age tugul ne nyigiis, ak ki igoito eng' olooto korosekwak, ak ki igoito eng' olooto kagoochinoikwak che po tagisyet, kibeelei kogeny nyamdutikwak, ak koroong'ji olooto kagoochinoikwak che kieei.

NG'ATUTIK 12:2

Ong'em anyun ak owong'u oldinwek tugul ole kioote kanamonikwak pororyosyek che oluule. Ong'em oldinwek chooto tugul che mi tuloonook che kooen, che mi legemosyek ak che mi keetiik che tuonen keel.

KIRUOGIK 3:7

Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.