2 PETERO 3:10 - BUKUIT NE TILIIL Sireet ne Dutero Kanon

¹⁰ Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

Bukuit Ne Tilil

¹⁰ Ago tuun nyoonei peetuutap Kiptaiyat ko uu choriin; ne siirtoe kipsengwet eng' cheet ne oo, ak kochootyo tuguuk tugul che ki kiyae ng'wony ak parak eng' maat ne koroom, ak kolal ng'wonyut ak poisyonik che mi.

BUKUIT NE TILIL

¹⁰ Ago tun nyonei betutab Kiptaiyat ko u chorin; ne siirtoe kipsengwetisiek eng’ cheet ne o, ak kochootyo tuguk tugul che kigiyae ng’ony ak barak eng’ mat ne korom, ak kolal ng’onyut ak boisionik che mi.

2 PETERO 3:10 Referencias Cruzadas

TIENWOGIKAL 102:26

Petos icheek, ago itebye inyee agoi; osegitu icheek tugul ko uu ngoryeet. Ak iwale icheek ko uu ngoryeet, ak kowalogis.

TIENWOGIKAL 46:6

Kibolyo pororyosyek, ak kiwaskei laitornatosyek; kitwek ineendet ak kichoot ng'wony.

TIENWOGIKAL 97:5

Kichootyo tuloonook eng' taitap Kamuktaindet ne Toroor ko uu temeniet, Eng' taitap Kamuktaindet ne po ng'wony komugul.

ISAIAH 2:12

Amu tuun piitu peetuutap Kamuktaindet ne Toroor ne po lugoosyek, eng' icheek tugul che mendos ak che ieetigei; ak eng' icheek tugul che itoroorigei, ak kiming'ini tugul;

ISAIAH 24:19

Ki kobutok ng'wony miising', ki kobetak ng'wony miising', kigo tumdumgei ng'wony miising'.

ISAIAH 34:4

Ak kochoot lugeet tugul ne po kipsengwet, ak kemaman kipsengwet ko uu kartasit. Ak kowandagei lugeennywa tugul, ko uu sogoot ne ibuti eng' keetitap sabibuk, ak ko uu sogoot ne ibuti eng' mogoywet.

ISAIAH 51:6

Onyal kipsengwet, ak ogeer ng'wony: amu petos kipsengwet ko uu iyeto, ak ositu ng'wony ko uu ngoryeet, ak pegu ko uu nooto icheek che menyei olooto: ago punjin koigeny yetunennyu, ama kigeesu imandanyu.

JOEL 1:15

Pwo amu peetuunooto! Amu kagoriik peetuutap Kamuktaindet ne Toroor, ak nyoonei ko uu ng'emisyet ne punu Ineendet Ne po Kamuktaet.

JOEL 2:1

Oguut iryageet eng' Zion, ak owaach eng' tulweennyu ne tiliil! Ingobotanso piik tugul che menyei emet, amu nyoonei peetuutap Kamuktaindet ne Toroor, ee kagoriik,

JOEL 2:31

Ak koimenit asiista, ak koigei korotiik arawet, kotom koit peetuut ne oo ne imuisei ne po Kamuktaindet ne Toroor.

JOEL 3:14

Piik che chaang', piik che chaang' che mi atebweet ne kitilee ng'aleek! Amu kagoriikyi peetuutap Kamuktaindet ne Toroor eng' atebweet ne kitile ng'aleek.

AMOS 9:13

Ogeero, pwoonei peetuusyek, mwaei Kamuktaindet ne Toroor, che nyo kosiirtoe chiito ne ibatisyei kesiindet, ak kosiir chiito ne tyechei sabibuk kolindet; ak kosaune tuloonook divaik che anyiny, ak kochootyo tuloonook tugul che mengeechen.

AMOS 9:5

Amu Kiptaiyat Kamuktaindet ne Toroor ne po lugoosyek, ko ineendet ne twaei emet si kochoot, ak koriiryo tugul che menyei olooto; ak ng'eetei emet komugul ko uu aineet; ak koteeny kogeny ko uu aineet ne po Misiri.

MIKAH 1:4

Ak kochootyo tuloonook eng' keelyekyik, ak kobetogis atebwosyek, ko uu ye chotei temeniet ko kauchi maat, ko uu peek che kirandoi eng' ole keigei.

NAHUM 1:5

Potandos tuloonook eng' tainnyi, ak kochootyo tuloonook che mengeechen; potani ng'wony eng' tainnyi, ee ng'wony ak tugul che menyei olooto.

MALAKI 4:5

“Ogeero, ayookwok maotyot Elijah kotom konyo peetuut ne oo, ne koroom ne po Kamuktaindet ne Toroor.

MATAYO 24:35

Siirtoi kipsengwet ak ng'wony, ago ma siirtoi ng'aleekyuk.

MARIKO 13:31

Siirtoi kipsengwet ak ng'wony, ago ma siirtoi ng'aleekyuk.

LUKA 12:39

Ago onai ni ole, nda ki ingen kiptaiyatap koot sait ne nyoonei choriindet, ta kiriipsei, ta ki ma kobagaaktoi koonnyi kobut choriindet.

ROMANIK 8:20

Amu ki kigoochi yaeet tugul kogas iit kiit ne ma tilei kiy, ma ko uu ye machei, ago amu ineendet ne ki igoochi kogas iit ko uu nooto eng' kamang'unet,

1 KORINTOEK 1:8

Ne igimitok agine agoi let, ko motinye kiy ne kirwoogunenok eng' peetuutap Kiptaiyandennyo Jeso Kristo;

1 KORINTOEK 5:5

ogoochi Setani chiito ne uu nooto si keng'em poorto, si tuun kesar saboondanyi eng' peetuutap Kiptaiyat Jeso.

2 KORINTOEK 1:14

Agot ko uu ye ki onaech kitigin, ole acheek ko ki kalasuneng'wong', agot ko uu ye oo kalasunennyo ak okweek, eng' peetuutap Kiptaiyandennyo Jeso.

1 THESSALONIKEK 5:2

Amu ongen okweeget komyee ole nyoonei peetuutap Kiptaiyat ko uu choriin ne nyoonei kemoi.

1 THESSALONIKEK 5:4

Ago okweek, tupchosyechu, koma mi eng' mesundeito, kot konyonjok peetuunooto ko uu choriin:

2 PETERO 3:11

Amu tuun chotoos tuguuchuuto tugul ko uu niito, ko nyolu oegu piik che uu nee eng' atebeet ne tiliil ak kayweetap Kamuktaindet,

2 PETERO 3:12

ogeni nyonunetap peetuutap Kamuktaindet, ak ogiili, amu nooto anyun chotoos kipsengwet eng' maat, ak kochootyo tuguuk tugul che ki kiyae parak eng' maat ne koroom?

2 PETERO 3:7

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.

JUDA 1:6

Ak ki inde malaikaisyek che ki ma riip pounatennywa, ago ki pagaakta meng'ooteet ne ki nenywa, ki inde kotebee ratisyosyek che po koigeny eng' mesundeito kot koit kirwooget eng' Peetuut ne oo.

NG'ANG'UTYET 16:15

“Ogeero, anyoone ko uu choriin. Paibai ineendet ne riipsei, ak koriibei ngoroikyik, si mawendot aach ngor, ak kegeer kalilanennyi.”

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.

NG'ANG'UTYET 21:1

Ak ki ageer kipsengwet ne leel ak ng'wony ne leel; amu ki kosiirto kipsengwet ne po tai ak ng'wonyut ne po tai; ama komi nyanjet kogeny.

NG'ANG'UTYET 3:3

Ibwaat anyun nooto kiitaach ak ki igas; iriip, ak isigu. Ngot ko meriipse anyun, anyoone ko uu choriindet, amenae sait ne anyoonjinenen.

NG'ANG'UTYET 6:14

Ki kiisto kipsengwet ko uu kartasit ne kimamani, ak ki kiisto eng' komoswekwak tulweet age tugul ak emet age tugul ne ki ikween peek.