DUNGWVNC 11:6 - Hawa Naga Bible 2001 Mvnnuex muinz rvhumc wvnc muq, yix maq muinz rvhumc yek tuex rvmuq, baung ruip saz nuex tsuingshiq guyc sez khoarc tvruingc kuex Ejip mungx nuex tay shuinx. ASII LAKDAP Bible (BSI) Ejip mung tlotli na tiihong raüta maaho maanyi wa trangli she miraq. Atinkhan chamchao ka man niimin ahü riito. Kiimaq jai miimin ahü miraq. |
Yuq muinz Israel miqsaz nuiyc tsuingshiq nyvmx saz htenc kuex guyhex kuiux shiz rueq doc muinz sauz shuex rvmuq. Ekvkhoc maq ngaz Yehowa rueq Ejip phvnx nuiyc Israel phvnx kuex tv-phvlc tvhvl wvnc shaungx lvmz nuimshiq rueq tuiuz wvnc shuinz,’” ngoz tueq jungx tueq.
Kvruex raungwvrx hokhvmx waz, piq miq vyungx vlaungx bix nuiyc vganc Ejip miqsaz lotlaz kvsvmc wuez tueq. Ejip mungx baung ruip saz nuex guyc sez khoar wuez tueq, yvmx rvtueq lac ngoz ruiux lec pekhux waz thueyc muq yuimx vshiz muinz vguez rvtueq.
Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,
Invp raungnuiyq vtanc jauz Ejip mungx vyuq laukshiz muinz yunx muq tv-nguirx raungx kuex yunc hvlc tvyunc shaungx.
Htemc saz jix waz guyc sez kuex mnoz rueq tay roc muq ngoz ruiux yuq, mnoz muex romc kuy tvkoc mnoz rueq ramc ruiux yuq uraq muinz tay kuq kv-phux rvmuq.
Guyc sez khoarc tvruingc kuex Moba mungx ghaqruiy baung ruip saz nuex httuiuc laz kvtay yaq. Kvruex tvruingc kuex Eglaim nuiyc Berelim ghaq nuex httuiuc laz kvtay yaq.
Ejip miqsaz htenc kuex yalxjuik rulx ikhoc hiyaz yvlc sac tuex vkhing httuiuc wvnc tuex. Tvphaungc Tvsuip Yehowa rueq tsuingshiq muex murx tvgurc tvkoc vyauk maq mvr yaq kuex khiz vtueq, tsuingshiq hiyaz kvkhuirc wuez tuex.
Yehowa rueq, “Rama nuex tvruingc phvnx shiz kvtay yaq, yunghvlc maq khoarc tvruingc rvtueq. Rakhel kuex piq sahez tvkoc khoar yaq; tsuinghez kuex vguez shex, piq muex tvlenc lauk kuex tvdux rvgay yaq.
Svpiq sunc htenc nuex muinz vkhoarc vnyerc kuex httax tuex. Vkhoc phvnx lotlaz yaungx wvnc tuex yvmx khoc lac ngoz ruiux lec ngaz rueq nuimshiq muex murx tvgurc vkhing httuiuc wvnc tuex,” Yehowa rueq jungx tueq.
Yehowa rueq, “Kvruex raungnuiyq nuex Yerusalem wawc Ngaq Palx Kaluix nuex khoarsez guyc tvruingc kuex nuimshiq rueq tay shuinx. Ghaq nyalx kox wawc miq htenc khoarc sez tvruingc nuiyc ghaqluimx htenc ngawk wvnc tvruingc muinz tay wuez shuinx.
Nuimshiq rueq Tishox Mungtan nuex Abraham, Esak, Yaku nuiyc shvmmax bix lotlaz httax yaq kuex nuimshiq rueq khiz shec ruiux, nuimshiq shauk gvnz kuex yuz phic nuex tvdungc gay rvhumc tuinx nuex, nuimshiq kuex pinhtumc khoarsez vtueq rung vwac tvtsuir tvjet yaungx tuinx nyix!