2 PETERO 3:7 - BUKUIT NE TILIIL Sireet ne Dutero Kanon

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

Bukuit Ne Tilil

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

BUKUIT NE TILIL

ago kipsengwetisiek ak ng’onyut che bo nguno, ko kigigonorji mat eng’ ng’olyondonoto, kogonor agoi betutab kiruoget ak ng’emisietab bik che maiywei Jehovah.

2 PETERO 3:7 Referencias Cruzadas

TIENWOGIKAL 102:26

Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

TIENWOGIKAL 50:3

Nyoonei Kamuktaindennyo, ama siisei: mi tainnyi maat ne peelei kowong'u, ak komuut ineendet usoonet ne oo.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

ISAIAH 66:15

Amu ogeero, nyoonei Kamuktaindet ne Toroor eng' maat, ak koigei kariisyekyik che po lugeet kipchurchuryet; koyaakta nereegekyik eng' koroomnateet, ak koyaakta kerennyi po kong' eng' liplibenetap maat.

SEPANIA 3:8

Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

MALAKI 4:1

Mwaei Kamuktaindet ne Toroor ne po lugoosyek kole, “Ogeero, nyoonei peetuut ne lalei ko uu maat ne oo, ak igeitu mobeek menotik tugul, kobooto icheek tugul che yaei tengekto. Ak peelei icheek peetuut ne nyoonei kot ko ma ng'etyi tigityot anan ko mornet.

MATAYO 10:15

Amwaiwok iman ale, kaigaitu emetap Sodom ak Gomorah eng' peetuutap kirwooget kosiir nganasanooto.

MATAYO 11:22

Ago amwaiwok ale, kaigaitu tuun Tyro ak Sidon eng' peetuutap kirwooget, kosiirok.

MATAYO 11:24

Ago amwaiwok ale, tuun kaigaitu emetap Sodom eng' peetuutap kirwooget, kosiirin.

MATAYO 12:36

“Amwaiwok ale, ng'olyoo age tugul ne mwaei piich eng' tangoi, ko tuun tetu chooto tugul eng' peetuutap kirwooget.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

MARIKO 6:11

Ak oldo age tugul ne mataachak, ama cham kogasak, ye omande eng' olooto, olelekte temburyek che mi keelyekwok si kobiit koek paornateet eng' icheek.”

JOHANA 12:48

Ineendet ne eesyoa, ama taachei ng'aleekyuk, kotinyei ne irwookyin: ng'olyoot ne ki amwa, nooto ne irwookyin ineendet eng' peetuutap let.

ROMANIK 2:5

Ago eng' uindang'ung' ak muguleldang'ung' ne ma tinyei siguunet, igonorchinigei nereeknateet kobunji peetuutap nereeknateet ak ng'ang'utyetap kirwooget ne po imanda ne po Kamuktaindet;

1 KORINTOEK 3:13

tuun king'aanyei poisyetap chii age tugul: amu tuun ng'aanyei peetuut, amu king'aanyei eng' maat; ak kotyem matole teptoi poisyetap chii age tugul.

PILIPIK 1:28

amat komuok puunik eng' kiy age tugul: nooto kaboorunet ne tagunoot ne po luseet eng' icheek, ago po yetuneng'wong', ak punu nooto Kamuktaindet;

2 THESSALONIKEK 2:3

amat kong'alak chii eng' kiy age tugul; amu ma itu peetuunooto, kobatee indou katuituet ak keng'aany chiito ne po tengekto, weeriitap luseet,

1 TIMOTEO 6:9

Ago icheek che machei koek mogoreek kobutyin yoomseet ak mesteet ak maguutik che chaang' che perberen, che ibu ng'wanindo, che lugui piik koba ng'emisyet ak luseet.

HEBRANIK 12:29

amu Kamuktaindet nenyo ko maat ne igeesu.

2 PETERO 2:9

ko ingen anyun Kiptaiyat kosar eng' yoomseet che iywei Kamuktaindet ak koriip che ma po imanda kot koit peetuutap kirwooget, si tuun kirwookyi.

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

2 PETERO 3:12

ogeni nyonunetap peetuutap Kamuktaindet, ak ogiili, amu nooto anyun chotoos kipsengwet eng' maat, ak kochootyo tuguuk tugul che ki kiyae parak eng' maat ne koroom?

1 JOHANA 4:17

Kigeyai chamyet koek ne ititaat eng' acheek, si kobiit kesich nyiganateet eng' peetuutap kirwooget; amu ko uu ole uu ineendet, keu nooto acheek eng' ng'wonyuni.

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 17:11

Ak tyonyooto ki mi, ama komi, ineendet ko ne po sisiit, ak ta ko agenge eng' chuun tisap; ak kowendi luseet.

NG'ANG'UTYET 17:8

Tyonyi kegeere komi, ama komi; ak ko neegit komong' eng' keriinget ne ma igoksei, ak kwo luseet. Ak kwong'dos icheek che menyei ng'wony, che ki ma kisirchi kainaikwak bukuitap saboondo kobooch ngap kelumda ng'wony, ye keer tyondo, amu ki mi, ama komi, ak kota konyonei.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 21:1

Ak ki ageer kipsengwet ne leel ak ng'wony ne leel; amu ki kosiirto kipsengwet ne po tai ak ng'wonyut ne po tai; ama komi nyanjet kogeny.