JEREMIA 10:12 - BUKUIT NE TILIIL Sireet ne Dutero Kanon Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi. Bukuit Ne Tilil Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi. BUKUIT NE TILIL Kiyai ng’ony eng’ kamuktaennyi, kiigimit ng’onyuni eng’ ng’omnatennyi, ak kiito kipsengwetisiek eng’ naennyi. |
Ki tomo kobiit keet ne po keeweet eng' ng'wony, ak ki tomo kobiityo keetiik alak tugul che mengeechen che po keeweet, amu ki tomo kogoochi Kamuktaindet ne po Toroornatet korobonji ng'wony, ak ki ma komi chii ne iboti ng'wony.
Amu kamuktaik tugul che po piik koma tilei kiy; ago kiyaei Kamuktaindet ne Toroor kipsengwet.
Tos imuuchi iite sengwetyet kobooto ineendet, ne kiim ko uu kioit ne ki kichoot si kitanyi?
Ee Kamuktaindet ne Toroor, chaang' ne tya poisyoniguk! Ki iyai tugul eng' utaatyet; nyiitaat ng'wony mogornatosyeguk.
Ki kiyai kipsengwet eng' ng'olyootap Kamuktaindet ne Toroor, ak chaang'indonywa tugul eng' kabuusetap kutinnyi.
Ak ki teech oldanyi ne tiliil koigei ole sutot, Koigei ng'wonyut ne kigogimiit ineendet koigeny.
Laitorani Kamuktaindet ne Toroor; ilaagat eng' telunateet; Ilaagat Kamuktaindet ne Toroor, kigermenegei kimnateet: Ki kigimit ng'wony, si ma ng'eigei.
Ki lum `Kamuktaindet ne Toroor ng'wony eng' utaatyet, ki igimit kipsengwet eng' kaguiyet.
Ng'oo ne ki togosta kipsengwet, ak kochoorgei? Ng'oo ne ki koyum usoonet eng' eunekyik? Ng'oo ne ki koratyi peek ngoryennyi? Ng'oo ne ki igimit tabanwek tugul che po ng'wony? Kiguure nee? Kiguure nee weeriinnyi, ngot ingen?
Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.
Ineendet ko ne tebee ole pooch yiemutyetap ng'wony, ak uu che menyei olooto, talamik; ne iitoi kipsengwet ko uu angeet, ak koiito kipsengwetisyechooto ko uu emait ne ki menyei:
Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.
Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?
Ki ayae ng'wony, ak ki atau ayai chiito kotebee olooto: anee, ee, eunekyuk, che kiito kipsengwet, ak ki ang'at lugosyekwak tugul.
Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.
Ee, kilum eunnyu lumeiywotap ng'wony, ak kiito eunnyu ne po tai kipsengwet: ye aguur icheek, kotononso kibagenge.
Mwaei Kamuktaindet ne Toroor kole, ki awolun eng' peetuut ne chamaksei, ak ki atoretiin eng' peetuutap yetunet: ak ariibin, ak agoonin iegu arorutyetap piik, si ilang'u emet, si igoochi kobore porotosyek che ki mi puch;
Ye twek, kobiit wasetapkei ne po peek eng' kipsengwet, ak kogoochi kibungweret kotogosta eng' ole poochin ng'wony. Yachin ropta kalyelosyek, imoong'u usoonet eng' ole ki kigonoree.
Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”
Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.
Ki ayai ng'wonyuni, chii ak tyony che miitei ng'wony, eng' kamuktaennyu ne oo ak eunnyu ne chuulaat; ak agoochi emoniito ineendet ne ageere ale nyolu agoochi.
Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,
Ki kiyai tuguuk tugul eng' ineendet; ak ma mi kiy agot agenge ne ki piit ama eng' ineendet. Kiy ne ki yaak
amu ki kitoi keyai tuguuk tugul eng' ineendet, che mi kipsengwet ak che mi ng'wony, tuguuk che taagu ak tuguuk che ma taagu, anan laitornatosyek, anan kiptainatosyek, anan pounatosyek anan kimnatosyek; ki kitoi keyai tuguuk tugul eng' ineendet ak ko po ineendet;