JOSHUA 1:4 - Hawa Naga Bible 2001 Nuimshiq mungtan ghaqruiy kuex ghaqyaz kox kumtsvy tvnx maq ghaqkhux kox Lebanon Kanx htenc nuex httuiuc laz, shaldungc kox Euphrat Ruilx maq Hitti mungx kuex yanz wvnc vtueq shalx nyuip kox Svmuktvrax Mediteranean nuex httuiuc laz rvtuex. ASII LAKDAP Bible (BSI) Namshiq hiqshrit ka shemai nü na kumtsaiphii mung kriimaq pha wan raüta, shekhu nü na Lebanon pum thun kiina saüli. Kiimaq shedong mung nü miika, Euphretis jürai jonghea kiimaq phaho raüta, Hitaiqnok mung binjü thun hamho tlii raüta, shenyap nü na Mediterenian sammok tra jükii kiina saüli miraq. |
Ejip mungx wawc mvre renc htawz htenc kuex tsuinghez yauk nuex httax yaq. Tsuinghez rueq Hitti nuiyc Siria hokhvmx muex mvre nuiyc mvre renc htenc kuex shaung kuq tueq, renc vshiz nuex kuimphox sawx 600 nuiyc mvre vshiz nuex kuimphox sawx 150 nuex shaung kuq tueq.
Solomon mungtan kuex Euphrat Ruilx maq Philistin mungx nuiyc Ejip mungx ghaqruiy nuex httuiuc laz httax yaq miqphvnx lotlaz httax yaq baung htenc lomx tueq. Tsuingshiq kuex piq muex hihic rawc rawc kuq ruiux hokhvmx waz vtvraungx wawwawx piq khung nuex httax wuez tueq.
Kvruex yimaq piq rueq Euphrat maq htauk kox hong ghaq vraungx kuex guimz lvp laz juing ngoz tueq, Zoba mungx kox kuex guimz jix Rehob saz Suria hokhvmx Hadadezer kuex khvt taungx gay tueq.
Tsuingshiq rueq Gilead mungx nuex suiux vmanx kung paunghvlc lvp tvy ningkhvnc nuex, shaldungc kox Euphrat Ruilx kumtsvy tvnx nuex httuiuc laz guimz wuez yaq.
Luimc vkawc yunghvlc hokhvmx bix rueq guimz lawc vtueq Euphrat maq Shalx nyuip kox mungx hong lotlaz kuex guimz ruiux, hihic rawrawc htenc hic wuez yaq.
Ngaz rueq nuimshiq ghaq vraungx ghaqruiy kuex Yuix Shawx Jumx maq Svmuktvrax Mediteranean nuex httuiuc laz, kumtsvy tvnx maq Euphrat Ruilx nuex httuiuc laz kuq phaungx. Kvruex mungx wawc miq htenc kuex ngaz rueq nuimshiq muex kuq phaungx luimc vkawc maq tsuingshiq kuex yurc gay shuinx.
Kvkhoc rvtueq jerak kuex httak gay ruiux kvhttot kaz wvnc kuinz. Amori phvnx httax yaq kuz hong nuiyc kvruex hep nuex httax yaq ghaq hong rvtueq Yodan warc tvnx kuz hong nuiyc tvnx hong htenc, ghaqyaz kox hong nuiyc Mediteranean kox htenc kvyuq kaz wuez kuinz. Kanaan mungx nuex kaz wuez kuinz, kvmaq Lebanon Kanx kuex yanz laq vtueq Euphrat Ruilx nuex httuiuc laz kaz wuez kuinz.
Nuimshiq rueq nuiuz wvnc shuinx ghaqphux htenc kuex nuimshiq laung rvtueq. Nuimshiq ghaqphux kuex ghaqyaz kox kumtsvy tvnx maq ghaqkhux kox Lebanon Kanx nuex httuiuc laz, shaldungc kox Euphrat Ruilx maq shalx nyuip kox Mediteranean jumx nuex httuiuc laz yungx tuex.
Yehowa lex, ngaz muex Yodan Ruilx kuex tvyanz vtueq kvkox ral nuex httax yaq ghaqpuiz ghaqwanx vhvlx mungx muinz, vsvp waq kuz hong nuiyc Lebanon Kanx kvmuinz khic lvp tvkoc kuq koq,’ ngoz tueq kvmenc jenc thoz tauk.
Kvruex tvruingc kuex tvruk ngoc yaungc raungkamx waz muex, “Euphrat ruilx hep nuex vkhvrc taq raungkamx waz bvlic kuex dawc gay shuiuz,” ngoz tueq.