2 Kata Koolent 5:11 - Jola-Kasa

¹¹ Alóli jihaase waa wommuu kákoli Amaaŋenawu, ban jumbuku li huŋes min jikaan bukanabuku min kútiiwo boot boola. Ateemit akila láhaasoli jak, ban lenseen bukuluul foof jihaasom jak li uyinumuul.

2 Kata Koolent 5:11 Referencias Cruzadas

Máciya 10:28

Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.

Máciya 25:46

Muñeˈe umbuku fan kujow dán koote kubaj katek boot nanoonan. Bale kátuulumuu Ateemit fan kubaj buloŋ bábaneliit.»

Hulimahu Hásuumaahu loon Lík akiic homuu 12:5

Bale boot min ihebuul ayi jóotimuu jíkoli. Jíkoli Ateemit ayilimuu amukuul aban li abetenuul li sambun. Li mal̥egenamu fan ilobuul, okila jóotimuu jíkoli!

Hulimahu Hásuumaahu loon Lík akiic homuu 16:31

Bale Abulaham li aanool: «Kutuyi kujantenutumuu Móyiis li kufulofetaku, maayeet min an li kaketumuu ayitowulo min alobiil manooman mantee li kúyinen, bale let kúyinen.»

Bakaanelabu 13:43

Nan bajojabu buyiisumuu, Kusuwif kameeŋe li bukan kameeŋe kátiiwomuu kuŋa’ bútinabu bata Kusuwifaku, li kunab li Fool buko li Balunabaas. Fool buko li Balunabaas li kulob li buko, ban li kuwankuleniil mata min kujok jak kájiyaku kata Ateemit.

Bakaanelabu 18:13

min koon: — Anáyinaawu umme huŋes láami lí hó min akaan bukanabuku kumanen Ateemit búti li min eluwaayi elobumuu.

Bakaanelabu 18:4

Li húyiiyaay mantee li akaan Kusuwifaku li kugilekaku kúyinen.

Bakaanelabu 19:26

Bale jijuke ban jijame wahawu wan ánayinaawu ummu an koonemuu Fool ammuu li kakaan. Mata lansaan kuteemitaku kan bukan kukaane, kulet kuteemit kata mal̥egen, min áji bukan kameeŋe li kúyinen li akila, let taate li ésukayi yata Efées bale, bale foof li etaamayi feh yata Aasi.

Bakaanelabu 26:26

Ayíiyawu Agilifa lahaase mata wahawu unwu feh, ban mó mújimuu liyilo ilob li kabanewom hákilool. Hiitonhiit li buyinum kaanaku bajut wah wano li wo wan ahaasut, mata inti li egool̥ yayolowe wahawu unwu ukaani.

Bakaanelabu 28:23

Kusuwifaku li kusen Fool hunak nan kommuu li kufam. Nan hunakahu húliiŋumuu, li kuhaŋ mabil kumeeŋ, kubil kutookool tan akinumuu. Fool li akitteniil mata Jáyiiyaju jata Ateemit kábilum li bújom boot yok kátiim. Li ájowum li eluwaayi, min alobiil mata Yéesu ban li alako huŋes min akaaniil kúyinen.

2 Kata Koolent 2:17

Li mal̥egenamu, alolaal unokoolutaal li bukan kameeŋe kaŋalemuu Hulimahu hata Ateemit min kúbajum tó sídalam. Li mal̥egenolaal lulobaalemuu, loon kuloka kata Ateemit, hákilool ban li hujokoolahu hoololaal li Kilisita.

2 Kata Koolent 5:20

Alóli bukan joom kan Kilisita aboñe boot elob li kajaw koola. Kulimaku kan áloli jilobuulumuu, nokoonokoo loon Ateemit humumool ahooñe li bukuluul. Alóli jumbuku li kayaakuul li kajaw kata Kilisita, min jikat Ateemit min akaanuul jibaj hujamoo li akila humumool.

2 Kata Koolent 6:1

Emmuu áloli dín dáno jílokume li Ateemit, wahawu wan jommuu li kayaakooluul foof wo wommuu, jakum jiyab kájiyaku kata Ateemit jihinten to.

Kata Galasi 1:10

Muñeˈe buu jiyinoole? Mantee ínje huŋes léemi li ho min bukanabuku kusalom, mantee min Ateemit asalom? Mantee huŋes léemi li ho min ikaan bukanabuku súumiil? Nokoomuu loon ínje liloŋe li iŋes min ikaan bukanabuku súumiil, kama ilet aloka ata Kilisita.

Kata Efées 5:21

Jinaak jítuuloo humum hata kákoli kan jíkoliye Kilisita.

Eébulo 10:31

Kóyilenikoyileni ŋáa’ an balowe li kuŋen kata Ateemit aloŋumuu.

Eébulo 12:29

Li mal̥egenamu, Ateemit oololaal sambun saleemene laam.

Eleetalayi yan Súd akiicumuu 1:23

Jílamul kukee li buko li sambunasu min jifakeniil. Kaabuku li jíyiyeniil, bale li ekole ló, ban li jíkaanum jakum bil jigo wañawu wooliil wan bakaanelabu booliil bajakutumuu, bubojenumuu.

Búhiisenumabu 20:15

Muñeˈe an kajawool kukiicutimuu li éliibalayi yata buloŋabu, li kubetenool li buwokaayabu bata sambunasu.