ISAIAH 27:9 - BUKUIT NE TILIIL Sireet ne Dutero Kanon

⁹ Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

Bukuit Ne Tilil

⁹ Tuun kiuundoi anyun eng' niito yaityetap Jakobo, ak chuuto ko logoek tugul che ki istoe tengektanyi; ye kagoyai koik tugul che po kaptisisyet kogergeit ak taartaarik che ki kitui, kot koma kong'eetos kogeny keetiik che po ole kisaae ak itoonwegap asiista.

BUKUIT NE TILIL

⁹ Tun kiundoi anyun eng’ nito yaitietab Jakobo, ak chuto ko logoek tugul che kiistoe tengektanyi; ye kagoyai koik tugul che bo kaptisisiet kogergeit ak tartarik che kigitui, kot ko ma kong’eetos kogeny Aserik ak itonwekab asista.

ISAIAH 27:9 Referencias Cruzadas

2 LAITORINIK 10:26

Ki ip tolochik che ki mi kootap Baal, komong' ak kobeel.

2 LAITORINIK 23:14

Kituatui anyun ineendet tolochik ak koep Aserik koluul, ak ki inyiit olooto kawegap piik.

2 LAITORINIK 25:9

Ki peel kootap Kamuktaindet ne Toroor, kootap laitoryat ak kooriik tugul che po Jerusalem, koot age tugul ne oo.

2 ATEPTAP PEETUUSYEK 14:5

Ki isto kogeny eng' nganasook tugul che po Judah komoswek che torooreen ak ole kibeeljine kanamonik kagoochinoik; ak ki tinyei kaalyeet laitornatet eng' tainnyi.

2 ATEPTAP PEETUUSYEK 34:4

Ak kibut kapkorosusyegap Baalik eng' tainnyi; ak koluul kanamonik che po asiista che ki miitei paragunnywa; ak kituatui Aserik, ak kanamonik che ki kiwai ak kanamonik che ki kitany, ak kong'a koek temburyek ak koseerchi kereeriisyegap icheeget che kieng'ji.

2 ATEPTAP PEETUUSYEK 36:19

Ak ki peel kootap Kamuktaindet, ak kobut irimeetap Jerusalem, ak kobeel kooriik tugul che po laitoryat, ak kong'em tuguuk tugul che korooron che ki mi koorchooto.

TIENWOGIKAL 119:67

Ki abetote ye kitom kinyalila; ago nguno asubi ng'olyoondeng'ung'.

TIENWOGIKAL 119:71

Myee eng' anee amu ki kinyalila; si kobiit aneetkei ng'atuutiguk.

KOMONG'U 34:13

Ago obut kapkorosusyekwak. Otuatui kanamonikwak kotonogis ak oluul Aserikwak,

KALEWANAIK 20:30

Iundoi yaitwogik pirutik che ng'woneen, ak itiliili pirutik agoi kebeberwegap oriit.

ISAIAH 1:29

Amu ililandos icheek amu keetiik che ki omache, ak kiteweerak agobo mbareenik che ki olewen.

ISAIAH 17:8

Ama koiti kapkorosusyek kole kiy, poisyonigap eunekyik, anan koiit kole kiy kiit ne ki yai eng' moriikyik, anan keetiik che po ole kisaae, anan kanamonigap asiista.

ISAIAH 30:22

Ak omurwon kiit ne ki kiliige kanamoniguk che po fedha che ki kiwai, kobooto che ki kiliige kanamoniguk che po thahabu che ki kitany. Iwirtoi ko uu kiit ne mi simdo; ileenjini, “Istegei eng' yu!”

ISAIAH 4:4

Ye tuun kagoundo Kamuktaindet ne Toroor simdap tiibiigap Zion, ak koundo korotiigap Jerusalem eng' kwenunnyi eng' kirwooget, ak eng' maat.

ISAIAH 40:2

Ong'alaalji Jerusalem eng' kagaigaet, ak omwachi eng' kutit ne oo oleenji, kagogeskei poryennyi, kagenyochi kaat tengektanyi. Kagotaach eng' eutap Kamuktaindet ne Toroor pireet konyil aeng' agobo tengekwogikyik tugul.

ISAIAH 48:10

Keero, kaatiliilin eng' maat, ago ma ko uu fedha; kaalewenin eng' maat ne oo ne po nyalilda.

EZEKIEL 11:18

Ak koba olooto, ak koisto tuguuk tugul che samisen eng' olooto, kobooto tuguuk tugul che kiwechei, koistogei eng' olooto.

EZEKIEL 20:38

Ak atiliilok aiste ngelelik eng' kwenung'wong', ak icheek che ki ingelelja; amutu icheek komong' eng' emet ne kigaba kotebee, ago ma pendi emetap Israel: si kobiit onai ole aa Kamuktaindet ne Toroor.

EZEKIEL 6:4

Ak koek karatwek kapkorosusyekwok, ak ketui kanamonikwok che po asiista: ak awirte piikwok che kigebar, eng' taitap kanamonikwok.

HOSEA 14:8

Tuun mwaei Ephraim kole, ta keting'egei nee kogeny ak kanamonik? Kaawolu, ak ageer ineendet: auu piribiret ne tuon; punwa logoeguk.

ATEPTAP LAWIK 26:30

Ang'eme awong'u komoswekwok che torooreen ak aluul kanamonikwok che po asiista, ak awirchi muuswekwok ole mi muuswegap kanamonikwok, ak kowechok saboondanyu.

MIKAH 5:11

ak abar nganasoogap emeng'ung', ak abut irimoiguk tugul:

SEKARIA 13:2

Ak mwaei Kamuktaindet ne Toroor ne po lugoosyek kole tuun aistoi eng' peetuunooto kainaigap kanamonik eng' emet, ama kibwaati kogeny: ak aiste kogeny maotik ak tamirmiryet ne murwoon eng' emet.

ROMANIK 11:27

Ak ni arorutyennyu eng' icheek, Ye tuun aiste tengekwogikwak.

1 KORINTOEK 11:32

Ago ye kirwookwech, kotigoonech Kiptaiyat, si ma tuun ki kikyech kobooto ng'wony.

NG'ATUTIK 12:3

Obut kapkorosusyekwak ak otonaton tolochikwak ak obeel lumeiwegap Aserik. Oluul kanamonikwak che ki kiwai, ong'em ak obet kainennywa eng' olooto.

HEBRANIK 12:6

Amu ineendet ne chamei Kiptaiyat, kotigoni, Ak kobirei weeriit age tugul ne taachei.