Saak 4:11 - Jola-Kasa

¹¹ Kutuyom, jakum an alob majakut aya li afaalool. An alobumuu majakut aya li afaalool mantee foof li atiibool, anawu ummu majakut lalobe aya li eluwaayi, ban yo foof latiibe. Imban utiibumuu eluwaayi, ulet an akaane loon eluwaayi elobumuu, bale atiiba ata yo loom.

Saak 4:11 Referencias Cruzadas

Hulimahu Hásuumaahu loon Lík akiic homuu 6:37

— Jakum jitiib an, jakum bil Ateemit atiibuul. Jakum jiwataten an, jakum bil Ateemit awatatenuul. Jinaakumuu jibonket bukan, Ateemit fan abonketuul.

Kata Lom 2:1

Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

Kata Lom 7:7

Kama muñowu boot min oonaal buu? Waa eluwaayi kahoofoo yoom? Maayeet! Bale eluwaayi éjimuu li ihaas kahoofoo. Li mal̥egenamu, let ihaaseen mata kásiibo wah eluwaayi baaneenut: «Jakum úsiibo wah walet wooli.»

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

2 Kata Koolent 12:20

Wahawu wan íkolimuu wo wommuu, jakum bil íliiŋul booluul let itookuluul manokoole loon ifañumuu, ban bukuluul foof let jijukom manokoole loon jifañeenumuu. Wahawu wan íkolimuu foof, wo wommuu min baj li bukuluul úmuy, batahaay, buwuñetoo, búhaŋoo, búgeloo li kúloboo, katebenoolo ban anoowan li ukaan wah wásuumi.

Kata Efées 4:31

Jakum baj li bukuluul bal̥eet, etindihuuñ, kawuñet, batalen, búgeloo li búl̥afut banooban feh.

1 Tímote 3:11

Li manolamu, kanaalaabuku foof kammuu kujaakul koote kulako kanaale kan ésukayi esuuwe, ban jakum kunaak kúloboo bukan. Kootut foof kuwuuhen li wahoowah, ban li kulako bukan kabajut búhoolo banooban.

2 Tímote 3:3

Fan kútaañi, ban let kubaj káyiyen. Fan kunaak kúloboo bukan, ban li kunaak kukaan wah li sembe. Fan kúl̥afut ban let kufañ majake.

Eleetalayi yan Fool akiicumuu Tit 2:3

Ulob kanaalaabuku foof kahallenumuu ooniil, baloŋelabu booliil boote bulako baloŋe bata bukan kasenoolowe boot li Ateemit. Jakum kunaak kúloboo bukan, jakum kunaak kúkaliyenoo. Kunaak kuliiken bukan wah wajake.

Saak 1:16

Kutuyom kan iboolaat, jakum jibuntoolo!

Saak 1:19

Kutuyom, joote jihaas wahawu unwe jak! Anoowan li bukuluul laate anaak asommen ajanten hulimahu hata Ateemit, bale jakum ahi’ li élobul, jakum foof ahi’ li kawuñet.

Saak 1:25

Bale an ajukelumuu jak li eluwaayi yata Ateemit yanabaayi, yájimuu an li áfu’ li humiikeeleto, ban ajok yomuu jak min ajanten yo ban amojenut yo, min akaan loon elobumuu, anawu ummu Ateemit fan ásooniyen wahoowah feh wan ammuu akaan.

Saak 2:8

Eluwaayi yakiicimuu yonsoon: «Ufañ afaali an loon awu humumi ufañoolomuu.» Li mal̥egenamu, jikaanumuu loon muñaˈa, jikaane jak.

Saak 5:10

Kutuyom, jiwayil̥o kufulofetaku, kálobummuu li kajawaku kata Amaaŋenawu. Jiŋaliil jikaan bukittenoolum bata kamunten li bata sílaam.

Saak 5:7

Kutuyom, jimunten boot yok nan Amaaŋenawu ammuu li abil. Jilaso awaña min jijuk buu lakaanemuu. Awaña fan abeben min akob min wahawu wan awañumuu li etaamayi usenool mutiñaay majake. Ban fan akob boot yok nan mutiñaayamu man awañumuu mommuu li maal emitayi basaye.

Saak 5:9

Kutuyom, jakum an li bukuluul ámummunoo mata afaalool, jakum bil Ateemit atiibuul. Jíkaanum, atiibaawu ummu mayitowe tin kámbiilaku.

1 Fiyeel 2:1

Jihoy kama búl̥afut banooban, jabunt bukan, búhoolo, batii, li kúloboo bukan.