JEREMIA 12:12 - BUKUIT NE TILIIL Sireet ne Dutero Kanon

¹² Katogosta piik che luulsei koba tuloonook tugul che churyotin eng' surkwen. Amu parisyei rotwetap chok ne po Kamuktaindet ne Toroor kobooch tabanda age ne po emet, agoi tabanda age. Ara ma mi chii ne tinyei kaalyeet.

Bukuit Ne Tilil

¹² Katogosta piik che luulsei koba tuloonook tugul che churyotin eng' surkwen. Amu parisyei rotwetap chok ne po Kamuktaindet ne Toroor kobooch tabanda age ne po emet, agoi tabanda age. Ara ma mi chii ne tinyei kaalyeet.

BUKUIT NE TILIL

¹² Katogosta bik che luulsei koba tulonok tugul che churiotin eng’ ong’atet: amu barisiei rotwetab chok ne bo Jehovah koboch tabanda age ne bo emet, agoi tabanda age: mami chi ne tinyei kalyet.

JEREMIA 12:12 Referencias Cruzadas

ISAIAH 34:6

Nyiitaat korotiik rotwetap chok ne po Kamuktaindet ne Toroor, kigo akwait eng' akwaindo, eng' korotiigap aaregap keechiir ak ng'oroorek, kobooto mwanigap soromok che po mengichik. Amu tinyei Kamuktaindet ne Toroor tiseiywot eng' Bosra, ak parisyet ne oo eng' emetap Edom.

ISAIAH 57:21

Mwaei Kamuktaindennyu kole, ma mi kaalyeet eng' kiptengeginik.

JEREMIA 15:2

Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 16:5

Amu mwaei Kamuktaindet ne Toroor kole amewe koot ne kiriirye, amewe itee, anan iriirchi icheek: amu ki aiste kalyennyu eng' pichu, mwaei Kamuktaindet ne Toroor, nooto ko chamyennyu ne tala ak rireenennyu ne po chamyet.

JEREMIA 25:11

Ak koek karaatya emoni komugul, ak kwong'eet; ak koot pororyosyechu laitoryatap Babilon kenyiisyek tamanwogik tisap.

JEREMIA 3:2

Onyal parak ak ogeer tuloonook che churyotin. Tos mi ano komoswek che tomo oruiye tuwai? Ki igen icheek eng' ortinwek taban, ko uu Arabuindet eng' surkwen, ak ki imurwon emet eng' kugoinateng'ung' ak eng' sogornateng'ung'.

JEREMIA 3:21

Kigasei waagaat eng' tuloonook che churyotin, riirek ak soomutigap piigap Israel; amu ki komaas ooreenywa, kigoutye Kamuktaindet ne Toroor Kamuktaindennywa.

JEREMIA 30:5

Amu mwaei Kamuktaindet ne Toroor kole: Kigegas tuugeet ne po potanet, ak ne po kaiyweisyet, ne ma po kaalyeet.

JEREMIA 34:17

Mwaei anyun Kamuktaindet ne Toroor kole: Ma oepcha iit, si omwaite katyaget, eng' chii age tugul eng' tupchennyi, ak eng' chii age tugul eng' chiitap kokwennyi: ogeero, amwaiwok katyaget, mwaei Kamuktaindet ne Toroor, ne po rotwetap chok, ne po koroito, ak ne po rubeet; ak agoitook kewiirchok komosi ak komosi eng' pounatosyek tugul che po ng'wony.

JEREMIA 4:27

Amu mwaei Kamuktaindet ne Toroor kole, egu emet tugul karaita; ago magesu.

JEREMIA 46:10

Amu po peetuunooto Kiptaiyat Kamuktaindet ne Toroor ne po lugoosyek, peetuutap yaaktaetap mugetuut, si koyaaktoochi ineendet mugetuut eng' puunikyik: ak koamis rotwetap chok ak kobiyo, ak koeei korotiikwak kobiyo: amu tinyei Kiptaiyat, Kamuktaindet ne Toroor ne po lugoosyek, tiseiywot eng' emetap murot kaataam ole neegitee aineetap Yufrets.

JEREMIA 47:6

Ee, inyee rotwetap chok ne po Kamuktaindet ne Toroor, tyanitu si tuun isiis? Weekyigei chogeng'ung'; imuuny, ak isiis.

JEREMIA 48:2

Ma komi kalasunetap Moab; Ki kochop yaityet eng' Hesbon agobo emonooto, ne mwaei koleen, Nyoo kigeesu si ma koegu pororyet kogeny. Agot inyee, ee Madmen, kigoonin isiis; onin rotwetap chok.

JEREMIA 8:15

Ki kigen kaalyeet, ago ma nyo kiy ne myee, ki kigen peetuutap kasoobet, ak ki piit arageneet!

RIREKAB JEREMIA 3:17

Ki iste saboondanyu kolooit eng' kaalyeet; ki autye ale poiboiyo ko nee.

EZEKIEL 14:17

Anan ngot aipchi rotwetap chok emonooto, ak ale, Ee rotwoni po chok, ui pun emet; si abar chii ak tyony;

EZEKIEL 21:28

Maoten inyee weeriitap chii, ile, Mwaei Kiptaiyat Kamuktaindet ne Toroor agobo lagogap Ammon, ak agobo teweernatennywa, kole; mwaa ile, Rotwetap chok, kaging'us rotwetap chok, kagesit agobo parisyet, si kobiit kobaris, si koigei kalyeleet:

EZEKIEL 21:4

Amu aistoi eng' inyee chiito ne po iman ak ne ya, ng'usugei anyun rotwennyu po chok kwo kobar piik tugul kobooch murot tai agoi murot kaataam:

EZEKIEL 21:8

Ak ki nyoonjo ng'olyootap Kamuktaindet ne Toroor, koleenjo,

EZEKIEL 21:9

Ee, weeriitap chii, maoten, mwaa ile, Mwaei Kamuktaindet ne Toroor kole; Mwa ile, Rotwetap chok, rotwetap chok, kagelit, ak kagesit kogeny:

EZEKIEL 5:2

Ak ibeel kebeberta agenge eng' somok eng' kwenutap nganaseet, ye kagosulda peetuusyegap yiemet; ak iip kebeberta age eng' somok ak irarate iep kotuiyo eng' rotwonooto po chok; ak iseerte kebeberta agenge eng' somok koip usoonet, ak ang'usu rotwetap chok asube icheek.

ATEPTAP LAWIK 26:33

Ak aiyestochok pororyosyek alak, ak ang'usu rotwetap chok kosubok. Koguber anyun emeng'wong', ak koek karotwek nganasookwok.

AMOS 9:4

Agot ngo luul puunikwak, ang'ate rotwetap chok eng' olooto, si kobar icheek; ak atokyigei icheek aipchi yaityet, ma ipchini kiit ne myee.

SEPANIA 2:12

Okweek Ethiopik, parok rotwennyu po chok.

NG'ATUTIK 32:42

Agoochini kipchabonikyuk kobogite korotiik, ak koam panyeek rotwennyu ne po chok; kobooto korotiigap che ki kibar ak che ki kiluul, eng' metowegap kandoigap puunik.’ ”

NG'ANG'UTYET 6:4

Ak ki mong' paraisiit age, ne piriir. Ki kigoochi ineendet ne ki tebee koisto kaalyeet kobet eng' ng'wony, si kobiit kobargei icheegei; ak ki kigoochi ineendet rotwetap chok ne oo.