Kingo pata tuguuchooto, kotyem `Kamuktaindet Abraham, koleenji, “Abraham” ak ki le, “Ami yu.”
JAKOBO 1:12 - BUKUIT NE TILIIL Sireet ne Dutero Kanon Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet. Bukuit Ne Tilil Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet. BUKUIT NE TILIL Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet. |
Kingo pata tuguuchooto, kotyem `Kamuktaindet Abraham, koleenji, “Abraham” ak ki le, “Ami yu.”
Yeityo ale; “Asaain, ee Kamuktaindet ne Toroor, Kamuktaindetap kipsengwet, Kamuktaindet ne oo ne po kwong'eet, ne riibei arorutyet ak rireenet eng' icheeget che chamei ineendet ak koriibei ng'atuutikyik:
Ago ki leenji `Job ineendet, “Ing'alaali ko uu ye ng'alaaldos kwonyiik che perber. Tos kinyoor che myach eng' eutap Kamuktaindet ama kinyooru che yaach?” Eng' chuuto tugul koma mwa `Job tengek eng' kutinnyi.
Paibai chii ne nyooru kergong'yet kobun `Kamuktaindet; amesas anyun katigonetap Ineendet Ne po Kamuktaet.
Tyemei Kamuktaindet ne Toroor chiitap imanda; ak wechei saboondanyi kiptengekyot ak ineendet ne chamei koroomnateet.
Angen, ee Kamuktaindet ne Toroor, ale po iman kirwoogutiguk, ak ki ibira eng' imandang'ung'.
Ago ingoboiboitu icheek tugul che imang'un, Ingotyenso eng' poiboiyet icheek agoi, amu iriibe icheek. Ingoboiboitu ak icheek eng' inyee che chamei kaineng'ung'.
Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.
Amu tomo kogas piik kobooch keny, anan koguiyo eng' itiik, anan kogeer eng' konyekwak Kamuktaindet age ne ma inyee, ne yaei poisyet agobo chiito ne igeni ineendet.
Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.
“Yeityo komwachi `Laitoryat icheek che mi eunnyi ne po tai koleenji, ‘Obwa, okweek che oberuurotin che oo po Abba, onam laitornatet ne kigechobwok kobooch ko kagilumda ng'wony;
“Oboiboi okweek ye wechok piik ak kowook, kochurook ak kong'emenok kainai agobo Weeriitap chii.
Ak kingen keele, eng' icheek che chamei Kamuktaindet, kotuitos tuguuk tugul si kobois koreu che myach eng' icheek che kigeguur ko uu magennyi.
ago ko uu ye ki kisir keele, “Ma mi kong' ne ki kogeer, anan it ne ki kogas, anan muguleldap chii ne kigoguiyo, tuguuk tugul che kichopchi `Kamuktaindet icheeget che chamei ineendet.”
Ak chii age tugul ne igiilegei eng' ureryosyek, koriibegei eng' tuguuk tugul. Yaei anyun icheek nooto si konyoor kuutweet ne ng'emaksei; ago acheek ko ne ma ng'emaksei.
ko meepchi iit ng'aleegap maotyondonooto anan karwotitoindonooto. Amu tyemok Kamuktaindet ne Toroor Kamuktaindeng'wong' si konai ngo chame Kamuktaindet ne Toroor Kamuktaindeng'wong' eng' mugulelwekwok ak eng' saboonwekwok.
Nai anyun ile Kamuktaindet ne Toroor Kamuktaindeng'ung', ko Kamuktaindet, Kamuktaindet ne po imanda, ne riibei kayomiset ak rireenet eng' icheek che chamei ineendet ak koriibei ng'atuutikyik agoi ibindap eliphuut.
Ibwaat ooreet komugul ne ki komutunenen Kamuktaindet ne Toroor Kamuktaindeng'ung' eng' surkwen kenyisyechu artam, koming'inin ak kotyemin si konai kiit ne mi muguleldang'ung', ngichame anan ko mechame iriip ng'atuutikyik.
Igiilgei ibartegei ile ki koyanun Kamuktaindet iegu kiboityot ne manyol kolilaan, ne poisyee komyee ng'olyootap imanit.
kobooch nguno ko kagegonorwo kuutweet ne po imanda, ne tuun koono Kiptaiyat, kirwoogindet ne po imanda, eng' peetuunooto: ago ma aneege, ago icheeget tugul ak icheek che ki kocham tagunennyi.
Ago obwaat peetuusyek che po keny, ye kingo kagegoonok lapkeiyet; ye kinga omuite eng' pooryeet ne oo ne po nyalilwogik,
Kingo kagetyem Abraham, kogoito Isak eng' kayaneet: ee, ki igoitoi nenyi ne ki kisich ineegei, ineendet ne kiga taach arorutik eng' poiboiyet;
ak ki outye kateunet, ne ng'alaalwok ko uu ye ki ng'alaaljin weeriik, kole, Weeriinnyu, amesas kergong'yetap Kiptaiyat, Anan itanui ye kerin kong' ineendet;
Ogaso, tupchosyekyuk ak ko chamanikyuk; tos ki ma lewen Kamuktaindet che ponondos eng' ng'wony koek mogoreek eng' kayaneet, ak koek che nyooru laitornatet ne ki koarorchi icheek che chamei ineendet?
Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.
ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.
Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.
Ak ingochobok, ak kolumdak, ak kogimitok Kamuktaindet ne po myeeindo tugul, ne kiguurchok liilindanyi ne po koigeny eng' Kristo, ko kaonyalilse eng' peetuusyek che matya.
Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.
“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.