TAUNET 1:1 - BUKUIT NE TILIIL Sireet ne Dutero Kanon

¹ Eng' taunet, ko ki toi Kamuktaindet koyai kipsengwet ak ng'wony.

Bukuit Ne Tilil

¹ Eng' taunet, ko ki toi Kamuktaindet koyai kipsengwet ak ng'wony.

BUKUIT NE TILIL

¹ Eng’ taunet, ko kitoi Kamuktaindet koyai kipsengwetisiek ak ng’ony.

TAUNET 1:1 Referencias Cruzadas

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

1 ATEPTAP PEETUUSYEK 16:26

Amu kamuktaik tugul che po piik koma tilei kiy; ago kiyaei Kamuktaindet ne Toroor kipsengwet.

2 ATEPTAP PEETUUSYEK 2:11

Kowolji anyun Huram laitoryatap Tyro eng' parweet ne ki iyookyi Solomon, koleenji: “Amu chamei `Kamuktaindet ne Toroor piikyik, ko ki indein iegu laitoryat ibou icheek.

NEEMIA 9:6

Ii Kamuktaindet ne Toroor, inyee inyegei; ki iyai kipsengwet, kipsengwet ne po kipsengwet kobooto tuguukwak tugul, ng'wony ak tuguuk tugul che mi olooto, nyanjosyek ak tuguuk tugul che miitei, ak iriibe tuguuchooto tugul ak kolasun lugeet tugul ne po kipsengwet.

Kitabuutap JOB 26:13

Ki lelesonjine kipsengwet kabuusennyi; kotoor eunnyi ereneet ne chepchep.

Kitabuutap JOB 38:4

Ki imi ano ye ki andoi lumeiywegap ng'wony? Mwau anyun, ngot iguitosi.

Kitabuutap JOB 9:8

Ineendet ineegei ne iitoi kipsengwet, ak kotyechei peek che mildogei che po nyanjet.

TIENWOGIKAL 102:25

Ki iyai ole tonone ng'wony keny, ak poisyetap euneguk kipsengwet.

TIENWOGIKAL 104:24

Ee Kamuktaindet ne Toroor, chaang' ne tya poisyoniguk! Ki iyai tugul eng' utaatyet; nyiitaat ng'wony mogornatosyeguk.

TIENWOGIKAL 104:30

Iyooktoi Kabuuseng'ung' ne Tiliil, si keyai kobiit, kosapcho; ak ichobe itoondap emet koleelit kogeny.

TIENWOGIKAL 115:15

Oberuurotin eng' Kamuktaindet ne Toroor, ne ki yai kipsengwet ak ng'wony.

TIENWOGIKAL 121:2

Punu toreteennyu Kamuktaindet ne Toroor, ne ki yai kipsengwet ak ng'wony.

TIENWOGIKAL 124:8

Miitei toretennyo kainetap Kamuktaindet ne Toroor, ne ki yai kipsengwet ak ng'wony.

TIENWOGIKAL 134:3

Ingoberuurin Kamuktaindet ne Toroor eng' Zion; ineendet ne ki yai kipsengwet ak ng'wony.

TIENWOGIKAL 136:5

Ineendet ne eng' kaguiyet ko ki yai kipsengwet, amu tebyei rireenennyi koigeny;

TIENWOGIKAL 146:6

ne ki yai kipsengwet ak ng'wony, nyanjet, ak tugul che mi olooto; ne riibei imanda koigeny;

TIENWOGIKAL 33:6

Ki kiyai kipsengwet eng' ng'olyootap Kamuktaindet ne Toroor, ak chaang'indonywa tugul eng' kabuusetap kutinnyi.

TIENWOGIKAL 33:9

Amu ki mwa, ak ki yaak; ki ng'at, ak ki tonon.

TIENWOGIKAL 8:3

Ye ageere kipsengwetisyeguk, poisyonigap euneguk, arawet ak kecheik che ki ichop,

TIENWOGIKAL 8:4

ale, nee chii anyun, ne tos ibwaat, anan weeriitap chii, ne tos irutoochi?

TIENWOGIKAL 90:2

Ye kitom kobiit tuloonook, Anan ye kitom iyai emet ak ng'wonyut, Ii Kamuktaindet, kobooch keny agoi koigeny.

TIENWOGIKAL 96:5

Amu kamuktaik tugul che po piik koma tilei kiy: Ago kiyaei Kamuktaindet ne Toroor kipsengwet.

KOMONG'U 20:11

Amu ki yai Kamuktaindet ne Toroor kipsengwet ak ng'wony, nyanjet ak tuguuk tugul che mi oriitinnywa eng' peetuusyek lo ak komuuny eng' peetuutap tisap. Ki iberuur anyun Kamuktaindet ne Toroor peetuutap sabato amu nooto ak kotabaan.

KOMONG'U 31:18

Ye kingo kagogees Kamuktaindet ne Toroor ng'alaalet ne ki ng'alaali ak Musa eng' tulweetap Sinai, kogoochi Musa koik aeng' che lebeleen che po paornateet che ki kisire mornetap Kamuktaindet.

KALEWANAIK 16:4

Ki yai Kamuktaindet ne Toroor tuguuk tugul ko uu ye kimakyin, ee agot che yaach ko ki yai agobo peetuut ne ya.

KALEWANAIK 3:19

Ki lum `Kamuktaindet ne Toroor ng'wony eng' utaatyet, ki igimit kipsengwet eng' kaguiyet.

AMDOINDET 12:1

Ibwaat kogeny Yaindeng'ung' eng' peetuusyegap ming'inateng'ung', kotom koit peetuusyek che yaach ak koriik kenyiisyek che imwae ile, “Ma paibaitune chuuto,”

ISAIAH 37:16

Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

ISAIAH 40:21

Tos tomo onai? Tos tomo ogas? Tos tomo kemwaiwok kobooch taunet? Tos tomo oguiye kobooch ngap kelumda lumeiywegap ng'wony?

ISAIAH 40:26

Onyal parak, ogeer ole ng'oo ne ki toi koyai chuuto, ne imutu lugeennywa kobee koitet: kuurei tugul eng' kainaikwak, eng' ooindap kamugennyi, ak kiim ineendet eng' kamuktaet, ma peet agot agenge.

ISAIAH 40:28

Tos tomo inai? Tos tomo igas? Manyaluli, ama ng'etei Kamuktaindet ne po koigeny, ineendet Kamuktaindet ne Toroor, Yaindetap ng'wony komugul; ma isyachaksei naennyi.

ISAIAH 42:5

Mwaei ko uu nooto Kamuktaindet, Kamuktaindet ne Toroor, ne ki toi koyai kipsengwet ak koiito; ineendet ne kiito ng'wonyuni, ak che mang'une olooto; ineendet ne igoochin kabuuset piik che menyei ng'wony, ak kogoochi `kabuuset icheek che pendote.

ISAIAH 44:24

Mwaei Kamuktaindet ne Toroor, katyagindeng'ung', ineendet ne kimimiin eng' moet, kole, aa Kamuktaindet ne Toroor, ne yaei tuguuk tugul; aneege ne aiitoi kipsengwet; ne aiitoi ng'wony; ng'oo ne mi kobooto?

ISAIAH 45:18

Amu mwaei Kamuktaindet ne Toroor ne ki toi koyai kipsengwet kole, Ineendet ko Kamuktaindet ne kimimii ng'wony ak koyai; ki igimit, ki ma yai koek puch, ki yai si kobiit kemeny: aa Kamuktaindet ne Toroor; ama mi age.

ISAIAH 51:13

ak ki iutye Kamuktaindet ne Toroor Yaindeng'ung', ne kiito kipsengwet, ak kolumda lumeiywegap ng'wony; ak iyweisyei kotugul, peetuut komugul, amu koroomnatetap usiindet ye chobegei si kong'emis? Mi ano koroomnatetap usiindet?

ISAIAH 51:16

Ak kiande ng'aleekyuk kuting'ung', ak ki atugenen urwetap eunnyu, si kobiit amin kipsengwet, ak alume lumeiywegap ng'wony, ak aleenji Zion, ii pororyennyu.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

JEREMIA 10:12

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi.

JEREMIA 32:17

Ee Kiptaiyat Kamuktaindet ne Toroor! Keero, ki iyai kipsengwet ak eng' kimnateng'ung' ne oo ak eng' eung'ung' ne chuulaat; ma mi kiy age tugul ne temeneen,

JEREMIA 51:15

Ki yai ng'wony eng' kamuktaennyi, ki igimit ng'wonyuni eng' utotyennyi, ak kiito kipsengwet eng' naennyi:

SEKARIA 12:1

Nyigiisindap ng'olyootap Kamuktaindet ne Toroor agobo Israel.

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

MARIKO 13:19

Amu egu nyalilda eng' peetuusyechooto, ne kitom koegu ko uu nooto kobooch taunetap yaetap ng'wony ne ki yai Kamuktaindet, agoi nguno, ama kobiitu ko uu nooto kogeny agoi.

POISYONIGAP CHE KIYOKTOI 14:15

“Choronochu, kalya si oyai tuguuchu? Ki piik agacheek che kergei ak okweek, ak kagiibwok logoiywek che myach, si kobiit oweeige omete tuguuchu ma tilei kiy ak obwonji Kamuktaindet ne sabei, ne kiyaei kipsengwet ak ng'wony ak araraita ak tugul che mi olooto.

POISYONIGAP CHE KIYOKTOI 17:24

Kamuktaindet ne ki yai ng'wony ak tuguuk tugul che miitei olooto, ineendet ko Kiptaiyatap kipsengwet ak ng'wony, koma menyei hekalusyek che ki kiyae eunek.

POISYONIGAP CHE KIYOKTOI 4:24

Kingo kas icheek komwachi Kamuktaindet eng' kutit ne oo eng' kabwaatet agenge, koleenji, “Ee Kiptaiyat, inyee ne ki iyai kipsengwet ak ng'wony ak araraita, ak tugul che mi olooto,

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

1 KORINTOEK 8:6

ago eng' acheek komiitei Kamuktaindet agenge, ineendet Kwanda, ne punu tuguuk tugul ak acheek eng' ineendet; ak Kiptaiyat agenge, Jeso Kristo, ne mi tuguuk tugul amu ineendet, ak acheek eng' ineendet.

EPESOEK 3:9

ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

HEBRANIK 1:10

Ak kogeny, “Eng' taunet, ee Kiptaiyat, ko ki ilum ole tonone ng'wony, ak kipsengwet ko poisyonigap euneguk;

HEBRANIK 1:2

ko ne kagong'alaalwech eng' peetuusyechu po let eng' Weeriinnyi, ne kigonde koek ne namei tuguuk tugul, ak ki yai ineendet ng'wony agine eng' ineendet;

HEBRANIK 11:3

Kinae eng' kayaneet keele ki kiyai ng'wonyusyek eng' ng'olyootap Kamuktaindet, nooto anyun tuguuk che kigeerei ko ki ma kiyae tuguuk che taagu.

HEBRANIK 3:4

Amu teechei chiito koot age tugul; ago ineendet ne kiteechei tuguuk tugul ko Kamuktaindet.

2 PETERO 3:5

Amu kwetyin icheegei koutye kole ki mi kipsengwet kobooch keny, ak ng'wony ne ki kiyai eng' peek ak komi kwenutap peek, eng' ng'olyootap Kamuktaindet;

1 JOHANA 1:1

Nooto ne ki mi kobooch taunet, nooto ne ki kegas, nooto ne ki kegeer eng' konyekyok, nooto ne kigesue, ak konam eunekyok, agobo Ng'olyootap saboondo,

NG'ANG'UTYET 10:6

ak ki iyasyo eng' ineendet ne sabei koigeny ak koigeny, ne ki tau koyaei kipsengwet ak tuguuk che miitei olooto, ak ng'wony ak tuguuk che mi olooto, ak nyanjet ak tuguuk che mi oriit, kole ma komi kagaetapkei:

NG'ANG'UTYET 14:7

ak komwaei eng' kutit ne oo, kole, “Oiywei Kamuktaindet, ak ogoochi toroornatet; amu kagoit saitap kirwoogennyi; ak olasu ineendet ne ki yai kipsengwet ak ng'wony ak nyanjet ak kondametusyegap peek.”

NG'ANG'UTYET 21:6

Ak koleenjo, “Kagosulda! Aa Alpha ak ko aa Omega, taunet ak kagesunet. Agoochini puch ineendet ne amei melelda che po kondametutap peegap saboondo.

NG'ANG'UTYET 22:13

Aa Alpha ak ko aa Omega, ne po tai ak ne po let, taunet, ak kagesunet.”

NG'ANG'UTYET 3:14

“Ak isirchi malaikaiyatap kaniset ne mi Laodikia, ileenji: “Mwaei tuguuchu ineendet ne Amen, paoryat ne kiyani ak ko po iman, taunetap yaetap Kamuktaindet:

NG'ANG'UTYET 4:11

“Nyoljinin, Kiptaiyandennyo ak ko Kamuktaindet nenyo, itaach toroornatet ak teegisto ak kamuktaet; amu kiitau iyae tuguuk tugul, ak ki piit amu mageng'ung' ak ki kiyai.”