ISAIAH 1:5 - BUKUIT NE TILIIL Sireet ne Dutero Kanon

Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

Bukuit Ne Tilil

Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

BUKUIT NE TILIL

Amu nee si kota kebirok, kot obistoe mising’ kosiir? Miani metit komugul, kigotanui muguleldo komugul.

ISAIAH 1:5 Referencias Cruzadas

2 LAITORINIK 1:13

Ki iyookto kogeny kiptaiyat ne po somok kobooto piikyik konom. Ki togosta kiptaiyatap somok ne pou konom ak konyo kogutuny eng' taitap Elijah, ak kosaisai ineendet, koleenji, “Ee chiitap Kamuktaindet, asaain ale, ingobunji kamanuut ne oo, saboondanyu ak saboonwegap otwogichuguk konom eng' taing'ung'!

2 ATEPTAP PEETUUSYEK 28:22

Ak kites kosiir kongelelji Kamuktaindet ne Toroor eng' peetuusyegap nyalildanyi, laitoryandaniito Ahaz.

NEEMIA 9:34

ama riip laitorinikyok kobooto pounikyok, tisiikyok anan kwanisyekyok Ng'atuutyeng'ung', ama kas iit ng'atuutiguk ak paornatosyeguk che ki ibaoryan agobo icheek.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 31:6

Oweekyigei ineendet ne ki ongelelji miising', ee lagogap Israel.

ISAIAH 33:24

Ak ma tuun mwaei ne meng'iisyei kole, “Amyani”; kinyochin kaat tengekwogigap piik che menyei olooto.

ISAIAH 9:13

Nganda uu nooto koma weekyigei `piik ineendet ne kibir icheek, ama cheeng' Kamuktaindet ne Toroor ne po lugoosyek.

ISAIAH 9:21

Amei `Manasseh Ephraim, ak amei `Ephraim Manasseh; ak kogirindoi icheek tuwai Judah. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 13:23

Tos imuuchi kowal Ethiopiaindet iriryondennyi, anan kowal cheplanget simormorindanyi? Ngo uu nooto, omuuchi ak okweek oyai ne myee, che ki onaite oyae yaityet.

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 2:30

Ki abir lagokwok puch, ma cham icheeget katigonet. Kigobar rotweng'ung' po chok maotikwok, ko uu ng'etundo ne ng'emisyei.

JEREMIA 44:15

Ki wol anyun murenik tugul che ki ingen kole kibeeljin osotikwak nyamdutik kamuktaik che teer, ak kwonyiik tugul che kitonondos eng' ole neegit, che kituiyet ne oo, agot piik tugul che ki menyei emetap Misiri, eng' Patros, kowolji Jeremiah koleenji,

JEREMIA 5:3

Ee Kamuktaindet ne Toroor, tos ma keerei konyeguk imanit? Ki ibir icheek, ago ma aragenso, ki igeesu icheek, ago ki eesyo kotaach katigonet. Ki iuit icheek togoochikwak kosiir rwandet, ki eesyo koweekyingei.

JEREMIA 5:31

Maoteni maotik lembeita, ak pou tisiik ko uu mageetap maotinwekwak, ak chamei piikyuk koteep ko uu nooto. Ago oyae nee anyun eng' kagesunetap tuguuchuuto?

JEREMIA 5:5

Awendi ye mi piik che eecheen, ak ang'alaalji icheek, amu ingen icheeget ooreetap Kamuktaindet ne Toroor, ak kirwoogetap Kamuktaindennywa. Ago kigoiri chu kabo tai chogit kibagenge ak kong'eti ratuutik.

JEREMIA 9:3

Riichei ng'elyebwekwak ko uu ye riichei kwangokwak, agobo lembechek, ak kagogimegitu eng' emet, ago ma eng' imanit. Amu kong'eetyee yaityet koba yaityet, amaingeno, mwaei Kamuktaindet ne Toroor.

RIREKAB JEREMIA 5:17

Amu nooto ko kagonyalulso mugulelwekyok; amu tuguuchuuto ka kagogoryo konyekyok.

EZEKIEL 24:13

Agot ye ki atiliilin eng' yaityetap simdang'ung', ko ki ma itiliilage, ma kitiliilin kogeny eng' simdang'ung' kot ageesu nereegekyuk che ng'woneen eng' inyee.

EZEKIEL 34:16

Acheeng'e ne ki pet, ak amutu kogeny ne ki kioon, ak arop ne ki il, ak agimiit ne kimyani: ak abar ne neraat kobooto ne kiim: abae icheek kirwooget.

EZEKIEL 34:4

Ma ogimiit che nyalulyotin, ama onyaa che myandos, ama orop ne kigoil, ama oweech kogeny ne kigeon, ama ocheeng' ne ki kobet: ago ki obou eng' kimnateet ak eng' koroomnateet.