Hulimahu Hásuumaahu loon Lík akiic homuu 16:2 - Jola-Kasa

² Muñeˈe anahaanawu li áhooñul alokaawu min aanool: «Kama wahawu wan ijamumee bukanabuku li kulob kuya li awu, buu? Uhíisom buu lukaane bulokabu eeno, mata let iyili ikati min ooken ebajayi yúmbaam.»

Hulimahu Hásuumaahu loon Lík akiic homuu 16:2 Referencias Cruzadas

Máciya 12:36

Fan ilobuul eenuul, li Hunakahu hata Batiibabu, anoowan fan atal hákil Ateemit wáa újiye li alob hulim hanoohan hajakut.

Máciya 20:8

«Muñeˈe nan títiimomuu, ánayinaawu ata bul̥ibabu li aan anahaanawu ata kulokaabuku koola: “Uhóoñul kulokaabuku min ucaamiil. Ukítum li kulokaabuku kaŋalimuu búsol ujow úbanum li kútinaalabuku.”

Hulimahu Hásuumaahu loon Lík akiic homuu 12:20

Bale Ateemit li aan ánayinaawu: «Esoŋaye! Li ehukaayi inye faŋ yo, fan uket. Muñeˈe ayi ammuu li aŋa’ wahawu feh wan uhahenumuu boot li awu humumi?»

Hulimahu Hásuumaahu loon Lík akiic homuu 12:42

Amaaŋenawu li aan Fiyeel: — Kama ayimaa ammuu aloka al̥egene ban li ájallo? Okila ammuu anawu an anahaanawu oola alakomuu li ajow kañaahoo, li aŋa’ kulokaabuku koola asenool aaken, ánaakum aseniil hutiñiil, taŋiil yata hutiñ báliiŋe.

Hulimahu Hásuumaahu loon Lík akiic homuu 16:1

Yéesu li alaañen aan kúgoomaku koola: — Bile baj ánayine akee abaje, li aŋa’ ebajayi yoola asen alokawool aakenool. Bukan li kubil koon ánayinaawu abajaawu, alokaawu ummu li kafasiken ebajayi yoola.

Hulimahu Hásuumaahu loon Lík akiic homuu 16:3

Alokaawu li ayinoo li aan: «Anahaanawu úmbaam fan áfulenom li bulokabu búmbaam. Kama muñowu boot min ikaan buu? Ibajut sembe boot ewañ, ban fan isuu bajow kal̥aw.

Kata Lom 14:12

Mó mújimuu, anoowan li alolaal fan abil ayito hákil Ateemit min acahenoolo akila humumool.

1 Kata Koolent 1:11

Li mal̥egenamu, kutuyom, bukanabuku kata butoŋabu bata Kólowe kulobonlob koonom babbaj úmuy li bukuluul.

1 Kata Koolent 4:2

Imban wahawu wan kufañumuu min an an kusene wah kakaan akaan, wo wommuu min akaan bulokabu boola jak.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

2 Kata Koolent 5:10

Li mal̥egenamu, wahawu wan ukaanaalumuu alolaal foofolaal feh, fan ubil uhaasi hákil tilibinaalayi yata Kilisita, min anoowan ayab bacaamabu bata wahawu wan akaanumuu nan alakomuu buloŋ li eniilayi inye, lako majake mantee foof majakut.

1 Tímote 4:14

Jakum ubet to kájiyaku kan Buyinumabu busenimuu, kan uyabumuu nan kufulofetaku kulobumuu mooli, li nan kunahaanaku kuŋalumuu kuŋeniil kuwalen li awu.

1 Tímote 5:24

Kukee uhoofoolawu wooliil ujukeyijuk tówum kutiibi, bale kaabuku wooliil búsol ujukeyi.

1 Fiyeel 4:10

Anoowan li bukuluul laate aŋa’ kájiyaku kan Ateemit asenoolumuu min akaan majake boot li kaabuku feh. Jikaan momuu, fan jilako bukan kajoke jak újiyawu wábutoomuu wata Ateemit.

1 Fiyeel 4:5

Bale fan kubil kulob mata wahawu wan kukaanemuu, hákil Ateemit afalemuu boot katiib bukanabuku kammuu li buloŋ, li kaketumuu.

Búhiisenumabu 20:12

Muñeˈe li ijuk bukanabuku kaketumuu, káamakabuku li katitabuku mayitowe hákil efenjeŋayi yata jáyiiyaju. Síliibal li síbabuli, ban éliibal yakee foof li ébabuli: yo yommuu éliibalayi yata buloŋabu. Bukanabuku kaketumuu li kutiibi naboo li wahawu wan anoowan li buko akaanumuu, loon kiicumuu li síliibalasu.