Hulimahu Hásuumaahu loon Lík akiic homuu 16:1 - Jola-Kasa

¹ Yéesu li alaañen aan kúgoomaku koola: — Bile baj ánayine akee abaje, li aŋa’ ebajayi yoola asen alokawool aakenool. Bukan li kubil koon ánayinaawu abajaawu, alokaawu ummu li kafasiken ebajayi yoola.

Hulimahu Hásuumaahu loon Lík akiic homuu 16:1 Referencias Cruzadas

Máciya 20:8

«Muñeˈe nan títiimomuu, ánayinaawu ata bul̥ibabu li aan anahaanawu ata kulokaabuku koola: “Uhóoñul kulokaabuku min ucaamiil. Ukítum li kulokaabuku kaŋalimuu búsol ujow úbanum li kútinaalabuku.”

Hulimahu Hásuumaahu loon Lík akiic homuu 12:42

Amaaŋenawu li aan Fiyeel: — Kama ayimaa ammuu aloka al̥egene ban li ájallo? Okila ammuu anawu an anahaanawu oola alakomuu li ajow kañaahoo, li aŋa’ kulokaabuku koola asenool aaken, ánaakum aseniil hutiñiil, taŋiil yata hutiñ báliiŋe.

Hulimahu Hásuumaahu loon Lík akiic homuu 15:13

Muñeˈe li baj kunak, añiilawu ahaŋumuu mañiilo, li ájula joola li wahawu wan abajumuu, ban li aŋa’ sídalamasu min ajow boot li etaam yakee yáloyiye. Nan áliiŋ bomuu, li aŋa’ sídalamasu soola feh afasiken li buloŋ bajakut.

Hulimahu Hásuumaahu loon Lík akiic homuu 15:30

Bale añooli umme lálaañulo, okila aŋalumuu ebajayi yooli feh ajow afasiken li sicaga, okila lumukumuu jímuunaaju jahaŋumuu maluuk.”

Hulimahu Hásuumaahu loon Lík akiic homuu 16:19

— Bile baj ánayine akee abaje anaake akaano wañawu wahaŋumuu máyiki li wahaŋumuu maseel, ban hunakoohunak li akaan kagaan káamak kásuume.

Hulimahu Hásuumaahu loon Lík akiic homuu 16:2

Muñeˈe anahaanawu li áhooñul alokaawu min aanool: «Kama wahawu wan ijamumee bukanabuku li kulob kuya li awu, buu? Uhíisom buu lukaane bulokabu eeno, mata let iyili ikati min ooken ebajayi yúmbaam.»

Hulimahu Hásuumaahu loon Lík akiic homuu 19:20

Muñeˈe aloka akee li abil áliiŋul li aan: “Anahaan, ehanjalayi yooli yunye. Liŋaŋŋa’ yo ikaan li kal̥aac ijow iyog,

Hulimahu Hásuumaahu loon Lík akiic homuu 8:3

Saan, anaalaawu ata alokaawu ata Elod, an koonemuu Suusa, Susaan li bukan kukee kameeŋe, kanaake kulambenoo Yéesu li kúgoomaku koola li wahiil.

Eleetalayi yan Fool akiicumuu Tit 1:7

Li mal̥egenamu, anahaan ata ejangu an kusene bulok bata Ateemit, jakum an ajuk majakut li akila. Jakum alako an atebenoolowe, an ahile kawuñet, an ákaliyenoole, an ámuyitene bukan, ban jakum alako foof an aweelowe li sídalam.

Saak 4:3

Li jibil jil̥aw wah let jibaj wo, mata jíl̥aweliit li kayinoo kajake, ban wahawu wan jil̥awemuu fan jiŋa’ wo min jibaj wahawu wásuumuulumuu.

1 Fiyeel 4:10

Anoowan li bukuluul laate aŋa’ kájiyaku kan Ateemit asenoolumuu min akaan majake boot li kaabuku feh. Jikaan momuu, fan jilako bukan kajoke jak újiyawu wábutoomuu wata Ateemit.