Kata Lom 14:13 - Jola-Kasa

¹³ Kama ukataal katiiboo; ban li jijuke to jakum bil jikaan wah waate úji atuyuul li ajonten, mantee foof li alo li kahoofoo.

Kata Lom 14:13 Referencias Cruzadas

Máciya 16:23

Bale nan Yéesu átiiwowulumuu li aan Fiyeel: — Ulóyiyom, Sayitaane. Awu ummu li káhilom íkaanum húfañumahu hata Ateemit. Mata uyinoolut loon Ateemit ayinoomuu, bale luyinooyinoo loon bukanabuku kuyinoomuu.

Máciya 18:7

Katek káamak kujow kulako li adunaayi, mata wahawu wakaanemuu ésukayi elo li kahoofoo úji! Li mal̥egenamu, wahawu unwu wóote ubaj, bale katek káamak kujow kulako li anawu ájimuu li ubaj!

Máciya 7:1

— Jakum jitiib an, jakum bil Ateemit atiibuul.

Hulimahu Hásuumaahu loon Lík akiic homuu 12:57

— Wáa újiye let jitiibum li bukuluul humumuul wahawu wajakumuu kakaan?

Hulimahu Hásuumaahu loon Lík akiic homuu 17:2

Anawu ummu kóyumool min kukok kaneew li enuy kul̥oofool li ekondo’, ban li kuŋalool kujow kubeten li hal min akeel ló, akila bájiye akee li umbuku kakitemuu li kúyinen, li alo li kahoofoo.

Kata Lom 11:9

Ayíiyawu Dayit li aan foof: «Hutiñahu hooliil hujow hulako enkoliñen boot li buko, embaal boot li buko. Hutiñahu hooliil hujow hulako foof wah wáami li újiyiil li kulo, li hulako katek boot li buko.

Kata Lom 14:10

Kama awu wáa újiye li utiib atuyi? Awu foof, wáa újiye li ubes atuyi? Li mal̥egenamu, alolaal foofolaal feh fan ubil uyitowaal hákil hutiibahu hata Ateemit min atiibolaal.

Kata Lom 14:3

Anawu atiñemuu wahawu feh, aatut abes atiñemuu wah wáfulumulo li etool bale. Anawu foof atiñemuu wah wáfulumulo li etool bale, aatut atiib atiñemuu wahawu feh, mata Ateemit layabooyab.

Kata Lom 14:4

Kama awu ommuu ayi, mata min utiib aloka ata an? Atúkumuu lit, mantee foof li alo, anahaanawu oola bale ayilo alob to wah. Ban fan átuk lit, mata Amaaŋenawu labaje sembe sata min akaanool átuk lit.

Kata Lom 16:17

Kutuyom, ínje ummu li kal̥awuul min jíkaanum bukanabuku kájiyemuu bugiiloo li bubaj li bukuluul, ban li kunaak kuceeŋ kulimaku kan kuliikenewuulumuu min kújimen bukanabuku káyinenumuu li Kilisita. Jíloyiyiil.

1 Kata Koolent 10:32

Baloŋelabu booluul jakum búji bukan li kulo li kahoofoo, lako kusuwif, mantee bukan kalet kusuwif, mantee foof bukanabuku kata ejanguwayi yata Ateemit.

1 Kata Koolent 11:13

Jijuke bukuluul humumuul min jijuk: mantee jaajak min anaale alako to muñaˈa básoolowut akila li kal̥aw Ateemit?

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

2 Kata Koolent 6:3

Alóli jifañut min jíji an li ajonten min alo li kahoofoo, jakum bil an ayili alob majakut aya li bulokabu bóololi.

Kata Fílib 1:10

mantee li jiyili jihaas wahawu wajakumuu. Muñowu jommuu li jikaan li jilako bukan kajake kan an ayilaat alob majakut li bukuluul li hunakahu nan Kilisita ammuu li álaañul.

1 Tímote 5:14

Mó mújimuu, lifañe min kanaalaabuku kañiilomuu ban li kuhok kúyiniil kulaañ kuyabo min kubaj bañiil, ban li kooken siluufasu sooliil jak. Jakum kusen bútin alatoolaawu oololaal min alob majakut aya li ololaal.

Saak 2:4

jikaanumuu loon muñowu, inti yo yommuu jijokejok kukee li bukuluul kuhaŋ kufaaliil? Inti yo yommuu foof jitiibetiib kufaaluul nab li uyinoolawu wooluul wajakutumuu?

Saak 4:11

Kutuyom, jakum an alob majakut aya li afaalool. An alobumuu majakut aya li afaalool mantee foof li atiibool, anawu ummu majakut lalobe aya li eluwaayi, ban yo foof latiibe. Imban utiibumuu eluwaayi, ulet an akaane loon eluwaayi elobumuu, bale atiiba ata yo loom.

1 Saŋ 2:10

An áboolimuu atuyool, anawu ummu, ummu nanoonan li mawuŋaamu, ban bajut wah li akila waate újiwool li alo li kahoofoo.

Búhiisenumabu 2:14

Bale baje wah wan eete iwatateni mata wo: lubaje booli bukan kanabe li kulimaku kata Balam, alobumuu Balak buu lammuu abuutoo kata Isilayeel min kutokoñ eliw yawaaseni, li buu kommuu kunaak kúfulo bo muñaˈa.