Hobane e mong le e mong ya etsang thato ya Ntate ya mahodimong, ke yena ngwaneso, le kgaitsedi ya ka, le mme.
Mattheu 6:10 - Contemporary Southern Sotho Bible 2024 Mmuso wa hao o tle. Thato ea hao e etsoe lefatšeng, joalokaha e etsahala leholimong. Sesotho 1909/1961 (SO) ho tle mmuso wa hao; thato ya hao e etswe lefatsheng, jwalokaha e etswa lehodimong; BIBELE Mmuso wa hao o tle; thato ya hao e etswe lefatsheng jwaloka lehodimong. Baasraak Sotho NT Mmuso wa hao o tle. Thato ea hao e etsoe lefatšeng, joalokaha e etsahala leholimong. |
Hobane e mong le e mong ya etsang thato ya Ntate ya mahodimong, ke yena ngwaneso, le kgaitsedi ya ka, le mme.
Kannete ke re ho lona: Ba bang ba teng ho ba emeng mona ba ke keng ba utlwa ho shwa, ba eso ho bone Mora motho a etla mmusong wa hae.
A boela a tloha kgetlo la bobedi, a rapela, a re: Ntate, ha senwelo sena se ke ke sa feta ho nna, ha ke sa se nwe, ho etswe thato ya hao.
Ho tloha mohlang oo Jesu a qala ho bolela, a re: Bakang, hobane mmuso wa mahodimo o atametse.
Ha se bohle ba reng ho nna: Morena, Morena, ya tla kena mmusong wa mahodimo; empa ke ya etsang thato ya Ntate ya mahodimong.
Hobane e mong le e mong ya etsang thato ya Modimo, ke yena ngwaneso, le kgaitsedi ya ka, le mme.
Eitse ha ba utlwa taba tseo, a eketsa ka ho bolela papiso, kahobane a ne a le haufi le Jerusalema, mme ba ne ba re mmuso wa Modimo o tla hlaha kapele.
Jesu a re ho bona: Dijo tsa ka ke ho etsa thato ya ya nthomileng, le ho phetha mosebetsi wa hae.
Ho rata ha ya nthomileng ke hore e mong le e mong ya bonang Mora, mme a dumela ho yena, a be le bophelo bo sa feleng, mme nna ke tla mo tsosa ka letsatsi la ho qetela.
Ekare ha motho a rata ho etsa thato ya hae, o tla tseba tsa thuto eo, hore na e tswa ho Modimo, kapa ke bua ka bonna.
Eitse hobane a mo tlose, a ba hlahisetsa Davida, hore e be morena wa bona; mme a mo pakela, a re: Ke fumane Davida, mora Jese, monna ya ka pelong ya ka, ya tla phetha thato ya ka yohle.
A re: Modimo wa bontata rona o o kgethile, hore o tle o tsebe thato ya wona, o bone ya lokileng, o utlwe lentswe la molomo wa hae.
Le se ke la ipapisa le lefatshe lena, le mpe le fetohe ka ntjhafatso ya dikelello tsa lona, le tle le lemohe seo e leng thato ya Modimo e molemo, e kgahlisang, e phethehileng.
E seng ka ho sebeletsa mahlong, jwalokaha ba kgahlisa batho; le mpe le be bahlanka ba Kreste, ba etsang thato ya Modimo ka pelo yohle;
Ka baka leo, le rona, haesale mohla re utlwang, ha re phetse ho le rapella, le ho le kopa hore le tlale tsebo ya thato ya hae ka bohlale bohle le kutlwisiso ya Moya;
Na kaofela hase meya e sebeletsang, e rometsweng ho sebeletsa bao e tla ba majalefa a poloko?
Hobane le hloka mamello, e le hore, ha le se le entse thato ya Modimo, le tle le amohele pallo.
Yaba ke re: Bona, ke tlile (moqolong wa buka ho ngodilwe ka nna) ho etsa thato ya hao, Modimo.
a le etse ba phethehileng mesebetsing yohle e molemo, le tle le etse thato ya hae, a ntse a etsa ka ho lona se kgahlisang mahlong a wona, ka Jesu Kreste; ho yena e be kganya ka ho sa feleng! Amen.
Hobane thato ya Modimo ke hore, ka ho etsa hantle, le ka fedisa ho se tsebe ha batho ba mawatla,
e le hore nako e setseng ea nama a se ke a hlola a phela litakatsong tsa batho, empa e le thato ea Molimo.
Lengeloi la bosupa la letsa; mme ha utlwahala mantswe a maholo lehodimong, a re: Mebuso ya lefatshe e fetohile mebuso ya Morena wa rona le ya Motlotsuwa wa hae; mme o tla busa ka ho sa feleng le kamehla.
Yaba ke utlwa lentswe le leholo lehodimong, le re: Jwale, ho hlahile poloko, le matla, le mmuso wa Modimo wa rona, le matla a Kreste wa wona; bosiu.
Ka utlwa eka lentswe la letshwelehadi, le modumo o kang wa metsi a mangata, le jwaloka modumo wa letolo le matla, le re: Haleluya!
Yaba ke bona diterone, mme ba bang ba dula hodima tsona, ba filwe matla a ho ahlola; ka bona le meya ya ba kgaotsweng dihlooho ka baka la bopaki ba Jesu le ka baka la lentswe la Modimo, le ba sa kang ba kgumamela sebata, leha e le setshwantsho sa sona, ba sa kang ba amohela letshwao la sona diphatleng tsa bona le matsohong a bona; ba boela ba phela, mme ba busa le Kreste dilemo tse sekete.