SEPANIA 3:8 - BUKUIT NE TILIIL Sireet ne Dutero Kanon

⁸ Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

Bukuit Ne Tilil

⁸ Ogeno anyun, mwaei Kamuktaindet ne Toroor, kot koit peetuut ne aipchini kirwooget. Ye katil ayum pororyosyek, ale atuiyo pounatosyek, si aroong'ji icheek nereegekyuk, nereegekyuk tugul che koroomen. Ne matiny ko tuun kibeelei ng'wony tugul eng' maatap ng'etkondanyu.

BUKUIT NE TILIL

⁸ Ogena anyun, mwaei Jehovah, kot koit betut ne abarisiei: amu kiatil ale ayumi bororiosiek, ale ayumi bounatosiek, si arong’ji ichek neregekyuk, neregekyuk tugul che koromen; amu kibeelei ng’ony tugul eng’ matab ng’etkondanyu.

SEPANIA 3:8 Referencias Cruzadas

TIENWOGIKAL 12:5

Mwaei Kamuktaindet ne Toroor: “Amu sastaetap kibananook, amu tigenetap che panandos, ang'eete nguno, agoochini kotebi riibetapkei, nooto ne machei miising'.”

TIENWOGIKAL 123:2

Ogeero, ko uu ye keerei otwogik eutap kiptaiyannywa, ko uu ye keerei chepto eutap chebyoset ne pou ineendet; ko uu nooto keerei konyekyok Kamuktaindet ne Toroor, Kamuktaindennyo, agoi korirenech.

TIENWOGIKAL 27:14

Igen Kamuktaindet ne Toroor! Kimitu ak ingonyiganit muguleldang'ung'! Ee, igen Kamuktaindet ne Toroor!

TIENWOGIKAL 37:34

Igen Kamuktaindet ne Toroor, ak isup ooreennyi, ak koeetin inam emet; ye kiwong'u kiptengeginik igeere.

TIENWOGIKAL 37:7

Imuuny eng' Kamuktaindet ne Toroor, ak igen ineendet eng' muitaet; ameng' konyitin chii ne peruri eng' ooreennyi, chiito ne isuldoe ng'aalseet.

TIENWOGIKAL 62:1

Igeni Kamuktaindet kityo saboondanyu, punu yetunennyu ineendet.

TIENWOGIKAL 62:5

Ee saboondanyu, igen Kamuktaindet kityo; amu punu kamang'unennyu ineendet.

TIENWOGIKAL 79:5

Ee Kamuktaindet ne Toroor, tyanitu, tos inereechi agoi? Tos lalei ng'etkondang'ung' ko uu maat?

TIENWOGIKAL 79:6

Rong'ji nereegeguk pororyosyek che ma ingenin, Ak laitornatosyek che maguurei kaineng'ung'.

KALEWANAIK 20:22

Amat imwa ile, “Ageeri yaityet.” Igen Kamuktaindet ne Toroor, si kosaruun.

TYENDO NE SIIREI TUGUL 8:6

Indea muguleldang'ung' ko uu ng'ookset, ko uu ng'ookset eng' eung'ung'. Amu kiim chamyet ko uu meet, korom ng'et konda ko uu kererit. Lalennyi ko uu laletap maat, liplibenet ne koroom miising'.

ISAIAH 14:26

Niito chobeet ne kigechop agobo ng'wony komugul; ak ni ko euut ne ki kichuulji pororyosyek tugul.

ISAIAH 30:18

Igenok anyun Kamuktaindet ne Toroor, si kobiit koboorwok myeeindo, ak koek anyun ineendet ne itoroorot, si kobiit koriirenak. Amu Kamuktaindet ne Toroor ko Kamuktaindetap kirwooget; iberuurotin tugul che igeni ineendet.

ISAIAH 34:2

Amu tinyei Kamuktaindet ne Toroor nyitatet agobo pororyosyek tugul, ak nereegek che laldos agobo lugosyekwak tugul; Ki kong'em icheek kogees, ki kogoito icheek kebar.

ISAIAH 63:6

Ak ki atyech piik eng' nereegekyuk, ak ki agoochi kobogityo eng' nereegekyuk che ng'woneen, ak ki atumji ng'wony korotiikwak che saptos.

JEREMIA 10:25

Rong'ji nereegeguk che ng'woneen pororyosyek che ma ingenin, ak ortinwek che maguurei kaineng'ung'; amu kigoam Jakobo, ee, kigoam ineendet kogees ak Ki kong'em meng'ootennywa.

HOSEA 12:6

Iweekyigei anyun Kamuktaindeng'ung': riip rireenet ak kirwooget, ak igen Kamuktaindeng'ung' kotugul.

JOEL 3:2

ak amut icheek koba atebweetap Jehoshaphat; ak arwookyi icheek eng' olooto amu piikyuk ak amu porotennyu Israel, che ki koseerchi pororyosyek, ak kopchei emennyu.

MIKAH 7:7

Ago amang'u anee Kamuktaindet ne Toroor; ageni Kiptaiyat Kamuktaindetap yetunennyu: kasa Kamuktaindennyu,

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

SEPANIA 1:18

Ama imuuchi fedhaisyekwak anan thahabusyekwak kosar icheek eng' peetuutap nereegegap Kamuktaindet ne Toroor; ago kibeelei emet komugul eng' maatap ng'etkondanyi: igeesu, ee, igeesu eng' kamuiset icheek tugul che menyei emet.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

MATAYO 25:32

Tuun kiyumji tainnyi pororyosyek tugul, ak kokwei icheek koobeesyo ko uu ye ibestos mestowot keechiirek ak ng'oroorek,

2 PETERO 3:10

Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

NG'ANG'UTYET 16:1

Ki agas kutit ne oo kobunu Hekaluut, koleenjin malaikaisyechooto tisap, “Oba, oroong'ji emet taabook tisap che po nereegegap Kamuktaindet.”

NG'ANG'UTYET 16:14

amu chooto ko tamirmirigap oik, che yaei kaboorunoik; che pendi kaplaitorinigap ng'wony komugul, si koyum icheek koba lugeet eng' peetuut ne oo ne po Kamuktaindet, Ne po Kamuktaet.