Máciya 10:28 - Jola-Kasa

²⁸ Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.

Máciya 10:28 Referencias Cruzadas

Máciya 10:26

— Mó mújimuu, jakum jíkoli bukanabuku kalobemuu majakut kuya li bukuluul. Bajut wah wáhimeni waatut ubil úhimuli. Bajut foof wah wayolooli waatut ubil uhaasi.

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Hulimahu Hásuumaahu loon Saŋ akiic homuu 5:29

ban fan kúfulul li kuyaakaku kooliil. Bukanabuku kakaanumuu majake fan kuyitowul min kubaj buloŋ, bale bukanabuku kakaanumuu majakut fan kuyitowul min kubaj katek.»

Bakaanelabu 21:13

Bale Fool li aan: — Wáa újiye li joono li jíl̥ok min jóomi li huŋes kakaanom íyeko? Injé lísingene inti mata min ijenki bale, bale foof min iket Yeelusalem humum hata kajawaku kata Amaaŋenawu Yéesu.

Eébulo 10:31

Kóyilenikoyileni ŋáa’ an balowe li kuŋen kata Ateemit aloŋumuu.

Eébulo 11:35

Li kulaañen kanaale kukee bukaniil kaketeene kayitowumulo li eketayi. Kukee li kúcoocikooliil kujow kuket, min kuhoy min an afakeniil mantee li kubaj kayitowul li eketayi kahaŋe majak.

Saak 4:12

Ateemit bale akaanumuu eluwaayi, ban akila bale ammuu atiiba. Akila bale ayilimuu afaken an, akila foof bale ayilimuu aniilen an. Kama awu ommuu ayi, mata min utiib afaali an?

1 Fiyeel 3:14

Maayeet min jikite jílaam mata jikankaan wah wacole, jibaje kásuumaay. Jakum jíkoli bukan, ban jakum uyinumuul úguul̥oo.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.