JAKOBO 5:11 - BUKUIT NE TILIIL Sireet ne Dutero Kanon

¹¹ Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

Bukuit Ne Tilil

¹¹ Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

BUKUIT NE TILIL

¹¹ Ogeero, kiguure che kimuita che boiboen: kiogas agobo muitaetab Job, ak kiogeer kit ne kiyai Kiptaiyat eng’ let, ole nyiitat rirenet Kiptaiyat, ak koriregei.

JAKOBO 5:11 Referencias Cruzadas

1 ATEPTAP PEETUUSYEK 21:13

Ki leenji Daudi Gad, “Ami eng' pichiindo ne oo. Ngabutyi eutap Kamuktaindet ne Toroor; amu eecheen miising' rireenosyekyik; ameng' abutyi eutap chii.”

2 ATEPTAP PEETUUSYEK 30:9

Amu ngo weekyigei Kamuktaindet ne Toroor, kosichei tupchosyekwok ak lagokwok rireenet eng' taitap icheeget che kiluul icheek, ak koweek kogeny kobwa emoni. Amu tinyei Kamuktaindet ne Toroor Kamuktaindeng'wong' myeeindo ak rireenet, ama ituktochinok patai ngot oweekyigei ineendet.”

NEEMIA 9:17

Ki eesyo icheek kogas iit, amata kobwaat kwang'utiguk che ki iyai eng' kwenunnywa, ago ki iuiit kaatinnywa. Eng' ngelelnatennywa kogilewen kiptaiyannywa komut icheek koweekyigei otwoknateet eng' Misiri. Ago ii Kamuktaindet ne ichoboot inyochi kaat, ii myee ak itinye riirge, ii Kamuktaindet ne ma sip konereechi, ak itinye rireenet ne oo, ama imete icheek.

NEEMIA 9:31

Ago eng' rireenosyeguk che chaang' koma igeesu icheek anan imete, amu ii Kamuktaindet ne po myeeindo, ak itinye rireenet ne oo.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 1:2

Ki kisikyi weeriik tisap ak tiibiik somok.

Kitabuutap JOB 2:10

Ago ki leenji `Job ineendet, “Ing'alaali ko uu ye ng'alaaldos kwonyiik che perber. Tos kinyoor che myach eng' eutap Kamuktaindet ama kinyooru che yaach?” Eng' chuuto tugul koma mwa `Job tengek eng' kutinnyi.

Kitabuutap JOB 23:10

Ago ingen ineendet ooreet ne abune, ye kagotyema, among'u aige thahabu.

TIENWOGIKAL 103:13

Ko uu ye riiree kwanda lagokyik, ko uu nooto riiree `Kamuktaindet ne Toroor icheek che iywei ineendet.

TIENWOGIKAL 103:8

Nyiitaat Kamuktaindet ne Toroor rireenet ak ko po myeeindo, ma sip konereechi ak tinyei rireenet ne oo.

TIENWOGIKAL 116:5

Po myeeindo Kamuktaindet ne Toroor ak ko po imanda; tinyei rireenetapkei Kamuktaindennyo.

TIENWOGIKAL 119:132

Iweekyage ak irireena, ko uu ye ki cham iyachini icheeget che chamei kaineng'ung'.

TIENWOGIKAL 145:8

Kamuktaindet ne Toroor ko ne po myeeindo ak ko nyiitaat rireenet; ma sip konereechi ak tinyei rireenet ne oo.

TIENWOGIKAL 37:37

Riip chiito ne ititaat, ak igeer chiito ne po iman; amu kagesunetap chiichooto ko kaalyeet.

TIENWOGIKAL 51:1

Rirenage, ee Kamuktaindet, ko uu chamyeng'ung' ne tala; tindiny pistoennyu ko uu chaang'indap rireenosyeguk.

TIENWOGIKAL 78:38

Ago kinyochi kaat tengektonywa amu ki nyiitaat ineendet rireenetapkei, ak ki ma par icheek: Ee, kiweekta nereegekyik konyil che chaang', Ama ing'eet nereegekyik tugul.

TIENWOGIKAL 86:15

Ago inyee, ee Kiptaiyat, ko ii Kamuktaindet ne nyiitaat rireenet ak ko po myeeindo, Ne ma sip konereechi, ne tinyei chaang'indap rireenetapkei ak imanit.

TIENWOGIKAL 86:5

Amu ii myee inyee Kiptaiyat, ak ii choboot inyochi kaat, Ak itinye chaang'indap rireenetapkei eng' icheek che kuurin.

TIENWOGIKAL 94:12

Igasegei chii ne igeregong', ee Kamuktaindet ne Toroor, Ak ineeti eng' ng'atuutiguk;

KOMONG'U 34:6

Ki pun Kamuktaindet ne Toroor tainnyi ak komwaita kole, “Kamuktaindet ne Toroor, Kamuktaindet ne Toroor, Kamuktaindet ne nyiitaat rireenet ak myeeindo, ma sip konereechi ak nyiitaat talasyet ak imanit,

AMDOINDET 7:8

Kaigai kagesunetap kiy kosiir taunennyi; kaigai ne muitoi eng' muguleldonyi kosiir ne meenei.

ISAIAH 63:7

Amwaitoi chamyet ne tala ne po Kamuktaindet ne Toroor, ak kalasunoigap Kamuktaindet ne Toroor, ko uu tugul che ki kogoonech Kamuktaindet ne Toroor; ak myeeindo ne oo eng' kootap Israel, ne Ki kogoochi icheek ko uu rireenosyekyik, ak ko uu chaang'indap chamyennyi ne tala.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

RIREKAB JEREMIA 3:22

Ki rireenosyegap Kamuktaindet ne Toroor kityo si ma kigeswech, amu mararu rireenosyekyik.

JOEL 2:13

ak ogereer mugulelwekwok, amogereer ngoroikwok, ak oweekyigei Kamuktaindet ne Toroor Kamuktaindeng'wong': amu tinyei myeeindo ineendet ak ko nyiitaat rireenet, ma sip konereechi, ak tinyei rireenet ne oo, ak kowalei kabwaatutikyik eng' yaityet.

JONAH 4:2

Ki sa Kamuktaindet ne Toroor kole, “Asaain, ee Kamuktaindet ne Toroor, tos ma ng'olyoondoniito ne ki kamwa ye kingo ta ami emennyu? Ki amwei anyun achakte awe Tarsis amu niito. Ki angen ale ii Kamuktaindet ne po myeeindo ak ne nyiitaat rireenet, ne ma sip konereechi ak kotinyei rireenet ne oo, ak iwale kabwaatutiguk agobo yaityet.

MIKAH 7:18

Ng'oo Kamuktaindet ne uu inyee, ne nyochin kaat piik amu tengekto, ak kosiirtoe pistoetap piik che ki ng'et che po porotennyi? Mateptoi nereegekyik agoi, amu paibaitune rireenet.

KAITOSYEK 14:18

‘Ma sip konereechi Kamuktaindet ne Toroor ak ko nyiitaat rireenet, ne nyochin kaat tengekto ak pistoet ama nyochin kaat puch kiptengekyot; ago iityin lagok agobo tengektap kwanisyekwak agoi ibinda ne po somok ak ne po ang'wan.’

MATAYO 10:22

Ak kowechok piik tugul agobo kainennyu. Ago ineendet ne muitoi agoi kagesunet kesaru.

LUKA 1:50

Tebyei rireenennyi eng' ibinda agoi ibinda eng' icheeget che konyiti ineendet.

LUKA 11:10

Amu age tugul ne soomei, kigoochin; ak nyooru ne cheeng'ei; ak ineendet ne igonygonyi keyatyin.

LUKA 6:36

Oegu che tinyei rireenetapkei, ko uu Kwandang'wong' ne tinyei rireenetapkei.

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

EPESOEK 1:6

agoi kalasunetap toroornatetap myeeindonyi, ne ki koonech eng' aiyebindo eng' Chamaneet:

EPESOEK 2:4

ago Kamuktaindet, ne mogoryot eng' rireenetapkei, eng' chamyennyi ne oo ne ki chamenech,

HEBRANIK 10:39

Ago acheek koma ki po icheek che ichuchuchegei kobendi luseet: ago ki po icheek che iyani kot koit saruunetap saboondo.

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 1:2

Tupchosyekyuk, oiit ole poiboiyet kityo ye konyooru yoomsosyek che teerchiin;

1 PETERO 1:13

Eng' nooto anyun ogermen suenutigap kabwaatutikwok, oriipkei ak omang'u eng' kagesunetapkei myeeindo ne tuun ki ibwook eng' ng'ang'eetap Jeso Kristo;

1 PETERO 3:14

Ago ngot onyalili agobo imanda, ko oo poiboen: amoiywei kamuisennywa, anan oiimge:

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.