Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.
Saak 4:12 - Jola-Kasa Ateemit bale akaanumuu eluwaayi, ban akila bale ammuu atiiba. Akila bale ayilimuu afaken an, akila foof bale ayilimuu aniilen an. Kama awu ommuu ayi, mata min utiib afaali an? |
Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.
Bale boot min ihebuul ayi jóotimuu jíkoli. Jíkoli Ateemit ayilimuu amukuul aban li abetenuul li sambun. Li mal̥egenamu fan ilobuul, okila jóotimuu jíkoli!
Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.
Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.
Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.
Awu ammuu ál̥ahukowan, awu ommuu ayi boot mata min úhoogul Ateemit? Mantee ateefaay layilo aan ateefa ubala: «Wáa újimuu li uteefom inokoo loon muñeˈe?»
Wahawu unwu újimuu, layilo afaken ñano ban kale bukanabuku kájowummuu li okila min kukooj Ateemit, mata okila ummu li buloŋ min anaak al̥aw Ateemit boot li bukanabuku umbuku.
Kutuyom, jakum an li bukuluul ámummunoo mata afaalool, jakum bil Ateemit atiibuul. Jíkaanum, atiibaawu ummu mayitowe tin kámbiilaku.