Mattheu 6 - Baasraak Sotho NT

Mattheu 6

¹ Iponeleng, le tle le se ke la etsa ho loka ha lona pela batho, hore le bonwe ke bona; ho seng jwalo, ha le na moputso ho Ntata lona ya mahodimong.

² Ka baka leo, ha o etsa dithuso, o se ke wa letsa terompeta pela hao, jwalokaha baikaketsi ba etsa masinagogeng le diterateng, ba tle ba tlotliswe ke batho. Kannete ke re ho lona: Ba se ba fumane moputso wa bona.

³ Empa ha o etsa dithuso, letsoho la hao le letshehadi le se ke la tseba seo letsoho la hao le letona le se etsang.

⁴ Hore dithuso tsa hao di be sephiring, mme Ntatao ya bonang sephiring o tla o putsa.

⁵ Ha le rapela, le se ke la ba jwaloka baikaketsi, hobane ba rata ho rapela ba eme masinagogeng le dikoung tsa mebila, hore ba bonwe ke batho. Kannete ke re ho lona: Ba se ba fumane moputso wa bona.

⁶ Empa wena, ha o rapela, kena ka phaposing ya hao e ka hare, mme ha o kwetse monyako wa hao, o rapele Ntatao ya sephiring; mme Ntatao ya bonang sephiring, o tla o putsa.

⁷ Empa ha le rapela, le se ke la ipheta-pheta, jwaloka baditjhaba;

⁸ Ka baka leo, le se ke la ba jwaloka bona; hobane Ntata lona o tseba tseo le di hlokang, le eso ho mo kope.

⁹ Ka baka leo, le rapele ka mokgwa ona: Ntata rona ya mahodimong, lebitso la hao le ke le kgethehe.

¹⁰ Mmuso wa hao o tle. Thato ea hao e etsoe lefatšeng, joalokaha e etsahala leholimong.

¹¹ O re fe kajeno bohobe ba rona ba tsatsi le leng le le leng.

¹² Mme o re tshwarele melato ya rona, jwalokaha le rona re tshwarela ba nang le melato ho rona.

¹³ O se ke wa re isa molekong, o mpe o re lopolle ho e mobe: Hobane mmuso ke wa hao, le matla, le kganya ka ho sa feleng. Amen.

¹⁴ Hobane ekare ha le tshwarela batho ditlolo tsa bona, Ntata lona ya mahodimong le yena o tla le tshwarela.

¹⁵ Empa ekare ha le sa tshwarele batho ditlolo tsa bona, Ntata lona le yena a ke ke a le tshwarela ditlolo tsa lona.

¹⁶ Hape, ha le itima dijo, le se ke la sosobanya difahleho jwaloka baikaketsi; Kannete ke re ho lona: Ba se ba fumane moputso wa bona.

¹⁷ Empa wena, ha o itima dijo, o tlotse hlooho, o itlhatswe sefahleho;

¹⁸ e le hore o se ke wa bonahala ho batho hore o itima dijo, empa ho Ntatao ya sephiring, mme Ntatao ya bonang sephiring o tla o putsa.

¹⁹ Le se ke la ipolokela matlotlo lefatsheng, moo tshwele le mafome di senyang, le moo mashodu a fatang, a utswang.

²⁰ Empa ipolokeleng matlotlo lehodimong, moo tshwele kapa mafome di sa senyeng, le moo mashodu a sa thuheng, mme a sa utswe.

²¹ Hobane moo letlotlo la hao le leng teng, ke moo le pelo ya hao e tla ba teng.

²² Lebone la mmele ke leihlo; ha leihlo la hao le lokile, mmele wohle wa hao o tla ba le lesedi.

²³ Empa ha leihlo la hao le le lebe, mmele wohle wa hao o tla ba lefifing. Ha ho le jwalo, ha lesedi le ho wena e le lefifi, lefifi leo ke le leholo hakakang!

²⁴ Ha ho motho ya ka sebeletsang marena a mabedi: hobane o tla hloya e mong, mme a rate e mong; kapa o tla khomarela e mong, a nyelise e mong. Le ke ke la sebeletsa Molimo le Maruo.

²⁵ Ka baka leo, ke re ho lona: Le se ke la itshwenya ka bophelo ba lona, hore na le tla ja eng, kapa le tla nwa eng; leha e le bakeng sa mmele ya lona, seo le tla se apara. Na bophelo ha bo fete dijo, le mmele ho feta diaparo na?

²⁶ Bonang dinonyana tsa lehodimo, hobane ha di jale, ha di kotule, ha di bokelle melikong; leha ho le jwalo Ntata lona ya mahodimong o a di fepa. Na lona ha le di fetise ka letho?

²⁷ Ke ofe ho lona eo ka ho tshwenyeha a ka eketsang bophelo ba hae ka setswe se le seng?

²⁸ Mme ke ka ntlha yang fa lo tlhobaela ka diaparo? Nahanang ka likhahla tsa naha, kamoo li hōlang kateng; ha di sehle, ha di ohe;

²⁹ Empa ke re ho lona: Esita le Solomone kganyeng yohle ya hae o ne a sa kgaba jwaloka e nngwe ya tsona.

³⁰ Ha ho le jwalo, ekare ha Modimo a apesa jwalo jwang ba naha, bo leng teng kajeno, mme hosasane bo lahlelwa seboping, na a ke ke a le apesa haholo, lona ba tumelo e nyenyane?

³¹ Ka baka leo, le se ke la belaela, la re: Re tla ja’ng? kapa, Re tla noa’ng? kapa: Re tla apara’ng?

³² Hobane ntho tseo tsohle baditjhaba ba di batla; hobane Ntata lona ya mahodimong o a tseba hore le hloka ntho tseo tsohle.

³³ Le mpe le batle mmuso wa Modimo le ho loka ha wona pele; mme ntho tseo tsohle le tla di ekeletswa.

³⁴ Ka moo he, le se ke la belaella tsa hosasane; Letsatsi le lekana bobe ba lona.