1 PETERO 4:14 - BUKUIT NE TILIIL Sireet ne Dutero Kanon

¹⁴ Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.

Bukuit Ne Tilil

¹⁴ Ngechurok eng' kainetap Kristo, ko oboiboi; amu tebenok Kabuusetap liilindo ne Kabuusetap Kamuktaindet.

BUKUIT NE TILIL

¹⁴ Ngechurok eng’ kainetab Kristo, ko oboiboi; amu tebenok Tamirmirietab lilindo ne Tamirmirietab Jehovah.

1 PETERO 4:14 Referencias Cruzadas

1 LAITORINIK 10:8

Poiboi piiguk! Poiboi otwogichuguk, chu tonondos eng' taing'ung' kotugul ak kogasei utaatyeng'ung'!

2 LAITORINIK 2:15

Kingo keer weeriigap maotik che ki mi Jeriko ko katokyigei ineendet, kole, “Tebee `sabeetap Elijah Elisha.” Ak ki pa kotorookta ineendet ak kong'uruuk kot koit ng'wony eng' tainnyi.

TIENWOGIKAL 146:5

Paibai chii ne Kamuktaindetap Jakobo ko toreteennyi, ne mi kamuung'ennyi Kamuktaindet ne Toroor Kamuktaindennyi,

TIENWOGIKAL 49:9

si kobiit kosap ineendet agoi, si ma keer ng'emisyet.

TIENWOGIKAL 89:51

Nooto ne ki kogerisye kong' puuniguk, ee Kamuktaindet ne Toroor, Che ki kogerate kong' kakwautigap neng'ung' ne iilaat.

ISAIAH 11:2

Tebee ineendet `Kabuusetap Kamuktaindet ne Toroor, muguleldap utaatyet ak kaguiyet, muguleldap katigonet ak kimnateet, muguleldap naet ak kaiyweisyet ne kiywei Kamuktaindet ne Toroor.

ISAIAH 25:8

Ki kolugui ineendet meet koigeny. Tuun ibuchi Kiptaiyat Kamuktaindet ne Toroor peegap kong' eng' togoochik tugul; ak koisto teweernatetap piikyik eng' ng'wony komugul. Amu kagomwa Kamuktaindet ne Toroor niito.

ISAIAH 51:7

Oepcha iit, okweek che ongen imanda, piik che mi ng'atuutyennyu mugulelwekwak: amoiywei chotisyetap piik, amoaragense amu churisyosyekwak.

MATAYO 5:11

Oboiboi ye churook piik, ak ye usausook, ak ye mwaitaenok yaityet age tugul kong'oochook agobo anee.

MATAYO 5:16

Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

LUKA 6:22

“Oboiboi okweek ye wechok piik ak kowook, kochurook ak kong'emenok kainai agobo Weeriitap chii.

JOHANA 15:21

Ago yaiywok tuguuchu tugul agobo kainennyu, amu ma nai ineendet ne ki iyookwo.

JOHANA 8:48

Kowolji anyun Yahudik koleenji, “Ma kimwae acheek iman keele, ii Samarindet, ak itinye oindet?”

JOHANA 9:28

Ak king'emji kuut ineendet kole, “Ii kasubindennyi so? Ago ki kasubigap Musa acheek.”

JOHANA 9:34

Kowolji ineendet koleenji, “Ki kisikten iman tengekwogik, ak ineetech?” Ak ki toorta ineendet kwo saang'.

POISYONIGAP CHE KIYOKTOI 13:45

Ago ye kingo keer `Yahudik tuiyosyek, koam ng'et kong' ak koeesyo eng' kimnateet ng'aleek che kimwaei Paulo, ak komwa ng'aleek che yaacheen kochubis.

POISYONIGAP CHE KIYOKTOI 18:6

Ye kingo kirinda ak komwa icheek ng'aleek kochup ineendet, koleglekta ineendet ngoryennyi ak koleenji, “Ingotebi korotiikwok eng' metowekwok; aa tiliil anee. Kobooch nguno ko kawe ye mi Pororyosyek.”

POISYONIGAP CHE KIYOKTOI 28:22

Ago kimache kegasenen kiy ne ibwaati: amu ki konaak eng' acheek keele kimwaoti ne ya agobo pitoniito eng' komosta age tugul.

POISYONIGAP CHE KIYOKTOI 5:41

Koba anyun eng' taitap kapkirwook koboiboi amu kagiit keele nyoljin konyoor kateweerisyet agobo Kainanooto.

2 KORINTOEK 12:10

Nooto anyun, abaibai eng' nyalulnatosyek, eng' ng'waninwek, eng' kagiigosyek, eng' usiisyosyek, eng' tiritinwek agobo Kristo; amu ye aa nyalulat, ko yooto anyun ye aa kiim.

2 KORINTOEK 4:10

ki ibooti kotugul eng' poorto meetap Jeso, si kobiit kong'ang'ak agine saboondap Jeso eng' poorwekyok.

2 KORINTOEK 4:16

Nooto anyun, mameech mugulel; ago agot ngo ng'emak chiinyo ne po parak, kewalei chiinyo ne po oriit kileeliti peetuut age tugul.

GALATYEK 1:24

ak kiitoroor icheek Kamuktaindet eng' anee.

HEBRANIK 11:26

koiit teweernateet ne kiteweeri Kristo kole mogornatosyek che eecheen kosiir konoraik che po Misiri: amu ki igeni melekto.

JAKOBO 1:12

Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 5:11

Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

1 PETERO 2:12

okweek che otinye atebeet ne nyolu eng' kwenutap Pororyosyek, si nganda itaamok ko uu yaigap yaityo, kotoroor Kamuktaindet eng' peetuutap rutochinet eng' poisyonikwok che myach che keerei.

1 PETERO 3:14

Ago ngot onyalili agobo imanda, ko oo poiboen: amoiywei kamuisennywa, anan oiimge:

1 PETERO 3:16

otinye kabwaatet ne myee; si ye kitaamok, kigoochin kolilaan icheek che mwaitae ng'aleek che yaach atebeeng'wong' ne myee eng' Kristo.

1 PETERO 4:16

ago nginyalil chii amu Kristyanindet, ko mat kolilaan; ingotoroor Kamuktaindet eng' kainaniito.

2 PETERO 2:2

Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek.