2 Kata Koolent 5:10 - Jola-Kasa

¹⁰ Li mal̥egenamu, wahawu wan ukaanaalumuu alolaal foofolaal feh, fan ubil uhaasi hákil tilibinaalayi yata Kilisita, min anoowan ayab bacaamabu bata wahawu wan akaanumuu nan alakomuu buloŋ li eniilayi inye, lako majake mantee foof majakut.

2 Kata Koolent 5:10 Referencias Cruzadas

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Bakaanelabu 10:42

Yéesu láanolisaan jiwaale ésukayi Hulimahu Hásuumaahu, ban li jiyiiŋen kaanaku okila Ateemit al̥usumuu boot batiib bukanabuku kaloŋumuu li kaketumuu.

Bakaanelabu 17:31

Lajoojok hunak nan ammuu atiibum bukanabuku feh kata etaamayi col, li anawu an al̥usumuu. Láhihhiis wahawu unwu bukanabuku feh, nan ayitenumulomuu anawu ummu li eketayi!»

Kata Lom 2:16

Wahawu unwu wommuu li ubil ujuki li hunakahu nan Ateemit ammuu li ájowum li Yéesu Kilisita min atiib wahawu feh wayolomuu li buloŋabu bata bukanabuku, loon Hulimahu Hásuumaahu han iwaaleyemuu li ho hulobumuu.

Kata Lom 6:19

Fan ilob li bukuluul loon ál̥ahukowan alobemuu, mata búgootowabu booluul búji. Naanaŋ, jikaanoolokaanoolo humumuul feh emiikeel yata buloŋ basetut, li yata kákaanikoo. Li manolamu, muñeˈe joote jilako bukuluul humumuul emiikeel yata kakaan wah wacole min jiloŋ buloŋ banabe.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

2 Kata Koolent 7:3

Ilobut loon muñaˈa boot kawatatenuul, mata loon ilob nomuu, bukuluul jumbuku li uyinumawu wóololi, ban bajut wah wayilo úfulenuul li úyinumoli, inti eketayi inti foot buloŋabu.

Kata Efées 6:8

Loon jihaasumuu, anoowan akaanumuu wah wajake, aano amiikeel, alet amiikeel, Amaaŋenawu fan asuuhenool wo.

Eébulo 9:27

Emmuu ál̥ahukowan ñano bale láami li aket, fúlum tómuu Ateemit li atiibool,

1 Fiyeel 4:5

Bale fan kubil kulob mata wahawu wan kukaanemuu, hákil Ateemit afalemuu boot katiib bukanabuku kammuu li buloŋ, li kaketumuu.

Búhiisenumabu 2:23

Fúlum tómuu, fan imuk bañiilabu boola. Muñaˈa léetimuu ikaan, Sijanguwasu feh li sihaas kaanaku ínje emmuu anawu ahaasemuu uyinoolawu wata bukanabuku li kásiibowaku kooliil. Fan icaam anoowan naboo li wahawu wan akaanumuu.

Búhiisenumabu 22:12

Yéesu li alaañen aan: — Ujanten, ínje muñeˈe li ibil. Ban fan íŋaloolul bacaamabu ban emmuu li isen anoowan, naboo li wahawu wan akaanumuu.