ISAIAH 9:21 - BUKUIT NE TILIIL Sireet ne Dutero Kanon

²¹ Amei `Manasseh Ephraim, ak amei `Ephraim Manasseh; ak kogirindoi icheek tuwai Judah. Nganda uu nooto, koma istogei nereegekyik, ago ta ko chuulaat eunnyi kora.

Bukuit Ne Tilil

²¹ Amei `Manasseh Ephraim, ak amei `Ephraim Manasseh; ak kogirindoi icheek tuwai Judah. Nganda uu nooto, koma istogei nereegekyik, ago ta ko chuulaat eunnyi kora.

BUKUIT NE TILIL

²¹ amei Manase Epraim; ak amei Epraim Manase: ak kogirindoi ichek tuwai Juda. Nganda u noto, ko ma istogei neregekyik, ago ta ko chuulat eunnyi kora.

ISAIAH 9:21 Referencias Cruzadas

2 LAITORINIK 15:30

Kichaam Hoshea weeriitap Elah Pekah weeriitap Remaliah, ak kibar kobar ineendet ak kolaitoran kogeer ineendet, eng' kenyiitap tiptem kobooch kolaitoran Jotham weeriitap Uzziah.

ISAIAH 10:4

Ing'uruukyin icheek kimonjororinik, ak kobutyi ole ki kibarchi piik. Nganda uu nooto, koma istogei nereegekyik, ago ta ko chuulaat eunnyi kora. Menoteetap Assyria ak pirennyi

ISAIAH 11:13

Ak koistogei ng'et kondap Ephraim kogeny, ak keisto icheek che inyalili Judah; ak ma amei ng'etkong' Ephraim agobo Judah, amainyalili `Judah Ephraim.

ISAIAH 5:25

Ki nereekyi kot anyun `Kamuktaindet ne Toroor piikyik, ak ki iyogoito eunnyi kogirinda icheek, ak kobir, kibotanso tuloonook che mengeechen, ak ki ek muuswekwak pusagaryek eng' kwenutap ortinwek. Nganda uu nooto, koma istogei nereegekyik, ago ta kochuulat eunnyi kora.

ISAIAH 8:21

Tuun siirtoe yooto, konyalildos ak koamei rubeet, ak ye tuun kaam rubeet, konereekso ak kosas laitoryannywa ak Kamuktaindennywa, ak konyal parak;

ISAIAH 9:12

Ing'eeti piigap Syria eng' tai, ak Philistiik eng' let; ak koam Israel eng' kutit ne iseng'eng'at. Nganda uu nooto, koma istogei nereegekyik, ago ta ko chuulaat eunnyi kora.

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 13:14

Ak atue chii age age, kwanisyek ak weeriik, mwaei Kamuktaindet ne Toroor. Ma riiree anan abagaakte anan koriira moo, kot ko magesu icheek.

JEREMIA 4:8

Ogermenegei anyun kuniok amu nooto, oriirye ak oteiye; amu nereegek che ng'woneen che po Kamuktaindet ne Toroor ko tomo koistoeneigei.

SEKARIA 11:14

Yeityo aep apcheune aeng' kiroktonyu age, nooto Ratuutik, si kobiit ang'etii tupchondit ne ting'egei Judah ak Israel.

MATAYO 24:10

Tuun ibutyin tengek che chaang', tuun ng'wektogei ak kosuryo icheegei eng' icheegei.

GALATYEK 5:15

Ago ngot osusegei ak oamegei okweegei, oriipkei si morumge.

KIRUOGIK 7:2

Ki leenji Kamuktaindet ne Toroor Gideon, “Chaang' piik che mi kobooten ne ma muuchi ande Midianik eunekwak, si ma menjo Israel kole, ‘Kasarwo eunnyu.’

1 SAMUEL 14:20

Ki iyumgei piik tugul che ki mi ak Saulo ak koba pooryeet. Ki nyoor Philistiik komi eng' wasetapkei ak ki par chii tugul chiito ne kitokyigei, ak kieet miising' parisyet.