ISAIAH 1:4 - BUKUIT NE TILIIL Sireet ne Dutero Kanon

⁴ Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

Bukuit Ne Tilil

⁴ Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

BUKUIT NE TILIL

⁴ Bwa, bororiet ne yaei tengekto, bik che laei yaitiet, iyotetab yaikab yaitiet, lagok che yaei ng’emisiet: kigometo Jehovah, kigosas Inendet ne Tilil ne bo Israel, kigotoiyegei kochuchuigei.

ISAIAH 1:4 Referencias Cruzadas

TAUNET 13:13

Ago kiyaachen, ak ko ki kiptengegin miising' piigap Sodom eng' taitap Kamuktaindet ne Toroor.

2 LAITORINIK 21:22

Ki meto Kamuktaindet ne Toroor, Kamuktaindetap kwanisyekyik, ama isup ortinwegap Kamuktaindet ne Toroor.

2 ATEPTAP PEETUUSYEK 12:1

Kingo kagigimit pounatetap Rehoboam ak kogimit agine, kometo ng'atuutigap Kamuktaindet ne Toroor, ineendet ak Israel tugul.

2 ATEPTAP PEETUUSYEK 27:2

Ki yai ne myee eng' taitap Kamuktaindet ne Toroor, ko uu tugul che kiga yai kwandanyi Uzziah: ago ki ma wo Hekaluutap Kamuktaindet ne Toroor. Nganda uu nooto, ko ki testai koyai piik yaitwogik.

NEEMIA 1:7

Ki keyaun ne ya miising', ama ki riip ng'atuutik anan kayomisutik anan kirwoogutik che ki ing'at otwogindeng'ung' Musa.

TIENWOGIKAL 58:3

Petyotiin kiptengeginik kobooch komi moo, mastoi ak komwaei lembechek kobooch ko kagisich.

TIENWOGIKAL 71:22

Alasun agane eng' kibugandet, agobo imandang'ung', ee Kamuktaindennyu; atyenun kalasunoik eng' ketubet, ee Inyee ne Tiliil ne po Israel.

TIENWOGIKAL 78:40

Ak kingelelji ineendet konyil ata eng' surkwen, Ak ki igoochi arageneet eng' surkwen!

TIENWOGIKAL 78:41

Ak ki week kogeny kotyem Kamuktaindet, Ak kitach Ineendet ne Tiliil ne po Israel.

TIENWOGIKAL 78:57

Ak kiweektagei let, koosup ng'aalseet ko uu kwanisyekwak: Ki kiweekta koba taban ko uu kwanget ne ma litit.

TIENWOGIKAL 78:8

Ak si ma tuun igei kwanisyekwak, Ibinda ne uui met ak ko ngelelyo; Ibinda ne ki ma chop mugulelwekwak, Ak che ki ma litititu saboonwekwak eng' Kamuktaindet.

TIENWOGIKAL 89:18

Amu po Kamuktaindet ne Toroor long'ennyo; Ak po Ineendet ne Tiliil ne po Israel laitoryandennyo.

KOMONG'U 32:7

Ki ng'alaalji `Kamuktaindet ne Toroor Musa koleenji, “Ui, choortegei; amu kagong'emgei piiguk che ki imutu komang'une emetap Misiri.

ISAIAH 1:23

Ngelelik pouniguk, ak ko choronogap chooriik. Chamei age tugul asoya, ak kosuboti tuguuk che kigeerchin. Ma ibesyechin ne ma tinyei sigiik, ama ki ipchin icheek ng'aleegap mosoget.

ISAIAH 1:28

Ago tuun king'emei tuwai, pistoik ak kiptengeginik eng' peetuut agenge, ak tuun kigeesu che metoi Kamuktaindet ne Toroor.

ISAIAH 10:6

Ayooktoi kobargei ak pororyet ne ya, ak agoochini kobargei ak piik che anereekyini, si koluul ak koip parunenik, ak ketyech icheek ko uu ye kityechi ng'atateek eng' ooreet.

ISAIAH 12:6

Owaach miising' ak otyense, inyee ne imenye Zion, amu oo Ineendet ne Tiliil ne po Israel eng' kwenung'ung'.”

ISAIAH 14:20

Motuitosi kobooto icheek eng' tubeet, amu ki ing'em emeng'ung', ki ibar piiguk. Ma kemwaei koigeny iyoteetap piik che yaei yaityo.

ISAIAH 29:19

Tesei kogeny poiboiyennywa eng' Kamuktaindet ne Toroor, piik che iming'inegei, ak koboiboitune piik che ponoon, Ineendet ne Tiliil ne po Israel.

ISAIAH 3:8

Amu kogong'emak Jerusalem, ak kogobut Judah; amu ki ingelelji Kamuktaindet ne Toroor eng' ng'elyebwekwak ak eng' poisyonikwak, koesyoi kimni toroornatennyi.

ISAIAH 30:1

Pwo eng' lagok che ngelel, mwaei Kamuktaindet ne Toroor, che tilei ng'aleek, ama eng' anee; ak che tuchegei, ama eng' kabuusennyu, si kobiit kotes tengekto eng' tengekto;

ISAIAH 30:15

Amu komwa Kiptaiyat Kamuktaindet ne Toroor, Ineendet ne Tiliil ne po Israel, kole, “Kisarwok ye oweege ak omuuny; egu kimnateeng'wong' siisek ak kamang'unet.” Ago ma ocham,

ISAIAH 30:9

Amu icheeget ko piik che ngelel, lagok che po lembeita, lagok che ma chamei kogas ng'atuutyetap Kamuktaindet ne Toroor;

ISAIAH 31:2

Ago utaat ineendet agine ak ibu yaityet, ama walei ng'aleekyik; ago ng'eetei kogirindoi kootap yaigap yaityet, ak toretetap icheeget che yaei tengekto.

ISAIAH 37:23

Ak ng'oo ne ki ichot ak ichup? Ak ng'oo ne ki ibolji ak injurur? Nooto ko Ineendet ne Tiliil ne po Israel.

ISAIAH 41:14

Meiywei, inyee Jakobo, ne ii kutyet, ak okweek piigap Israel; atoretiin, mwaei Kamuktaindet ne Toroor, ak katyagindeng'ung' ko Ineendet ne Tiliil ne po Israel.

ISAIAH 41:16

Iruri, si koip usoonet, ak koyesta kipchurchuryet: ak ibaibaitu eng' Kamuktaindet ne Toroor, ilasunegei Ineendet ne Tiliil ne po Israel.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 5:19

che mwaei kole, “Ingochaakta ineendet, kochokyi poisyennyi, si kobiit kegeer. Ingorik konyo kirwoogetap Ineendet ne Tiliil ne po Israel, si kobiit kenai!”

ISAIAH 5:24

Nooto anyun, ko uu ye peelei liplibenetap maat mobeek, ak ko uu ye igeesu liplibenetap maat susweek che yamyotiin, ko uu nooto kergeitu tigitikwak ak nunateet, ak kotogosta taaptokwak ko uu temburyek; amu ki koeesyo ng'atuutigap Kamuktaindet ne Toroor ne po lugoosyek, ak kosas ng'olyootap Ineendet ne Tiliil ne po Israel.

ISAIAH 57:17

Amu ki anereech agobo tengektap kasennyi ne po myat, ak abir ineendet, ki auny togeennyu ak anereech: ak kites komaasak eng' ooreetap muguleldanyi.

ISAIAH 58:2

Ago cheeng'a peetuut age tugul, ak chamei konai ortinwekyuk: ko uu pororyet ne ki yai imanda, ama meto kirwoogetap Kamuktaindennywa, teebena kirwoogutik che po iman, chamei koriikyi Kamuktaindet.

ISAIAH 65:11

Ago okweek che ometoi Kamuktaindet ne Toroor, che outye tulweennyu ne tiliil, che ochobe meset agobo Kelunet, ak che onyiityini Kagesunet divaik che ki kiburuch:

ISAIAH 65:3

piik che tacha kimni kotugul, koeng'sei eng' mbareenik, ak kobeelei nyamdutik eng' matubaruuk parak;

ISAIAH 9:17

Maboiboitu Kamuktaindet ne Toroor eng' murenikwak, ama riiree chechwaak che ma tinyei sigiik ak mosoogikwak; amu ya age tugul ak ko yaindetap yaityet, ak komwaei kutit age tugul abusnateet. Nganda uu nooto, koma istogei nereegekyik, ago ta ko chuulaat eunnyi kora.

JEREMIA 15:6

Ki oeesya, mwaei Kamuktaindet ne Toroor, ak ki ochuchuige. Ara achuule anyun eunnyu atokyin, asi ang'emin, amu kaang'et eng' muitaet.

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:17

Tos ki ma icheeng'jige niito, amu ki imete Kamuktaindet ne Toroor Kamuktaindeng'ung', ye ki imutin eng' ooreet?

JEREMIA 2:19

Pirin yaityeng'ung', ak kogerin kong' mastaeng'ung'. Nai ak iguiye ile kiit ne ya ak ko ng'waan, eng' imete Kamuktaindet ne Toroor Kamuktaindeng'ung', ametinye kaiyweisyet ne iywea, mwaei Kiptaiyat, Kamuktaindet ne Toroor ne po lugoosyek.

JEREMIA 2:31

Ee ibini, ogas ng'olyootap Kamuktaindet ne Toroor! Tos ki aegu emetap melewet ne oo eng' Israel? Amu nee anyun si komwa piikyuk kole, “Ki kityaachech, ma kebwane kogeny ole imi?”

JEREMIA 2:33

Ichoptoi ano oreng'ung' si icheeng' chamyet! Amu nee, si ko ki ineet, kwonyiik che yaacheen ortinweguk.

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

JEREMIA 32:32

amu yaityet tugul ne po piigap Israel ak ne po lagogap Judah, che ki koyai kotagena anereech, icheek, laitorinikwak, pounikwak, tisiikwak, ak maotikwak, ak piigap Judah, ak piik che menyei Jerusalem.

JEREMIA 50:29

Kuur mwogik tugul kobargei ak Babilon, icheek tugul che riichei kwangok koyiem komoswekyik; amengochilil agot agenge eng' olooto: yaakyi mugetuut ko uu poisyonikyik; oyachi ko uu tugul che ki koyai: amu ki komenji Kamuktaindet ne Toroor, ki komenji Ineendet ne Tiliil ne po Israel.

JEREMIA 51:5

Amu ma kimetoi Israel, anan Judah, ma metoi icheek Kamuktaindennywa, Kamuktaindet ne Toroor ne po lugoosyek; nganda nyiitaat emennywa ng'oogisto ne ki yachi Ineendet ne Tiliil ne po Israel.

JEREMIA 7:19

Tos tachei ng'oo pichooto konereech? Tos anee? Mwaei Kamuktaindet ne Toroor. Tos matachegei icheegei, si kogoochigei kalilanet eng' togoochikwak?

JEREMIA 7:26

Ago ma kasa, ama ep iit, ago ki iuit kaatinnywa. Ki yai ne ya kosiir kwanisyekwak.

EZEKIEL 14:5

si kobiit anam kootap Israel eng' mugulelwekwak icheeget, amu ki kotoiyenagei icheek tugul amu kanamonikwak.

EZEKIEL 16:33

Igoochin pichooto chepkugonik tugul asoya: ago igoochini inyeendet tuguuguk che po kagaigaet chamaniguk tugul, ak igaigae icheek tuguuchooto, si kobiit kobwonjin eng' komosta age tugul agobo kugoinatosyeguk.

EZEKIEL 16:45

Ii cheptap kamet, ne wechei manong'otyondennyi ak lagokyik; ak ii chepto ne otupche ak chepkametwogiguk, che kiweche manong'otaikwak ak lagokwak: ki po kamenng'ung' Hitik, ko po kwandang'ung' Amorik.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

KAITOSYEK 32:14

Ara oyaei nguno ko uu ye ki yai kwanisyekwok, oegu kiptengeginik che tesoksei, otes nereegek che koroomen che po Kamuktaindet ne Toroor eng' Israel.

MATAYO 11:28

“Obwanjo, okweek tugul che oiimige, ak che olae mileet ne nyigiis si amuung'wok.

MATAYO 23:33

Erenochu, oo lagogap erenook che ng'woneen, ochilildoi ano eng' kirwoogetap Gehenna!

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

ROMANIK 8:7

amu kererwegap met che po poorto ko puunyoondit eng' Kamuktaindet; amu ma kase iit Ng'atuutyetap Kamuktaindet, amaimuuchi:

1 KORINTOEK 10:22

Anan kitache Kiptaiyat konyoor ng'etkong'? Tos ki kiimeen kosiir ineendet?

NG'ATUTIK 29:25

Kole anyun piik, ‘Amu ki pagaakta kayomisetap Kamuktaindet ne Toroor, Kamuktaindetap kwanisyekwak ne ki yai kobooto icheek ye ki imutu komong' eng' emetap Misiri.

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 32:19

Ki keer anyun `Kamuktaindet ne Toroor ak kinereech, Amu taagetap ne kitach weeriikyik ak tiibiikyik.

NG'ATUTIK 32:5

King'emgei eng' taitap Kamuktaindet ne Toroor; kalilano eng' icheek amu ma ko lagokyik icheeget; icheek ko pororyet ne ngelelyo ago mastaat.

KOLOSAIK 1:24

Abaibai anyun nguno eng' nyalilwogikyuk agobo okweek, ak anyiiti eng' komostanyu nooto ne rarunoot agobo nyalilwogigap Kristo eng' poortanyu agobo poortanyi, nooto kaniset;

NG'ANG'UTYET 18:5

Amu ki koit tengekwogikyik kipsengwet, ak kagobwaat Kamuktaindet tengekwogikyik.

KIRUOGIK 10:10

Ki riirchi `piigap Israel Kamuktaindet ne Toroor, koleenji, “Ki keyaun tengekto, amu kigemete Kamuktaindennyo ak kigeot Baalik.”