Saak 3:1 - Jola-Kasa Kutuyom, jakum bukan kameeŋe li bukuluul kulako kuliikena kata Hulimahu. Mata jihaase joon áloli jammuu kuliikena Hulimahu, Ateemit fan bil átiiboli haŋ másengi bukan kaabuku. |
— Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jibabebab kámbiilaku kata Jáyiiyaju jata Ateemit jilaañen bo bukanabuku. Bukuluul humumuul let jinoken dó. Ban let jikat kafañumuu kunoken dó, min kunoken.
«Katek kujow kulako li bukuluul jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata jijowejow jiyab wahawu wan kanaalaaku kahokumuu kúyiniil kuhine kubajumuu li siluufasu sooliil. Ban li jinaak jil̥aw fiyo boot ñajuko. Mó mújimuu, katekaku kooluul fan kuhaŋ másengi ŋáa’.
Nan Kufaaliisiyeŋaku kujukumuu loon muñaˈa, li koon kúgoomaku kata Yéesu: — Wáa újiye anahaanawu ooluul li átiñum dín dáno li kúyababuhalabu, li kúkaanikoolaabuku?
Muñeˈe anahaanawu li áhooñul alokaawu min aanool: «Kama wahawu wan ijamumee bukanabuku li kulob kuya li awu, buu? Uhíisom buu lukaane bulokabu eeno, mata let iyili ikati min ooken ebajayi yúmbaam.»
— Jakum jitiib an, jakum bil Ateemit atiibuul. Jakum jiwataten an, jakum bil Ateemit awatatenuul. Jinaakumuu jibonket bukan, Ateemit fan abonketuul.
Mó mújimuu, Ateemit li ajand akaan li Ejanguwayi kufootal, fúlum tó, kuliikena bukan hulimahu hoola, ban kakaanemuu wah wájaahaleniye, ban kabajumuu káji kata kafaken bukan li úsomutawu wooliil, fúlum tó, kabajumuu káji kata kalamben bukan, ban kabajumuu káji kata kaaken ejangu, ban kit kabajumuu káji kata elob silob sahaasuti.
Li mal̥egenamu, wahawu wan ukaanaalumuu alolaal foofolaal feh, fan ubil uhaasi hákil tilibinaalayi yata Kilisita, min anoowan ayab bacaamabu bata wahawu wan akaanumuu nan alakomuu buloŋ li eniilayi inye, lako majake mantee foof majakut.
Akila Kilisita humumool akaanumuu kukee kulako kufootal, kukee foof li kulako kuwaaleya kata Hulimahu Hásuumaahu, kaabuku li kulako kumata kata bukanabuku kata Ateemit, ban li kunaak foof kuliikeniil Hulimahu hata Ateemit.
Li kufañ kulako kuliikena káamak kata eluwaayi yata Ateemit, bale kúnaanumut kulimaku kooliil humum ko, li wahawu wan kulobemuu mata wo li kákangum ló káamak.
Mó mújimuu Ateemit li al̥usom min akaanom ayiiŋena li afootal, boot kaliiken bukanabuku kaletumuu kusuwif mata káyinenaku li Yéesu Kilisita li mal̥egenamu. Imálut, mal̥egen lilobe.
Jítuul kunahaanaku kooluul, ban koonuulumuu jikaan wah, li jikaan wo loon kulobuulumuu. Li mal̥egenamu, buko kommuu li kafooyuul, mata Ateemit fan abil agel̥l̥eniil mooluul. Jikaan manooman mantee li kuyili kukaan bulokabu booliil li ésuumansuum ló, bale inti li jíl̥okoo ló, mata kukaan momuu let lambenuul maayeet.
Kutuyom, joote jihaas wahawu unwe jak! Anoowan li bukuluul laate anaak asommen ajanten hulimahu hata Ateemit, bale jakum ahi’ li élobul, jakum foof ahi’ li kawuñet.
Li butumabu banolabu, kulim kata kásooniyen li kulim kajakut kúfulumule ló. Kutuyom, wahawu unwu wootut ubaj.
Jakum jiŋes kágooten bukanabuku kan kusenuulumuu jooken, bale jilako bukittenoolum bajake boot li bumatabu.